សុខភាពកុមារ

ជំងឺ​ញាក់​គ្រាប់​ភ្នែក​ (Nystagmus) ​ជា​ជំងឺ​ដែល​ភ្នែក​ធ្វើ​ចលនា​ដដែល​ៗ មិន​អាច​គ្រប់គ្រង​បាន​ និង​កន្ត្រាក់​ចុះ​ឡើង​។ ពិត​ណាស់​ ជា​ធម្មតា​ ទារក​ធ្វើ​ចលនា​ភ្នែក​ដើម្បី​តាម​មើល​​ប្រដាប់​ប្រដា​​ក្មេង​លេង ឬ​មនុស្ស​ជុំវិញ។ ប៉ុន្តែ សម្រាប់​ទារក​​ដែល​មាន​ជំងឺ​ញាក់​គ្រាប់​ភ្នែក​ ​មាន​ចលនា​ភ្នែក​ញឹកញាប់​ និង​ដដែល​ៗ​។ ជំងឺ​​នេះ ជា​ទូទៅ​កើត​ឡើង​នៅ​ចន្លោះ​ពេល​ដែល​កូន​អាយុ​៦​សប្ដាហ៍ និង​៦​ខែ ហើយ​វា​ក៏​អាច​មាន​ទំនាក់ទំនង​ជាមួយ​នឹង​​ការ​ធ្លាក់​ចុះ​នៃ​គំហើញ របស់​អា​អូន​ផង​ដែរ​។​ រោគសញ្ញា​នៃ​ជំងឺ​ញាក់​គ្រាប់​ភ្នែក​​កើត​លើ​​ទារក​មាន​អ្វី​ខ្លះ​? រោគសញ្ញា​ចម្បង​នៃ​ជំងឺ​ញាក់​គ្រាប់​ភ្នែក​ គឺ​ចលនា​ភ្នែក​ញាក់​ៗ​ដោយ​មិន​ដឹង​ខ្លួន​ ហើយ​​កម្លាំង និង​ភាព​ញឹកញាប់​នៃ​ចលនា​ភ្នែក​ទាំង​នេះ មាន​ការ​ប្រែប្រួល​​អាស្រ័យ​លើ​​ទារក​ម្នាក់​ៗ។ ​ជំងឺ​ញាក់​គ្រាប់​ភ្នែក​អាច​កើត​ឡើង​លើ​ភ្នែក​ម្ខាង​ ឬ​ទាំង​សង​ខាង​។ រោគសញ្ញា​ផ្សេង​ទៀត​នៃ​ជំងឺ​ញាក់​គ្រាប់​ភ្នែក​ រួម​មាន​៖ មាន​រំញោច​​នឹង​ពន្លឺ​ ពិបាក​​ក្នុង​ការ​តាមមើល​វត្ថុ​អ្វី​មួយ ចូរ​ពិគ្រោះ​ជាមួយ​នឹង​​គ្រូពេទ្យ​​​ខាង​ភ្នែក​កុមារ​ ប្រសិនបើ​អា​អូន​​មាន​ជំងឺ​ញាក់​គ្រាប់​ភ្នែក​។ រោគសញ្ញា​មួយ​ចំនួន​ទៀត​ ដូចជា​ព្រិល​ភ្នែក​ ពិបាក​ក្នុង​ការ​មើល​នៅ​ពេល​យប់​  ​វិល​មុខ និង​វិបត្តិ​លំនឹង អាច​កើត​ឡើង​​នៅ​ពេល​ដែល​​កូន​ដល់​វ័យ​ចូល​រៀន​។​​​​​ មូលហេតុ​បង្ក​​ និង​​កត្តា​ហានិភ័យ​នៃ​ជំងឺ​ញាក់​គ្រាប់​ភ្នែក បញ្ហា​សរសៃ​ប្រសាទ​ពី​កំណើត​ ជា​មូលហេតុ​ទូទៅ​បំផុត​នៃ​ជំងឺ​ញាក់​គ្រាប់​ភ្នែក​ដែល​កើត​ចំពោះ​កុមារ​។ មូលហេតុ​ផ្សេង​ទៀត​ រួម​មាន​៖ ជំងឺ​ភ្នែក​ឡើង​បាយ​ពី​កំណើត​  ផឿក ជំងឺ​នៃ​ប្រព័ន្ធ​សរសៃ​ប្រសាទ​កណ្ដាល​ បញ្ហា​ជាមួយ​នឹង​ការ​អភិវឌ្ឍ​នៃ​ការ​គ្រប់គ្រង​ចលនា​ភ្នែក​ រលាក​ត្រចៀក​ផ្នែក​ខាង​ក្នុង​ ការ​ប្រើប្រាស់​ប្រភេទ​ថ្នាំ​មួយ​ចំនួន​ បន្ថែម​ពី​នេះ​ វិបត្តិ​​លំនឹង​ក្នុង​ត្រចៀក​ ក៏​អាច​ធ្វើ​ឲ្យ​​ទារក​កើត​ជំងឺ​ញាក់​គ្រាប់​ភ្នែក​នេះ​ដែរ​។ ចំណែក​ឯ​ជំងឺ​មួយ​ចំនួន​ដូចជា​ ​ជំងឺ​ប្រព័ន្ធ​ភាព​ស៊ាំ  ​គ្រោះថ្នាក់​សរសៃ​ឈាម​ខួរ​ក្បាល​ និង​ការ​ប៉ះទង្គិច​ ក៏​អាច​បង្ក​ជា​ជំងឺ​ញាក់​គ្រាប់​ភ្នែក​នៅ​ពេល​ក្រោយ​ដូច​គ្នា។

ជំងឺពិបាកផ្ចង់អារម្មណ៍កើតឡើងនៅពេលអូនតូចសកម្មជ្រុល មិនអាចរក្សា​ការ​ផ្តោត​អារម្មណ៍​ និង​មាន​អាកប្បកិរិយាដែលអាច​ធ្វើឱ្យប៉ះពាល់ដល់ការសិក្សា ទំនាក់ទំនងក្នុងគ្រួសារ និងក្នុងសង្គម។ តើជំងឺពិបាកផ្ចង់អារម្មណ៍មានអាការៈអ្វីខ្លះ? កុមារដែលមានជំងឺពិបាកផ្ចង់អារម្មណ៍អាចបង្ហាញអាការៈមុនអាយុ ១២ឆ្នាំ តែចំពោះកុមារមួយ​ចំនួន​អាចមានអាការៈតាំងពីអាយុ ៣ឆ្នាំ។ អាការៈជំងឺអាចស្រាល មធ្យម ឬធ្ងន់ ហើយអាច​បន្តរហូត​ដល់ពេញវ័យ។ ជំងឺនេះកើត​ឡើងញឹកញាប់លើក្មេងប្រុសជាងក្មេងស្រី។​ ម្យ៉ាងទៀតក្មេង​ប្រុស ស្រី ដែល​មាន​ជំងឺ​ពិបាកផ្ចង់អារម្មណ៍អាចមានអាកប្បកិរិយាខុសគ្នា។ ជំងឺពិបាកផ្ចង់​អារម្មណ៍​ចែក​ចេញ​ជា​ ៣ ប្រភេទគឺ៖ ១. មិនយកចិត្តទុកដាក់ មិនយកចិត្តទុកដាក់ចំពោះព័ត៌មានលម្អិតទេ ឬធ្វើកិច្ចការសាលាខុសច្រើន និងខ្ជីខ្ជា មានបញ្ហាក្នុងការផ្តោតអារម្មណ៍មិនថាពេលធ្វើកិច្ចការ ឬលេង មិនស្តាប់ ទោះបីជាយើងនិយាយជាមួយផ្ទាល់ក៏ដោយ មានការពិបាកក្នុងការធ្វើតាមការណែនាំ ហើយមិនអាចបញ្ចប់កិច្ចការ​សាលា ឬការងារផ្ទះ មានបញ្ហាក្នុងការរៀបការងារ និងសកម្មភាពផ្សេងៗ គេចវេះ ឬមិនចូលចិត្តកិច្ចការដែលត្រូវការការគិតដូចជាកិច្ចការសាលា បាត់សម្ភារៈដែលត្រូវការចាំបាច់សម្រាប់កិច្ចការ ឬសកម្មភាពប្រចាំថ្ងៃដូចជា តុក្កតា កិច្ចការសាលា ឬ​ខ្មៅដៃជាដើម ងាយបែកអារម្មណ៍ ភ្លេចធ្វើកិច្ចការប្រចាំថ្ងៃមួយចំនួនដូចជាធ្វើកិច្ចការផ្ទះ  ២. សកម្មជ្រុលឬធ្វើតាមចិត្ត នៅមិនស្ងៀម មានការពិបាកក្នុងការអង្គុយក្នុងថ្នាក់ ឬក្នុងស្ថានភាពផ្សេងទៀត រត់ជុំវិញ ឬឡើងទីខ្ពស់ក្នុងស្ថានភាពមិនសមស្រប មានបញ្ហាក្នុងការលេង ឬធ្វើសកម្មភាពណាមួយដោយស្ងៀមស្ងាត់ និយាយច្រើនជ្រុល ឆ្លើយមិនបានគិត និងរំខានដល់អ្នកសួរ មានការលំបាកក្នុងការរង់ចាំឱ្យដល់វេនខ្លួន រំខាន […]

ម៉ាក់ប៉ាណាក៏ដូចគ្នាដែរ តែងប្រាថ្នាចង់ឲ្យកូនលូតលាស់ពេញវ័យប្រកបដោយសុខភាពល្អ និងប្រាជ្ញាឆ្លាតវៃ ហើយដើម្បីសម្រេចបំណងប្រាថ្នានេះ ទាមទារឲ្យម៉ាក់ប៉ាថែទាំកូនឲ្យមានសុខភាពល្អ រួមទាំងសុខភាពប្រព័ន្ធរំលាយអាហារកូនដែរ។ កាលណាសុខភាពក្រពះ-ពោះវៀនអាអូនអត់ល្អទេ កូនអាចនឹងជួបឧបសគ្គធំៗ ៣ យ៉ាង រារាំងដល់ការលូតលាស់។ ឧបសគ្គទាំងនោះមានដូចជា៖ ១. កង្វះអាហារូបត្ថម្ភ ក្រពះ-ពោះវៀនមាននាទីចាំបាច់ក្នុងការស្រូបយកសារធាតុចិញ្ចឹមពីអាហារដែលអាអូនញ៉ាំចូលខ្លួន។ បើសុខភាពប្រព័ន្ធរំលាយអាហារមិនល្អ មានន័យថា អាអូនច្បាស់ជាទទួលបានសារធាតុចិញ្ចឹមមិនគ្រប់គ្រាន់តាមតម្រូវការរបស់រាងកាយទេ។ លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិ ឲ្យដឹងថា កាលណាបើក្រពះ-ពោះវៀនក្មេងមានសុខភាពល្អ គឺធ្វើឲ្យក្មេងមានការលូតលាស់បានល្អ ទាំងមាឌ និងកម្ពស់គឺបានប្រក្រតីធម្មតាទាំងអស់។ ដឹងអត្ថន័យពណ៌ និងរូបរាងលាមកទារក​ ចុចត្រង់នេះ ២. ប្រព័ន្ធការពាររាងកាយខ្សោយ យើងដឹងហើយថា សុខភាពក្រពះពោះវៀន ជះឥទ្ធិពលដល់សុខភាពប្រព័ន្ធការពាររាងកាយកូនតូច ដោយសារក្រពះ-ពោះវៀនមានប្រមាណ ៧០% នៃកោសិកាដែលបង្កើតជាប្រព័ន្ធការពាររាងកាយ ហើយបាក់តេរីល្អៗ រាប់លានមានក្នុងក្រពះ-ពោះវៀន ក៏ជួយទ្រទ្រង់សុខភាពទូទៅរបស់អូនៗ ចៀសឆ្ងាយពីជំងឺតូចតាចមួយចំនួនផងដែរ។ នេះមានន័យថា បើអាអូនមានសុខភាពប្រព័ន្ធរំលាយអាហារខ្សោយ ឬមិនល្អ សុខភាពអាអូនក៏ប្រឈមនឹងជំងឺច្រើនដែរ។ ៣. ខួរក្បាលអភិវឌ្ឍន៍មិនល្អ លោកវេជ្ជបណ្ឌិត អ៊ុន យូ បន្តថា ការលូតលាស់ និងអភិវឌ្ឍន៍ខួរក្បាលកូនល្អប្រក្រតីក៏មានជាប់ពាក់ព័ន្ធសុខភាពក្រពះ-ពោះវៀនកូនដែរ។ បើក្រពះ-ពោះវៀនក្មេងល្អ ការស្រូបយកពពួកសារធាតុចិញ្ចឹមដែលគេហៅថា Mico-nutrient ជាសារធាតុចិញ្ចឹមជួយអភិវឌ្ឍន៍ខួរក្បាលកុមារក៏បានល្អ ជាហេតុជួយឲ្យអាអូនមានប្រាជ្ញាឆ្លាតវៃ ឆាប់យល់សាច់ការ។ ហេតុនេះហើយ ម៉ាក់ប៉ាគួរយកចិត្តទុកដាក់ចំពោះរបបអាហារកូន និងសុខភាពប្រព័ន្ធរំលាយអាហារ […]

សុខភាពក្រពះ-ពោះវៀនកូន ពិតជាមានសារសំខាន់ណាស់ក្នុងការលូតលាស់ និងអភិវឌ្ឍន៍របស់កូនៗ។ បើតាមអ្នកជំនាញ សុខភាពទូទៅ និងខួរក្បាលកូន ច្បាស់ជាលូតលាស់បានល្អ បើប្រព័ន្ធរំលាយអាហារកូនមានសុខភាពល្អ។ ចុចត្រង់នេះ ដឹងអត្ថន័យពណ៌ និងរូបរាងលាមកទារក ហេតុអ្វីចាំបាច់ផ្ដោតលើសុខភាពក្រពះ-ពោះវៀន? ម៉ាក់ប៉ាត្រូវយល់ថា ក្នុងក្រពះ-ពោះវៀន មានបាក់តេរីល្អៗ រាប់លានសម្រាប់ទ្រទ្រង់សុខភាពទូទៅរបស់កូន ពិសេសគឺមានប្រមាណ ៧០% នៃកោសិកាដែលបង្កើតជាប្រព័ន្ធការពាររាងកាយ ជួយឲ្យអាអូនចៀសឆ្ងាយពីជំងឺតូចតាចមួយចំនួន។ លោកវេជ្ជបណ្ដិត អ៊ុន យូ សញ្ញាប័ត្រពីប្រទេសបារាំង និងកូរ៉េ បានលើកឡើងថា បើសុខភាពប្រព័ន្ធរំលាយអាហារល្អ អាចជួយកូនស្រូបយកសារធាតុចិញ្ចឹមបានល្អ ជួយដល់ការលូតលាស់ទាំងរាងកាយ និងខួរក្បាលរបស់កុមារ។ អាហារល្អសម្រាប់ក្រពះ-ពោះវៀនកូន • យ៉ាអ៊ួរ៖ មានផ្ទុក Probiotics ដែលជំរុញការលូតលាស់របស់បាក់តេរីល្អនៅក្នុងក្រពះ-ពោះវៀន​កូន។ • ទឹក៖ ជួយរក្សាសំណើមក្នុងខ្លួន ជួយដល់ការរំលាយអាហារដោយនាំអាហារចូលទៅក្នុងក្រពះពោះវៀនបានល្អ និងជួយការពារបញ្ហាទល់លាមក។ • បន្លែ ផ្លែឈើ៖ ផ្លែឈើ និងបន្លែណាមានជាតិសរសៃខ្ពស់ ជួយដល់ការរំលាយអាហារ ជាហេតុល្អចំពោះសុខភាពក្រពះ-ពោះវៀន។ ផ្លែប៉ោម សណ្ដែក និងផ្លែឈើមានសម្បកជំនួយដល់ការរំលាយអាហារ ម៉ាក់ប៉ាគួរផ្ដល់ឲ្យកូនញ៉ាំជាប្រចាំទើបល្អ។ • អាហារសម្រន់លាយបញ្ចូលគ្នា៖ ម៉ាក់ប៉ាអាចផ្ដល់ឲ្យកូនញ៉ាំនូវអាហារសម្រន់ដូចជា ការ៉ុតជាមួយទឹកជ្រលក់ប្រភេទ ranch ឬផ្លែប៉ោមជាមួយប៊ឺរសណ្ដែកដី ជួយអាអូនឆ្អែតបានយូរ មិនងាយញ៉ាំអាហារផ្ដេសផ្ដាសបង្កជាបញ្ហារាករូសជាដើម។ បន្ថែមពីនេះ បើម៉ាក់ប៉ាមិនសូវមានពេលគ្រប់គ្រាន់សម្រាប់រៀបចំអាហារឲ្យកូន អាចជ្រើសយកផលិតផលទឹកដោះគោណាមួយសម្បូរជាតិ SYNBIOTICS […]

គ្មាន​ប៉ាម៉ាក់​ណា​ចង់​ឃើញ​កូន​តូច​របស់​ខ្លួន​មាន​អាការៈ​ឈឺពោះ​ មិន​ស្រួល​ខ្លួន​​ដោយ​សារ​តែ​បញ្ហា​ទល់​លាមក​​នោះ​ទេ​។ ទន្ទឹម​នឹង​ការ​ប្រឹក្សា​ជាមួយ​គ្រូពេទ្យ ​ប៉ា​ម៉ាក់​ៗ​ក៏​អាច​សាក​ល្បង​តិច​និក​បី​យ៉ាង​នេះ​ដែរ​ដើម្បី​ជួយ​សម្រួល​ដល់​បញ្ហា​ទល់​លាមក​របស់​​កូន​។ ១. ញ៉ាំ​អាហារ​សម្បូរ​ជាតិ​សរសៃ និង​ទឹក​ឲ្យបាន​គ្រប់​គ្រាន់​ ប៉ា​ម៉ាក់​គួរ​លើក​ទឹក​ចិត្ត​កូន​ញ៉ាំ​អាហារ​សម្បូរ​ជាតិ​សរសៃ​ដូច​ជា​បន្លែ ផ្លែឈើ និង​គ្រាប់​ធញ្ញជាតិ​ឲ្យ​បាន​ច្រើន ព្រោះ​អាហារ​ទាំងនេះ​មាន​ជាតិ​សរសៃ​ខ្ពស់​។ កូន​អាយុ​ចន្លោះ​ពី​១​ឆ្នាំ​ទៅ​៣​ឆ្នាំ គួរ​ទទួល​បាន​ជាតិ​សរសៃ​​ប្រហែល​១៨​ក្រាម​ក្នុង​មួយ​ថ្ងៃ​ ចំណែក​ក្មេង​អាយុ​ពី​៤ឆ្នាំទៅ​៨​ឆ្នាំ​គួរ​ទទួល​បាន​ជាតិ​សរសៃ​២៥​ក្រាម​ក្នុង​មួយ​ថ្ងៃ​។ ​ដូច​គ្នា​ដែរ ដើម្បី​ឲ្យ​កូន​រក្សា​ជាតិ​ទឹក​ក្នុង​ខ្លួន​បាន​ល្អ​ម៉ាក់​ៗ​គួរ​ឲ្យ​កូន​​ញ៉ាំទឹក​ឲ្យ​បាន​គ្រប់​គ្រាន់។ ​ក្មេង​​អាយុ​ចន្លោះ​ពី​១​ឆ្នាំ​ដល់​៣​ឆ្នាំ អាច​ត្រូវ​ការ​សារធាតុ​រាវ​ប្រហែល​បួន​ពែង​ក្នុង​មួយ​ថ្ងៃ​គិត​ទាំង​ទឹក និង​ទឹក​ដោះ​ ឬ​ទឹក​ដោះ​គោ​ដែល​អូន​ៗ​បៅ​។ ២. ម៉ាស្សា​ពោះ​​កូន វិធី​មួយ​ទៀត​ បើ​កូន​ជួប​បញ្ហា​ទល់​លាមក ម៉ាក់ៗ​អាច​សាកល្បង​ម៉ាស្សា​ពោះ​ឲ្យ​កូន​នៅ​ពេល​ព្រឹក និង​មុន​ចូល​គេង​​។ ម៉ាក់​ៗ​មិន​គួរ​ធ្វើ​ម៉ាស្សា​ឲ្យ​កូន​ភ្លាម​ៗ​មុន​ ឬ​ក្រោយ​ពេល​ញ៉ាំ​អាហារ ឬ​បៅ​នោះ​ទេ។ ការ​ម៉ាស្សា​អាច​ជា​វិធី​ដ៏​មានប្រយោជន៍ ជួយ​ឲ្យ​ការ​ទល់លាមក​កូន​តូច​បាន​ធូរស្រាល​។ ម៉ាក់​ៗ​ត្រូវ​លញ់​បាត​ដៃ​ទាំង​ពី​ឲ្យ​មាន​កម្ដៅ​បន្តិច​ រួច​ចាំ​ម៉ាស្សា​លើ​ក្បាល​ពោះ​កូន​ថ្នមៗ​។ វិធី​ម៉ាស្សា​គឺ​ម៉ាក់​ៗ​ដាក់​ដៃ​សង្កត់​ថ្នមៗ​លើ​ក្បាល​ពោះ​កូន​ និង​រំកិល​បាត​ដៃ​ជា​រង្វង់​ជុំវិញ​ពោះ​កូន​តាម​ចលនា​ទ្រនិច​នាឡិកា​។ ៣. តាម​ដាន​របប​អាហារ​កូន ម៉ាក់​ៗ​អាច​កត់ចំណាំ​ពី​របប​អាហារ​កូន​ញ៉ាំ​ប្រចាំ​ថ្ងៃ ឬ​ការ​បៅ​​របស់​កូន​ដើម្បី​ស្វែង​រក​មូល​ហេតុ​ពិត​ប្រាកដ​។ បើ​សិន​​ម៉ាក់​ៗ​ឲ្យ​កូន​បៅ​ទឹក​ដោះ​សត្វ ហើយ​កូន​មាន​បញ្ហា​ទល់​លាមក​ម៉ាក់​ៗ​​អាច​ពិភាក្សា​ជាមួយ​គ្រូពេទ្យ​ដើម្បី​ជ្រើស​រើស​ផលិត​ផល​ត្រឹម​ត្រូវ​សម្រាប់​កូន។ ក្មេង​ខ្លះ​មាន​បញ្ហា​ជាមួយ​នឹង​ទឹក​ដោះ​គោ ហើយ​ការ​ប្ដូរ​មក​ប្រើ​ទឹក​ដោះ​ពពែ​អាច​ជា​ជម្រើស​ល្អ​សម្រាប់​ម៉ាក់​ៗ​ដែរ​។ ពេល​ណា​គួរ​នាំ​កូន​ទៅ​ជួប​ពេទ្យ?​ ​បើ​កូន​បត់​ជើង​ធំ​តិច​ជាង​បី​ដង​ក្នុង​មួយ​សប្ដាហ៍​ នោះ​​កូន​ជួប​បញ្ហា​​ទល់​លាមក​ហើយ​។ ក្មេង​ទល់​លាមក​មាន​លាមក​រឹង​ពិបាក​ជុះ ពេល​ជុះ​ឈឺ​ចាប់​អាច​ធ្វើ​ឲ្យ​កូន​យំ ឈឺ​ក្នុង​ពោះ និង​ពេល​ខ្លះ​អាច​មាន​​ឈាម​ក្នុង​​​លាមក​ផង​។​ ប៉ា​ម៉ាក់​គួរ​នាំ​កូន​ទៅ​ជួប​គ្រូពេទ្យ​បើ​សិន​ជា​កូន​មាន​បញ្ហា​ទល់លាមក​ញឹក​ញាប់ ឬ​បញ្ហា​ពិបាក​ជុះ​កើត​មាន​យូរ​ជាង​ពីរ​សប្ដាហ៍ និង​អាច​មាន​ចេញ​រោគ​សញ្ញា​បន្ថែម​ទៀត​ដូច​ជា​ក្ដៅ​ខ្លួន​ ស្រក​ទម្ងន់ មិន​ញ៉ាំ​អាហារ ឬ​បៅ និង​មាន​ឈាម​ក្នុង​លាមក​ជា​ដើម​។

ទោះ​បី​ជា កូន​ប្រកាច់​ព្រោះ​ក្ដៅ​ខ្លួន ពេល​ជា​សះ​ស្បើយ​វិញ​មិន​សូវ​មាន​ផល​ប៉ះពាល់​ដល់​ខួរ​ក្បាល បញ្ញា និង​ស្មារតី​ទៅ​ថ្ងៃ​មុខ​ក៏​ពិត​មែន តែ​ក៏​មិន​គួរ​ទុក​ឲ្យ​កូន​ក្ដៅ​ខ្លួន​ដល់​ប្រកាច់​ដែរ ភាគ​ច្រើន​កូន​ប្រកាច់​ព្រោះ​ក្ដៅ​ខ្លួន បណ្ដាល​មក​ពី​ការខ្វះ​ចំណេះ​ដឹង​របស់​ម៉ាក់​ប៉ា។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ហ៊ាង រតនា ឯកទេស​ទូទៅ និង​ជំងឺ​កុមារ។ ចុចត្រង់នេះ ដឹងកាលវិភាគចាក់ថ្នាំបង្ការកូន លោក​បន្ត​ថា ជា​ធម្មតា កម្ដៅ​មនុស្ស​យើង​ទាំង​កូន​ក្មេង និង​មនុស្ស​ចាស់​គឺ​ចន្លោះ ៣៦-៣៧,៣ អង្សារសេ ចំណែក​ការ​ក្ដៅខ្លួន​ដល់​ប្រកាច់​របស់​កូន​ក្មេង​គឺ​ចាប់​ពី ៣៨,៥​អង្សារសេ (ទៅ​តាម​ក្មេង ក្មេង​កាន់​តែ​តូច កាន់​តែ​ងាយ​ប្រកាច់)។ ប៉ុន្មាន​ចំណុច​ខាង​ក្រោម​នេះ ជា​កំហុស​ឆ្គង​ម៉ាក់​ប៉ា​និយម​ធ្វើ​ពេល​កូន​ក្ដៅ​ខ្លួន​ឈាន​ដល់​ប្រកាច់​ដូច​ជា៖ – ជា​ទូទៅ​ពេល​ក្ដៅ​ខ្លួន អា​អូន​ក៏​ទទួល​បាន​អារម្មណ៍​រងា​ដែរ ហើយ​ភាគ​ច្រើន​ពេល​ឮ​កូន​ស្រែក​ថា​រងា ម៉ាក់​ប៉ា​តាំង​ទាញ​ភួយ ឬ​កន្សែង​មក​ដណ្ដប់​ឲ្យ​កូន ខ្លះ​ទៀត​ចាប់​កូន​កោស​ខ្យល់ ដែល​សកម្មភាព​ទាំង​នេះ​ឲ្យ​កម្ដៅ​កូន​កាន់​តែ​ក្ដៅ​ឡើង​ខ្លាំង។ – ពេល​កូន​ក្ដៅ​ខ្លួន យើង​ត្រូវ​ធ្វើ​ឲ្យ​ខ្លួន​កូន​ត្រជាក់ ដោយ​ជូត​ខ្លួន​នឹង​កន្សែង​សើម ឬ​ងូត​ទឹក (ខ្មែរ​យើង​ខ្លះ​មិន​ហ៊ាន​ជូត​ខ្លួន ឬ​ងូត​ទឹក​ឲ្យ​កូន​ទេ ព្រោះ​ខ្លាច​ទឹក​ចូល​សួត)។ ទាក់​ទង​នឹង​បញ្ហា​ទឹក​ចូល​សួត​នេះ គឺ​មិន​ពិត​ទេ វា​មិន​អាច​ជ្រាប​ចូល​តាម​ស្បែក​ដល់​សួត​កើត​ទេ។ – ពេល​កូន​ក្ដៅ​ខ្លួន ត្រូវ​ពាក់​អាវ​ស្ដើងៗ ឬ​ដោះ​ចេញ​ទាំង​អស់​តែ​ម្ដង​កាន់​តែ​ល្អ ដាក់​ឲ្យ​ត្រូវ​កង្ហារ ឬ​ម៉ាស៊ីន​ត្រជាក់ មិន​មែន​យក​ភួយ​ទៅ​រុំ​ខ្លួន​កូន​ទេ (ត្រូវ​ឲ្យ​កូន​ទ្រាំ រងា​ចំពោះ​ក្មេង​ធំ​បន្តិច ពេល​ត្រជាក់​ខ្លួន​វិញ​នឹង​បាត់​រងា​)។ វេជ្ជបណ្ឌិត​រូប​នេះ​ណែនាំ​បន្ថែម​ថា ដើម្បី​ចៀស​កូន​ប្រកាច់​ព្រោះ​ក្ដៅ​ខ្លួន គឺ​ពេល​ក្ដៅ​ខ្លួន​ម៉ាក់​ប៉ា​អាច​ឲ្យ​កូន​លេប​ថ្នាំ​បញ្ចុះ​កម្ដៅ​មិន​ត្រូវការ​​វេជ្ជបញ្ជា​បាន និង​ជូត​ខ្លួន​កូន ឬ​ឲ្យ​កូន​ងូត​ទឹក​រហូត​កូន​ត្រជាក់​ខ្លួន។ […]

