យោងតាមអង្គការសុខភាពពិភពលោក ជារៀងរាល់ ២០នាទី មានក្មេងម្នាក់ស្លាប់ដោយសារជំងឺរលាកសួត។ រោគសញ្ញាជំងឺរលាកសួតលើកុមារ គឺខុសគ្នាពីក្មេងម្នាក់ទៅម្នាក់។ ខ្លះអាចនឹងក្អកតិចតួច មិនក្តៅខ្លួន ឬគ្មានសញ្ញាបង្ករោគច្បាស់លាស់ទេ ជាហេតុនាំឲ្យពិបាកព្យាបាលឲ្យបានទាន់ពេល។ មូលហេតុនេះហើយ បានជា “Hello គ្រូពេទ្យ’ នឹងលើកឡើងពីជំងឺរលាកសួតលើកុមារ ឲ្យគ្នាយើងបានដឹង ដើម្បីអាចបង្ការគ្រោះថ្នាក់បាន។
ជំងឺរលាកសួតលើកុមារ គ្រោះថ្នាក់ណាស់! ចុះធ្វើម៉េចអាចដឹងកូនកំពុងរលាក?
ត្រួតពិនិត្យដោយ គឹម កាណែល
១- ជំងឺរលាកសួតលើកុមារកម្រិតស្រាល
ជំងឺរលាកសួតលើកុមារ គឺបង្កដោយពពួកបាក់តេរី ដូចជា Mycoplasma pneumoniae និង Chlamydophila pneumoniae ធ្វើឲ្យមានរោគសញ្ញាកម្រិតស្រាលប៉ុណ្ណោះ។ ជំងឺនេះ ឧស្សាហ៍កើតញឹកញាប់លើក្មេងៗ អាយុថ្នាក់បឋមសិក្សា ក៏មិនសូវជាមានសភាពធ្ងន់ធ្ងរនោះដែរ តែវាអាចធ្វើឲ្យមានអាការៈក្អកស្ងួត ក្តៅខ្លួនស្ទីងៗ ឈឺក្បាល និងអស់កម្លាំង។
២- ជំងឺរលាកសួតលើកុមារកម្រិតមធ្យម
ច្រើនកើតលើក្មេងអាយុ ៥-៦ ឆ្នាំ ដែលបណ្តាលមកពីពពួកមេរោគ ខណៈរោគសញ្ញាកើតមានញឹកញាប់ ដូចជា ឈឺក ក្អក ក្តៅខ្លួនតិចៗ តឹងច្រមុះ រាករូស មិនសូវចង់ញ៉ាំចំណី និងអស់កម្លាំង។
៣- រលាកសួតលើកុមារកម្រិតធ្ងន់
ច្រើនកើតលើក្មេងស្ថិតក្នុងវ័យបឋមសិក្សា និងក្មេងជំទង់ ហើយបណ្តាលមកពីពួកបាក់តេរី និងមានរោគសញ្ញាធ្ងន់ធ្ងរ ដូចជា ក្តៅខ្លួនខ្លាំង បែកញើស រងាញាក់ ស្បែកឡើងក្រហម បបូរមាត់ និងក្រចកឡើងខៀវ ដកដង្ហើមឮសំឡេង និងពិបាកដកដង្ហើម។
អត្ថបទពាក់ព័ន្ធ៖
- ជំងឺខ្សោយផ្លូវដង្ហើម
- ជំងឺគ្រុនឈាម
៤- រលាកសួតលើទារក
ពេលទារកមានជំងឺនេះ មិនមានរោគសញ្ញាឲ្យច្បាស់លាស់ឡើយ បង្កជាផលវិបាកដឹងពីស្ថានភាពជំងឺទាន់ពេល ព្រោះដោយសារទារកមិនអាចប្រាប់ពីអាការៈបានឡើយ។ យ៉ាងណា យើងអាចសង្កេតឃើញមានស្ថានភាព ស្លេកស្លាំង ខ្សោយល្ហិតល្ហៃ យំខុសធម្មតា មិនសូវបៅ ឬញ៉ាំ ឡេះឡះ និងក្អួត។
៥- ពេលណាគួរទៅជួបគ្រូពេទ្យ?
គួរទៅជួបគ្រូពេទ្យពេលសង្កេតឃើញថា ក្មេងមានរោគសញ្ញាដូចបានរៀបរាប់ខាងលើ ហើយត្រូវទៅកាន់មណ្ឌលសុខភាព ឬមន្ទីរពេទ្យភ្លាមៗពេលដែលទារកមានអាការៈដូចខាងក្រោម៖
– ពិបាកដកដង្ហើម ឬដកដង្ហើមញាប់
– ប្តូរពណ៌ស្បែក (ខៀវ ឬប្រផេះ)
– ក្តៅខ្លួនខ្លាំង (ចាប់ពី ៣៨អង្សារសេ ចំពោះទារកក្រោម ៦ខែ)។
៦- វិធីព្យាបាល
គ្រូពេទ្យនឹងពិនិត្យអាការៈកូនយើង ចង្វាក់ដង្ហើម សញ្ញាជីវិត និងស្តាប់សំឡេងសួត។ គ្រូពេទ្យ ក៏អាចនឹងសុំធ្វើតេស្តមួយចំនួន ដូចជា ថតសួត ពិនិត្យឈាម អាចនឹងបណ្តុះមេរោគពីកំហាកទៀតផង។
ជំងឺរលាកសួតលើកុមារ ភាគច្រើនអាចព្យាបាលបានដោយថ្នាំផ្សះ និងការសម្រាកនៅផ្ទះប៉ុណ្ណោះ។ មិនគួរឲ្យថ្នាំបញ្ឈប់ក្អកទៅក្មេងឡើយ ព្រោះនឹងរំខានដល់ការបញ្ចេញស្លេសពីផ្លូវដង្ហើម។ គួរពិគ្រោះជាមួយគ្រូពេទ្យសិន មុននឹងឲ្យថ្នាំទៅក្មេង ហើយ ក្នុងករណីខ្លះ សមាជិកគ្រួសារ ក៏ត្រូវលេបថ្នាំដើម្បីការពារករណីឆ្លងផងដែរ។ ក្មេងអាចនឹងត្រូវសម្រាកពេទ្យ បើសិនជា៖
– រលាកសួតដោយក្អកមាន់
– មានក្តៅខ្លួនខ្លាំង និងពិបាកដកដង្ហើម
– ត្រូវដាក់អុកស៊ីសែន
– រលាកសួតពេញច្រើនកន្លែង
– មានជំងឺប្រព័ន្ធការពារប្រឆាំងខ្លួនឯង
– ក្អួតខ្លាំង
– រលាកសួត ម្តងហើយម្តងទៀត
ក្មេងមានជំងឺរលាកសួតធ្ងន់ធ្ងរ អាចនឹងត្រូវសម្រាកនៅផ្នែកសង្គ្រោះ និងថែទាំពិសេស (ICU)។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម