ទារកកើតមកទម្ងន់ប៉ុន្មាន ទើបហៅថាគ្រប់គីឡូ?

ម៉ាក់ប៉ា​គ្រប់​គ្នា​ច្បាស់​ជា​ដឹង​ហើយ​ថា កាល​ណា​ទារក​កើត​មក​គឺ​ត្រូវ​គិត​ទៅ​តាម​គីឡូ​ដែល​បាន​កំណត់​តាម​ស្តង់​ដារ ព្រោះ​វា​អាច​ជួយ​បញ្ជាក់​ឲ្យ​ដឹង​ពី​សុខភាព​របស់​ក្មេង ប៉ុន្តែ​មានដឹងអត់ថា ទារកមានគីឡូប៉ុន្មាន​បាន​គិត​ថា​គ្រប់​តាម​ស្តង់​ដារ។

បើ​តាម​ការផ្សព្វផ្សាយ​របស់​មន្ទីរពេទ្យ កាល់​ម៉ែត បាន​ឲ្យ​ដឹង​ថា ជាទូទៅ គីឡូ​ស្តង់​ដារ​របស់​ទារក​គឺ​ទម្ងន់​ចាប់​ពី ២,៥គីឡូ (២.៥០០ក្រាម) ឡើង​ទៅ ហើយ​កាលណា​​ទារក​កើត​មក​មាន​គីឡូ​តិច​ជាង ​២,៥គីឡូ​ គឺ​ទម្ងន់កូន​មិន​ត្រូវ​តាម​ស្តង់​ដារ​ទេ។ ម្យ៉ាង​វិញ​ទៀត បើ​ទារក​កើត​មក​មាន​ទម្ងន់​តិច​ជាង ១.៥០០ក្រាម ឬ ១.០០០ក្រាម គឺ​ទារក​នោះ​អាច​មាន​បញ្ហា​ធ្ងន់​ធ្ងរ​ហើយ។

មន្ទីរពេទ្យ កាល់​ម៉ែត បាន​ឲ្យ​ដឹង​ថា ទារក​កើត​មក​មិន​គ្រប់​គីឡូ​ខ្លាំង​អាច​មាន​សភាព​ខ្សោយ​តាំង​ពី​ក្នុង​ពោះ ហើយ​អាច​មាន​ចង្វាក់​បេះ​ដូង​ខ្សោយ កើត​មក​សន្លប់ ឬ​អាច​ឈាន​ដល់​ស្លាប់​ក្នុង​ពោះក្នុង​ករណី​ដែល​ធ្ងន់​ធ្ងរ។ មិនតែ​ប៉ុណ្ណោះ ទារក​មិនគ្រប់គីឡូអាច​ប្រឈម​នឹង​វិបត្តិជា​ច្រើន​ដូច​ជា៖

– ការ​រំលាយ​អាហារ​មិនល្អ ​ធ្វើ​ឲ្យ​ទារក​កាន់​តែ​ខ្សោយ ​មិន​ងាយ​ឡើង​ទម្ងន់

– ចុះ​កម្តៅ​ក្នុង​ខ្លួន​ខ្លាំង

– ចុះ​ជាតិ​ស្ករ

– ចុះ​ជាតិ​កាល់​ស្យូម

– ​ងាយ​ឡើង​លឿង។ល។

ដូច​នេះ មន្ទីរពេទ្យ កាល់​ម៉ែត បាន​បញ្ជាក់​ឲ្យ​ស្រ្តី​ពពោះ​ទាំង​អស់​ដែល​មាន​បញ្ហា​កូន​ក្នុង​ផ្ទៃ​មាន​គីឡូ​តិច គួរ​ទៅ​ធ្វើ​ការ​តាម​ដាន​សុខភាព​ជាមួយ​ក្រុម​គ្រូពេទ្យ​ជំនាញ និង​មាន​បទ​ពិសោធន៍​ខ្ពស់ ដើម្បី​ថែទាំ​សុខភាព​កូន​ឲ្យ​បាន​កាន់​តែ​ដិត​ដល់​ថែម​ទៀត។

អត្ថបទពាក់ព័ន្ធ៖

• កូនតូចមិនឡើងគីឡូ ឬទម្ងន់មិនគ្រប់ស្តង់ដារ ប៉ះពាល់ដល់ខួរក្បាលអត់?
• ទារកស្រកគីឡូក្រោយកើត គួរឲ្យបារម្ភអត់ ហើយពេលណាឡើងវិញ?
• ពេទ្យបកស្រាយពីពេលវេលា ខួរក្បាលក្មេងលូតលាស់ខ្លាំងបំផុត ចាំបាច់បំប៉នឲ្យល្អ
• ម៉េច​បាន​ទារក​បៅ ញ៉ាំច្រើនប៉ុនណា នៅមិន​ឡើង​គីឡូទៀត?
• ដឹងអត់ ដំឡូងជ្វា ល្អចំពោះទារកក្នុងផ្ទៃយ៉ាងម៉េចខ្លះ?

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