ជំងឺ​រលាក​ទង​សួត​ភាគ​ច្រើន​កើត​លើ​អា​អូន​អាយុ​ក្រោម ២ឆ្នាំ ហើយ​ច្រើន​តែ​កើត​នៅ​ក្នុង​អាកាសធាតុ​ត្រជាក់ៗ​ដូច​សព្វ​ថ្ងៃ​នេះ។ ជំងឺ​រលាកទងសួតនេះ អាច​វិវត្ត​ពី​ស្រាល​ទៅ​ធ្ងន់ធ្ងរ ជា​ហេតុ​ម៉ាក់ៗ​ប៉ា​ត្រូវ​បង្កើន​ការ​ប្រុង​ប្រយ័ត្ន​បន្ថែម​ចំពោះ​សុខភាព​កូន ពិសេស​ប្រព័ន្ធ​ផ្លូវ​ដង្ហើម​ក្នុង​រដូវ​នេះ។ ជំងឺ​រលាក​ទង​សួត​​បង្ក​ឡើង​ដោយ​ពពួក​វីរុស Respiratory syncytial virus និង​ខ្លះ​ទៀត​អាច​បង្ក​ឡើង​ដោយ​ពួក​មេរោគ Adenovirus ។ ករណី​ជំងឺ​នេះ​ភាគ​ច្រើន​មាន​សភាព​ស្រាល និង​អាច​ព្យាបាល​ជា​សះ​ស្បើយ​ធម្មតា​វិញ​ក្នុង​រយៈ​ពេល​ចាប់​ពី ២-៣សប្ដាហ៍ ប៉ុន្តែ​ក្មេង​ៗ​ខ្លះ​ក៏​អាច​វិវត្ត​ទៅ​ជា​ករណី​ធ្ងន់ធ្ងរ​ទាម​ទារ​ឲ្យ​សម្រាក​ព្យាបាល​នៅ​មន្ទីរពេទ្យ​ក៏​មាន។ ចុចទីនេះ ដឹងពីអត្ថន័យពណ៌ និងរូបរាងលាមកទារក រោគ​សញ្ញា​នៃ​ជំងឺ​រលាក​ទង​សួត​​លើ​កុមារ ចំពោះ​រោគ​សញ្ញា​ដំបូង​នៃ​ជំងឺ​រលាក​ទង​សួត គឺ​ប្រហាក់​ប្រហែល​នឹង​ជំងឺ​ផ្ដាសាយ​ទូទៅ​ដែរ​ដូច​ជា ហៀរ​សម្បោរ និង​ក្អក។ ប៉ុន្តែ វា​ក៏​អាច​លេច​ចេញ​នៅ​សញ្ញា​បន្ទាប់​បន្សំ​ផ្សេងៗ​ទៀត​ដូច​ជា៖ ក្ដៅ​ខ្លួន ក្អក​ស្ងួត (ក្អក​មិន​បាត់) ពិបាក​ញ៉ាំ​អាហារ ដង្ហក់ ឡើង​ស្វាយ (ក្នុង​ករណី​ធ្ងន់ធ្ងរ)។ ជំងឺ​រលាក​ទង​សួត​​លើ​កុមារ​នេះ មិន​មាន​វ៉ាក់សាំង​ចាក់​ការ​ពារ​សុខភាព​កូន​ពី​ជំងឺ​នេះ​នៅ​ឡើយ​ទេ។ ម៉្យាង​វិញ​ទៀត បើ​ម៉ាក់​ប៉ា​ឃើញ​កូន​មិន​ស្រួល​គួរ​យក​កូន​ទៅ​ពិនិត្យ​ជា​មួយ​គ្រូពេទ្យ​ជំនាញ​ឲ្យ​បាន​លឿន​តាម​ដែល​អាច​ធ្វើ​ទៅ​តាម ហើយ​បើ​អា​អូន​ឈឺ​ជំងឺ​រលាក​ទង​សួត​ គ្រូពេទ្យ​អាច​ផ្ដល់​ជា​ថ្នាំ​បញ្ចុះ​កម្ដៅ សេរ៉ូម​ប្រៃ ឬ​ថ្នាំ​ប្រឆាំង​វីរុស​ឲ្យ​អា​អូន​ញ៉ាំ។ បន្ថែម​ពី​នេះ យើង​ត្រូវ​ផ្ដល់​ទឹក​ឲ្យ​អា​អូន​ញ៉ាំ​ឲ្យ​ច្រើន ចៀសវាង​កូន​កើត​បញ្ហា​ខ្សោះ​ទឹក អំឡុង​ពេល​ឈឺ។ តិចនិក​បង្ការ​ជំងឺ​រលាក​ទង​សួត​​លើ​កុមារ ម៉ាក់​ប៉ា​អាច​ជួយ​កាត់​បន្ថយ​ហានិភ័យ​ជំងឺ​នេះ កុំ​ឲ្យ​កើត​ឡើង​លើ​អា​អូន​បាន​ដោយ​អនុវត្ត​តាម ៥ ​តិចនិក​ខាង​ក្រោម​នេះ​ដូច​ជា៖ លាង​សម្អាត​ដៃម៉ាក់ៗ និង​កូន​ឲ្យ​បាន​ស្អាត និង​ញឹក​ញាប់ ជូត​សម្អាត​របស់​របរ​កូន​លេង​ជា​ប្រចាំ (ចៀស​វាង​អា​អូន​យក​ទៅ​ដាក់​ក្នុង​មាត់ ឆ្លង​មេរោគ​ផ្ទុក​លើ​ប្រដាប់​លេង) ឲ្យ​កូន​នៅ​ក្នុង​ផ្ទះ​រហូត​ទាល់​អា​អូន​ជា​សះ​ស្បើយ សឹម​ឲ្យ​ចេញ​លេង​ក្រៅ កុំ​ឲ្យ​អ្នក​ឈឺ​ផ្ដាសាយ​នៅ​ក្បែរ​កូន​តូច (ពិសេស​ទារក​ទើប​កើត) និង​ចៀសវាង​ជក់​បារី​នៅ​ក្បែរ​កូន។

