វិធីងាយៗជួយ​បន្ធូរអាការៈពុលឡាន ឬរលកពេលធ្វើដំណើរទៅណា​មកណា​

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 01/06/2020 . 3 បានអាន​ចំនួន
Share now

អាការៈ ពុល​ពេល​ធ្វើ​ដំណើរ​ដូចជា​ពុល​ឡាន ពុល​យន្តហោះ ពុល​រលក​ពិត​ជា​បង្ក​ការ​រំខាន​ និង​ពិបាកក្នុងខ្លួន​ណាស់។ នេះ​មក​ពី​ការ​រំខាន​ដល់​ត្រចៀក​ផ្នែក​ខាង​ក្នុង​ ដែល​បង្ក​ដោយ​ចលនា​របស់​យានជំនិះ ឬ​ចលនា​ផ្សេង​ទៀត។ គ្នា​យើង​មួយ​ចំនួន​អាច​នឹង​មាន​អាការៈ​ចង្អោរ និង​ក្អួត​ទៀត​ផង​។

មូលហេតុ​បង្ក​អាការៈ​ពុល​ពេល​ធ្វើ​ដំណើរ

ខួរក្បាល​អាច​ដឹង​ពី​ចលនា​អ្វី​មួយ​បាន​ដោយសារ​ប្រព័ន្ធ​សរសៃ​ប្រសាទ​រួមមាន​ត្រចៀក​ផ្នែកខាងក្នុង ភ្នែក និង​ជាលិកា​នៃ​ផ្ទៃ​លើ​របស់​រាងកាយ។ រោគសញ្ញា​នៃ​អាការៈ​ពុល​ពេល​ធ្វើ​ដំណើរ​កើត​ឡើង​នៅ​ពេល​ប្រព័ន្ធ​ប្រសាទ​កណ្ដាល​ទទួល​បាន​សញ្ញា​ខុសគ្នា​ពី​ប្រព័ន្ធ​រំញោច​ដូចជា​ត្រចៀក​ផ្នែក​ខាង​ក្នុង ភ្នែក សរសៃ​ប្រសាទ​ទទួល​សម្ពាធ​នៅ​ស្បែក សាច់ដុំ និង​សន្លាក់។

រោគសញ្ញា​អាការៈ​ពុល​ពេល​ធ្វើ​ដំណើរ

រោគសញ្ញា​ធ្ងន់ធ្ងរ​មាន​អាការៈ​ចង្អោរ ក្អួត ស្លេកស្លាំង បែកញើស ហៀរទឹកមាត់ ពិបាកដកដង្ហើម វិលមុខ និង​ងងុយគេង។ ចំណែក​ឯ​រោគសញ្ញា​ទូ​ទៅ​មាន​ដូចជា​បែក​ញើស អារម្មណ៍​មិន​ស្រួល​ខ្លួន និង​ល្ហិតល្ហៃ។ រីឯ​រោគសញ្ញា​ស្រាល​រួមមាន​អាការៈ​ឈឺក្បាល មិនស្រួលខ្លួន និង​ស្ងាប។

វិធី​បន្ធូរ​អាការៈ​ពុល​ពេល​ធ្វើ​ដំណើរ

ជាទូទៅ​អាការៈ​នេះ​នឹង​បាត់​ទៅ​ពេល​ចលនា​ដែល​បង្ក​អាការៈ​បញ្ឈប់។ ប៉ុន្តែ​គ្នា​យើង​មួយ​ចំនួន​អាច​នឹង​បន្ត​មាន​អាការៈ​នេះ​ច្រើន​ថ្ងៃ​ក្រោយ​ពី​បញ្ចប់​ការ​ធ្វើ​ដំណើរ។ ដើម្បី​បន្ធូរ​អាការៈ​នេះ​អាច​ធ្វើ​តាម​ប៉ុន្មាន​វិធី​នេះ។

. មើល​មុខទៅ​ត្រង់

ជាទូទៅ​ដើម្បី​បន្ថយអាការៈនេះ ​តែងមានការ​​ណែនាំ​ថាឲ្យ​យើង​មើល​ទៅ​មុខត្រង់​នៃ​ទិសដៅ​ធ្វើ​ដំណើរ។ នេះ​អាច​ជួយ​ផ្តាច់​ទំនាក់ទំនង​រវាង​ការ​មើល​ឃើញ និង​ត្រចៀក​ផ្នែក​ខាង​ក្នុង។ ការ​អង្គុយ​នៅ​កៅអី​ឡាន​ខាងមុខ​អាច​ជួយ​បន្ធូរ​អាការៈ​ពុល​នេះបាន​ដែរ។

. បិទ​ភ្នែក ឬ​គេង

ប្រសិនជាយើង​ត្រូវ​ធ្វើ​ដំណើរ​នៅពេល​យប់ ឬ​នៅ​លើ​កប៉ាល់​ដែល​មិន​មាន​បង្អួច ការ​បិទភ្នែក​អាច​ជួយ​យើង​បាន ឬ​ប្រសិនជា​អាច​យើង​អាច​គេងក៏​​បាន។ ការ​ធ្វើ​បែប​នេះ​អាច​ជួយ​សម្រួល​ដល់​ការ​ប្រឆាំង​គ្នា​រវាង​ភ្នែក និង​ត្រចៀក​ផ្នែក​ខាងក្នុង​របស់​យើង​បាន​ដែរ​។

. ទំពារ​

វិធី​ងាយស្រួល​ក្នុង​ការ​បន្ធូរ​អាការៈ​ពុល​ឡាន​ស្រាល​គឺ​ការ​ទំពារ។ ការ​ទំពារ​ស្ករ​កៅស៊ូ​មាន​ប្រសិទ្ធភាព​ខ្លាំង​ក្នុង​ការ​កាត់បន្ថយ​អាការៈ​ពុល​ឡាន។ ក្រៅ​ពីនេះ​យើង​ក៏​អាច​ញ៉ាំ​អាហារ​សម្រន់​ផ្អែមៗ។ និយាយ​រួម​ទៅ​ការ​ទំពារ​អាច​កាត់បន្ថយ​អាការៈ​ពុល​ឡាន​បាន​យ៉ាង​ប្រសិទ្ធភាព។

. បើក​បង្អួច

ការ​បើក​បង្អួច​អាច​បន្ធូរ​អាការៈ​ពុល​បាន​បន្តិចបន្តួច​ដែរ។ ប៉ុន្តែ​ប្រសិនជា​ខ្យល់​ខាងក្រៅ​មាន​ក្លិន​មិន​ល្អ​អាច​នឹង​ធ្វើ​ឲ្យ​អាការៈ​ចង្អោរ​កាន់តែ​អាក្រក់​ទៅវិញ​។ ម៉្យាងទៀត​បើ​យើង​មិន​អាច​បើក​បង្អួចបាន យើង​បង្វែរ​ម៉ាស៊ីន​ខ្យល់​ឲ្យ​ចំ​យើង ឬ​ប្រើ​កង្ហារ​ឲ្យ​នៅ​ចំ​ពី​មុខ​យើង។ បន្ថែម​ពី​នេះ​យើង​ត្រូវ​ចាំថា​​ផ្សែង​បារី​នឹង​ធ្វើ​ឲ្យ​អាការៈ​ពុល​កាន់តែ​ធ្ងន់ធ្ងរ ដែលនេះជាអ្វីដែលយើងគួរ​គេច​ចេញ​បើ​អាច។

. ផឹក​ទឹក ឬ​ភេសជ្ជៈ​មាន​ជាតិ​កាបូណាត

ការ​ផឹក​ទឹក​ត្រជាក់ ឬ​ភេសជ្ជៈ​មាន​ជាតិ​កាបូណាត​អាច​ទប់ស្កាត់​អាការៈ​ចង្អោរបាន​ដែរ​។ យក​ល្អ​គួរ​ចៀស​វាង​ភេសជ្ជៈ​មាន​ជាតិ​កាហ្វេអ៊ីន​ដូចជា​កាហ្វេ​ដែល​អាច​បង្ក​ឲ្យ​ខ្វះ​ជាតិ​ទឹក និង​ធ្វើ​ឲ្យ​អាការៈ​ចង្អោរ​កាន់តែ​ខ្លាំង​ទៅ។ យើង​អាច​ផឹក​ទឹកដោះគោ និង​ទឹក​ផ្លែ​ប៉ោម​បាន។

. ខ្ញី

ខ្ញី​អាច​បន្ថយ​អាការៈ​ពុល​ពេល​ធ្វើ​ដំណើរ​បាន។ យើង​អាច​ទំពារ​មើម​ខ្ញី​ស្រស់​ដើម្បី​បន្ថយ​រោគសញ្ញា​បាន។

. កុំ​អាន​សៀវភៅ ឬ​មើល​ទូរស័ព្ទ

នៅ​ពេល​ពុល​ឡាន​ យើង​នឹង​មាន​ការ​លំបាក​ក្នុង​ការ​អាន​សៀវភៅ ឬ​ប្រើ​ប្រាស់​ទូរស័ព្ទ។ នេះ​មក​ពី​ការ​ដាច់​ទំនាក់ទំនង​ញាណ​រវាង​ភ្នែក និង​ត្រចៀក​ផ្នែក​ខាង​ក្នុង។ ប្រសិន​ជា​យើង​ផ្ដោត​អារម្មណ៍​ទៅ​លើ​អ្វី​មួយ​ដែល​នៅ​ជិត​អាច​ធ្វើ​ឲ្យ​អាការៈ​កាន់​តែ​ធ្ងន់ធ្ងរ។ ប៉ុន្តែ​យើង​អាច​ស្ដាប់​ចម្រៀង​ ​ព្រោះ​ថាតន្រីអាច​ជួយ​បង្វែរ​ចំណាប់​អារម្មណ៍​របស់​យើងបាន​។

អត្ថបទពាក់ព័ន្ធ៖

ក្នុង​ករណី​មាន​សំនួរ​ឬ​មន្ទិល​​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត​​សូម​ពិគ្រោះ​​ និង​ប្រឹក្សា​យោបល់​ផ្ទាល់​ជាមួយ​គ្រូពេទ្យ​ជំនាញ​។ Hello Health Group មិន​ចេញ​វេជ្ជ​បញ្ជា ធ្វើ​រោគ​វិនិច្ឆ័យ​ឬ ធ្វើ​ការ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

អត្ថបទនេះមានប្រយោជន៍ចំពោះអ្នកដែរទេ?
happy unhappy"
ប្រភព

អ្នកអាចចូលចិត្ត

បើរាងកាយលេចសញ្ញាទាំងនេះ បញ្ជាក់ថាក្នុងខ្លួនខ្វះវីតាមីនណាមួយ

តិចនិកសុខភាព-កង្វះ​វីតាមីន​បាន​ធ្វើឲ្យ​សុខភាព​ធ្លាក់​ចុះ ដែល​អាច​លេចឡើង​លើ​រាងកាយ​យើង​បាន នេះ​បើ​តាម​ការ​ឲ្យ​ដឹង​ពី​វេជ្ជបណ្ឌិត​ផ្នែក​ទូទៅ លី ឫទ្ធី...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី

ទាំងនេះជាតិចនិកខ្លះៗដើម្បីជួយឲ្យពោះវៀនមានសុខភាពល្អ

សុខភាពពោះវៀន - សុខភាព​ពោះវៀន​គឺ​សំខាន់​ណាស់​ព្រោះ​ជាង​ពាក់​កណ្ដាល​នៃ​ប្រព័ន្ធ​ភាពស៊ាំ​នៅ​ក្នុង​ក្រពះ​ពោះវៀន។ អ្នក​ជំនាញ​ជឿ​ថា​សុខភាព​ក្រពះ​ពោះវៀន​...

ត្រួតពិនិត្យដោយ គឹម កាណែល
ដោយ ថាត់ រ័ត្នមូនីតា

គេងមិនលក់កម្រិតណា ទើបត្រូវប្រើថ្នាំងងុយ?

គេងមិនលក់ - មនុស្សសម័យនេះ ប្រឈមនឹងការគេងមិនលក់ច្រើនទាំងចាស់ ទាំងក្មេង ហើយមានខ្លះឈានដល់ការប្រើថ្នាំគគុយទាំងមិនដឹងថាវាគួរប្រើ ឬ...

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា

ភ្ញាក់ពីគេង​ពេលព្រឹក​ផឹកទឹកមួយកែវ ផ្ដល់ប្រយោជន៍​ច្រើន​យ៉ាងដល់រាងកាយ

ផឹកទឹកពោះទទេ - យើង​តែង​ផឹក​ទឹក​ដើម្បី​បំបាត់​ភាព​ស្រេក​ទឹក ឬ​ក្រោយ​ពី​ញ៉ាំ​អាហារ​ ប៉ុន្តែ​មាន​តិច​នាក់​ណាស់​ដែល​ផឹក​ទឹក​ពេល​ពោះ​ទទេ​...

ត្រួតពិនិត្យដោយ គឹម កាណែល
ដោយ ថាត់ រ័ត្នមូនីតា

អត្ថបទគួរអាន

បង្ការកុំឲ្យឈឺរដូវភ្លៀង

វិធី៥យ៉ាងងាយៗ ជួយ​បង្ការកុំឱ្យឈឺក្នុងខែភ្លៀង

ត្រួតពិនិត្យដោយ ទូច សុខា
ដោយ មាន រតនា
ចេញផ្សាយថ្ងៃទី 05/06/2020
ហើមមុខ

ភ្ញាក់ពីគេងមាន​អាការៈហើមមុខ សាកដោះស្រាយតាមវីធីនេះ

ត្រួតពិនិត្យដោយ ចាន់ ស៊ីណេត
ដោយ ថាត់ រ័ត្នមូនីតា
ចេញផ្សាយថ្ងៃទី 05/06/2020
ទំពាអាហារ

តិចនិកខ្លះៗ ជួយយើងទំពាអាហារបានហ្មត់ល្អ សម្រួលដល់ប្រព័ន្ធរំលាយអាហារ

ត្រួតពិនិត្យដោយ ទូច សុខា
ដោយ មាន រតនា
ចេញផ្សាយថ្ងៃទី 05/06/2020
កាច់ម្រាមដៃ

តើការ​កាច់ម្រាមដៃអាច​មាន​បញ្ហាដែរឬអត់?

ត្រួតពិនិត្យដោយ ទូច សុខា
ដោយ ថាត់ រ័ត្នមូនីតា
ចេញផ្សាយថ្ងៃទី 05/06/2020