ចំពោះក្មេងតូច យើងមិនអាចវិនិច្ឆ័យថាតើអាអូនមានសុខភាពល្អ ឬលូតលាស់ និងអភិវឌ្ឍតាមស្តង់ដារឬអត់ ដោយគ្រាន់មើលនឹងភ្នែក ឬការតាមដានប្រចាំថ្ងៃនោះទេ។ ស្ថានភាពសុខភាព និងការលូតលាស់មួយចំនួន ទាល់តែយើងនាំកូនតូចទៅពិនិត្យសុខភាពជាមួយគ្រូពេទ្យជំនាញ ទើបអាចដឹងថាកូនមានសុខភាពល្អពិតប្រាកដ ឬដឹងថាយើងជាម៉ាក់ប៉ាថ្លោះធ្លោយក្នុងការចិញ្ចឹមបីបាច់កូន ឬក៏អត់។

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

អត្ថប្រយោជន៍នៃការនាំកូនទៅពិនិត្យសុខភាព

ការបង្ការ៖ អាអូននឹងទទួលបានការចាក់វ៉ាក់សាំងតាមកាលវិភាគត្រឹមត្រូវ (ទាំងក្រៅ និងក្នុងថ្នាក់ជាតិ) ដើម្បីការពារជំងឺ។ ម៉្យាង យើងជាម៉ាក់ប៉ាក៏អាចសួរនាំគ្រូពេទ្យពីអាហារូបត្ថម្ភកូន និងសុវត្ថិភពនៅក្នុងផ្ទះ ក៏ដូចជានៅក្នុងសាលារៀនផងដែរ។
តាមដានការលូតលាស់ និងការអភិវឌ្ឍ៖ យើងអាចដឹងថាតើកូនបានលូតលាស់ដល់កម្រិតណាហើយតាំងពីការពិនិត្យសុខភាពលើកមុន ហើយយើងអាចពិភាក្សាពីការលូតលាស់ និងអភិវឌ្ឍ ជាមួយអ្នកជំនាញដូចជា អាកប្បកិរិយាសង្គម និងការរៀនសូត្ររបស់អាអូន។
ប្រាប់ពេទ្យពីក្ដីព្រួយបារម្ភ៖ យើងអាចកត់ទុករាល់កង្វល់ទាក់ទងនឹងសុខភាពកូន មុនទៅពិនិត្យរួចសឹមប្រាប់គ្រូពេទ្យពីក្ដីបារម្ភទាំងនោះ ឧទាហរណ៍ដូចជា ការលូតលាស់ អាកប្បកិរិយា ការគេង ការញ៉ាំ ឬការចុះសម្រុងជាមួយមនុស្សនៅជុំវិញខ្លួនរបស់កូន។
បង្កើនភាពស្និទ្ធស្នាលជាក្រុម៖ ការនាំកូនទៅពិនិត្យសុខភាពទៀងទាត់ បង្កើតទំនាក់ទំនងដ៏រឹងមាំ និងគួរឲ្យទុកចិត្តក្នុងចំណោមគ្រូពេទ្យ ម៉ាក់ប៉ា និងកុមារ។ AAP (American Academy of Pediatrics) ណែនាំការទៅជួបពេទ្យកុមារថាជាមធ្យោបាយមួយសម្រាប់គ្រូពេទ្យកុមារ និងឪពុកម្ដាយ ដើម្បីបម្រើតម្រូវការទៅតាមសុខភាពកូន។ វិធីសាស្រ្តនេះជួយអភិវឌ្ឍសុខភាពផ្លូវកាយ ផ្លូវចិត្ត និងសង្គមដ៏ល្អប្រសើររបស់កុមារ។

នាំកូនតូចទៅពិនិត្យសុខភាព

តើគួរនាំកូនតូចទៅពិនិត្យសុខភាពប៉ុន្មានដង?

នាយកដ្ឋានសុខភាពរបស់សហរដ្ឋអាមេរិកណែនាំឲ្យម៉ាក់ប៉ានាំកូនតូចទៅពិនិត្យសុខភាព ៧ ដងដែលមានអាយុចន្លោះពី ១ឆ្នាំដល់ ៤ឆ្នាំ គឺនៅពេល៖

១២ខែ
១៥ខែ
១៨ខែ
២៤ខែ
៣០ខែ
៣ឆ្នាំ
៤ឆ្នាំ។

បន្ទាប់ពីអាយុ ៤ឆ្នាំ នាយកដ្ឋានដដែលបានណែនាំឲ្យកុមារទៅជួបគ្រូពេទ្យកុមារ ដើម្បីពិនិត្យសុខភាពប្រចាំឆ្នាំ។

ចំណុចសំខាន់

នាយកដ្ឋានសុខភាពរបស់សហរដ្ឋអាមេរិកណែនាំឲ្យម៉ាក់ប៉ានាំកូនតូចទៅពិនិត្យសុខភាព ៧ ដងដែលមានអាយុចន្លោះពី ១ឆ្នាំដល់ ៤ឆ្នាំ គឺនៅពេល ១២ ខែ ១៥ ខែ ១៨ខែ ២៤ខែ ៣០ខែ ៣ឆ្នាំ ៤ឆ្នាំ។ អត្ថប្រយោជន៍នៃការនាំកូនទៅពិនិត្យសុខភាព៖

ការបង្ការ
តាមដានការលូតលាស់ និងការអភិវឌ្ឍន៍
ប្រាប់ពេទ្យពីក្ដីព្រួយបារម្ភ
បង្កើនភាពស្និទ្ធស្នាលជាក្រុម ៕

អត្ថបទគួរអាន៖

ម៉ាក់ប៉ាគួរនាំកូនតូចទៅពិនិត្យសុខភាពពេលណាខ្លះ? ចាំបាច់ដែរអត់?

អត្ថប្រយោជន៍​នៃ​ការ​នាំ​កូន​ទៅ​ពិនិត្យ​សុខភាព

តើ​គួរ​នាំ​កូន​តូច​ទៅ​ពិនិត្យ​សុខភាព​ប៉ុន្មាន​ដង?

ចំណុចសំខាន់

អត្ថប្រយោជន៍នៃការនាំកូនទៅពិនិត្យសុខភាព

តើគួរនាំកូនតូចទៅពិនិត្យសុខភាពប៉ុន្មានដង?