បញ្ហា​ក្ដៀន​ ឬទល់លាមកតែងតែកើតឡើងជាញឹកញាប់ចំពោះកុមារតូចៗ ដែល​ធ្វើឱ្យលាមកអូនតូច ឡើងរឹង និងពិបាកបញ្ចេញមកក្រៅ។ ជាទូទៅ​ប៉ា​ម៉ាក់​តែងប្រើថ្នាំសុល​ក្តៀនដើម្បីជួយបន្ទន់​លាមក​អូន​តូច។ តើក្មេងអាយុ​ប៉ុន្មានទើបអាចប្រើថ្នាំសុលក្តៀនបាន? ឱសថការី ប៉េង វួចងី បានលើកឡើងថា ទារកចាប់ពីអាយុ ៦ ខែឡើងទៅទើប​អាចប្រើថ្នាំសុល​ក្តៀន​បាន​ ករណីទារកអាយុក្រោម ៦ ខែទល់លាមកយូរ ប៉ាម៉ាក់ប្រើ​គ្រប់​វិធីសាស្រ្ត​ជួយអូនតូច​ហើយនៅ​តែមិនបាត់ទល់លាមក ប៉ាម៉ាក់គួរនាំអូន​តូចទៅជួបគ្រូពេទ្យជំនាញ​កុមារប្រសើរជាង​ទិញថ្នាំសុល​ដោយ​ខ្លួនឯង។ ចំណែកអូនតូចដែលមានអាយុលើស ៦ ខែទល់លាមកយូរ ប៉ាម៉ាក់សុលហើយត្រូវ​សុល​ទៀត​ក៏ត្រូវនាំអូនតូចទៅជួបគ្រូពេទ្យជំនាញកុមារដែរ។ ឱសថការី​រូប​នេះ​ក៏​បាន​បន្តថា ថ្នាំ​សុល​ខុស​គ្នា​ទៅ​តាម​ប្រភេទ​ថ្នាំ ថ្នាំ​ខ្លះ​អាច​ប្រើ​បាន​ចំពោះ​ក្មេង​អាយុ ៦ខែ ខ្លះ​ទៀត​១ឆ្នាំ ឬក៏លើសពីនេះ ហេតុនេះចៀសវាងកូនមានបញ្ហា យើងត្រូវសាកសួរឱសថការី ឬគ្រូពេទ្យឲ្យបានច្បាស់មុននឹងប្រើ។ អូនតូចដែលក្តៀន ឬទល់លាមកមានអាការៈដូចជា៖ ឈឺពោះ (ឈឺបាត់ៗ) មិនសូវឃ្លាន ឆាប់ខឹង ឬមួមៅ ហើមពោះ និងមានដុំពក (ដុំលាមក) រឹងៗ ប្រសិនបើយើងសង្កត់​លើ​ពោះ​អូនតូចថ្នមៗ ឈឺពេលប្រឹងបត់ជើងដោយសារប្រេះរន្ធគូទ (ប្រេះស្បែកបន្តិចនៅជុំវិញ​រន្ធគូទ) អត្ថន័យពណ៌ និងរូបរាងលាមកទារក ឱសថការីរូបនេះក៏បានបន្ថែមថា ក្នុងករណីអូនតូច​ទល់លាមក​ម៉ាក់ប៉ាអាចសាកល្បង​ម៉ាស្សា​ពោះ​អូនតូចថ្នមៗពីលើចុះក្រោមដើម្បីជួយសម្រួលចលនាពោះវៀនឱ្យឆាប់បញ្ចេញលាមកមកក្រៅ និង​ឱ្យ​អូនតូចញុំាទឹកឱ្យបានច្រើន។ ជាពិសេសប៉ាម៉ាក់ត្រូវបញ្ជូលបន្លែ និងផ្លែឈើ​ក្នុងរបបអាហារ​របស់​អូនតូចក្នុងករណីអូនតូចមានអាយុចាប់ពី ៦ ខែឡើងទៅ ឬអាចញុំាអាហារបាន ដើម្បីជួយអូន​តូច​បន្ទោបង់​មុននឹងសុលឱ្យអូនតូច។

រដូវ​ភ្ជុំ​បិណ្ឌ​ជិត​ឈាន​ចូល​មក​ហើយ ភាគ​ច្រើន​គ្នា​យើង​មួយ​ចំនួន​ច្បាស់​មាន​ការ​ជួប​ជុំ​គ្រួសារ​បន្តិច​បន្តួច បន្ទាប់​ពី​ត្រលប់​មក​ពី​វត្ត​វ៉ា​វិញ។ ទោះ​ជា​យ៉ាង​ណា​ក៏​ដោយ យើង​មិន​ត្រូវ​ភ្លេច​ការពារ​ខ្លួន និង​មនុស្ស​ជាទី​ស្រលាញ់​របស់​យើង​ពី​ជំងឺ​កូវីដ-១៩ ឬ​វីរុស​បំប្លែង Delta ឡើយ ពិសេស​សុខភាពកូន​តូច​ៗ ព្រោះ​វា​ក៏​មាន​ហានិភ័យ​ខ្ពស់​ក្នុង​ការ​ឆ្លង​វីរុស​នេះ មិន​ថា​ជួប​ជុំ​មនុស្ស​តិច ឬ​ច្រើន​ក្ដី។ បើ​ប្រៀប​ធៀប​នឹង​មនុស្ស​ធំ រាងកាយ​កូន​ក្មេង​អាច​ទប់​ទល់​នឹង​វីរុស​កូវីដ-១៩ បាន​ល្អ​ជាង ហើយ​សុខភាព​ក្មេង​ក៏​មិន​ងាយ​ទ្រុឌ​ទ្រោម​ដូច​សុខភាព​មនុស្ស​ធំ​ដែរ ក្រោយ​ឆ្លង​វីរុស​កូវីដ-១៩។ នេះ​បើ​តាម​ការ​បញ្ជាក់​របស់​មជ្ឈមណ្ឌល​ទប់ស្កាត់ និង​ប្រយុទ្ធ​ជំងឺ​ឆ្លង​អាមេរិក (CDC) ។ កម្មវិធីពិនិត្យ​គ្រោះថ្នាក់ជំងឺកូវីដ-១៩ អនឡាញ​ ស្រប​គ្នា​នេះ ដើម្បី​ការពារ​សុខភាព​កុមារ​ពី​ជំងឺ​ផ្លូវ​ដង្ហើម​ដ៏​កាច​សាហាវ​នេះ កម្ពុជា​យើង​បាន​អនុញ្ញាត​ឲ្យក្មេង​ក្រោម​អាយុ១២ ដល់​ក្រោម ១៨ឆ្នាំ ចាក់​វ៉ាក់សាំង​កូវីដ-១៩ តាំង​ពី​ថ្ងៃទី០១ សីហា ២០២១​មក​ម្ល៉េះ។ យ៉ាង​នេះ​ក្ដី អា​អូន​ក្រោម​១២​ឆ្នាំ និង​ក្មេង​ៗ​មួយ​ចំនួន​ដែល​មិន​ទាន់​បាន​ទទួល​វ៉ាក់សាំង​នៅ​តែ​ប្រឈម​ការ​ឆ្លង​ជំងឺ​នេះ ហេតុ​នេះ​ម៉ាក់​ប៉ា​គួរ​តែ​ចេះ​ពី​វិធានការ​ការ​ពារ​សុខភាព​កូន​ៗ​ពី​ការ​ឆ្លង​មេរោគ​កាច​សាហាវ​ដូច​ខាង​ក្រោម៖ ១. ប្រាកដ​ថា​កូន​ៗ​លាង​ដៃ​បាន​ត្រឹម​ត្រូវ​ជាមួយ​សាប៊ូ នឹង​ទឹក​ស្អាត​ញឹក​ញាប់ តាម​ដែល​អាច​ធ្វើ​ទៅ​បាន។ នេះ​បើ​តាម​ការ​ណែនាំ​របស់​វេជ្ជបណ្ឌិត Maria Van Kerkhove បម្រើ​ការ​នៅ​អង្គការ​សុខភាព​ពិភពលោក(WHO) ។ ២. ម៉ាក់​ប៉ា​អាច​ប្រើ​អាល់កុល​លាង​ដៃ​កូន​បាន ប៉ុន្តែ​បើ​តាម​ការ​លើក​ឡើង​របស់​ American Academy of Pediatrics (AAP) អះអាង​ថា ក្មេង​ៗ​ក្រោម​អាយុ ៥​ឆ្នាំ​មិន​គួរ​ប្រើ​ទេ ព្រោះ​អាច​ពុល យក​ល្អ​លាង​នឹង​សាប៊ូ  […]

ជំងឺគ្រុនឈាម​ ម៉ាក់​ប៉ា​ត្រូវ​តែ​ប្រយ័ត្ន​កូន​ពី​ជំងឺ​រដូវ​ភ្លៀងនេះ​ឲ្យ​មែន​ទែន ពិសេស​​គឺនៅ​ក្នុង​រដូវ​ភ្លៀង​វស្សា​បែប​នេះតែ​ម្ដង។ ក្ដៅ​ខ្លួន ឡើង​កន្ទួល គឺ​ជា​រោគ​សញ្ញា​ដែល​ម៉ាក់​ប៉ា​ភាគ​ច្រើន​ចំណាំ​ជា​អាការៈ​របស់​ជំងឺ​គ្រុន​ឈាម តែ​បើ​អា​អូន​ចេញ​អាការៈ​ផ្សេងៗ​ដូច​ជា​ប៉ោង​ពោះ ឬ​ជុះ​មកលាមក​មាន​លាយ​ឈាម វា​អាច​ជា​សញ្ញា​បញ្ជាក់​ថា អា​អូន​គ្រុន​ឈាម​កម្រិត​ធ្ងន់ធ្ងរ​ហើយ។ ទាក់​ទង​នឹង​បញ្ហា​នេះ លោក​វេជ្ជបណ្ឌិត ហ៊ាង រតនា បាន​ឲ្យ​ដឹង​ថា រោគសញ្ញាប៉ោងពោះ ឬអាអូនជុះមកមានលាយឈាម អាចគ្រាន់តែជារោគសញ្ញារួមផ្សំរបស់ជំងឺគ្រុនឈាម ប៉ុន្តែរោគសញ្ញាទូទៅរបស់ជំងឺនេះ ម៉ាក់ប៉ាគួរកត់សម្គាល់ឲ្យបានច្បាស់មានដូចជា៖ – ក្តៅខ្លួនពី ៣៩-៤០ អង្សារសេ – មុខក្រហម – ឈឺក្បាល ឈឺប្រឡង់ភ្នែកចាក់ទៅក្រោយ – ចង់ក្អួត ឬក្អួត – ឈឺពោះ – ឈឺសាច់ដុំ និងសន្លាក់ដៃជើង – មានស្នាមអុចៗក្រហមលើស្បែក – ហូរឈាមតាមអញ្ចាញធ្មេញ ច្រមុះជាដើម។ កម្មវិធីពិនិត្យ​គ្រោះថ្នាក់ជំងឺកូវីដ-១៩ អនឡាញ​ ភ្នាក់ងារ​ចម្លង​ជំងឺ​គ្រុនឈាម​គឺ​មូស​ខ្លា​ញី ហើយ​រោគ​សញ្ញា​សំខាន់​ទី​១ ដែល​យើង​ចាំបាច់​ត្រូវ​តែ​ប្រុង​ប្រយ័ត្ន​ខ្ពស់​នោះ គឺ​កូន​ក្តៅ​ខ្លួន​លើស​ពី​២ថ្ងៃ ហើយ​ប្រើ​ថ្នាំ​បញ្ចុះ​កម្តៅ​នៅ​តែ​មិន​បាត់ ត្រូវ​ប្រញាប់​នាំ​កូន​ទៅ​ពេទ្យ ហើយ​ធ្វើ​តេស្ត​ឈាម​ដើម្បី​រក​ជំងឺ​គ្រុនឈាម ។ ស្រប​គ្នា​នេះ​ដែរ នាយក​មន្ទីរពេទ្យ​កុមារ​ជាតិ លោក​វេជ្ជបណ្ឌិត ញឹប អង្គារបុស្ស ពន្យល់​ថា ការ​ធ្វើ​​រោគ​​វិនិច្ឆ័យ​បាន​​លឿន និង​​ការ​ព្យាបាល​​ត្រឹម​​ត្រូវ ត្រឹម​​តែ​​រយៈពេល ៧-៨ ថ្ងៃ ក្មេង​​ដែល​​កើត​​ជំងឺ​គ្រុនឈាម សឹង​​តែ ១០០ នាក់ […]