ជំងឺឆ្លង

រូបភាពៈ គណៈកម្មការគ្រប់គ្រងផ្សារអូឡាំពិក រក​ឃើញ​អ្នក​ឆ្លងកូវីដ ១៩ ថ្មី ៦៤នាក់ សុទ្ធ​តែ​ជា​អ្នក​ពាក់​ព័ន្ធ​ព្រឹត្តិការណ៍​សហគមន៍ ២០ កុម្ភៈ ទាំង​អស់ ក្នុង​នោះ​ភាគ​ច្រើន​ជា​ជន​ជាតិ​ខ្មែរ ហើយ​អ្នក​រស់នៅ​សង្កាត់​អូឡាំពិក ខណ្ឌបឹងកេងកង រាជធានីភ្នំពេញ ​មាន​ដល់​ទៅ ១៥នាក់។ ករណី​វិជ្ជមានទាំង ៦៤នាក់​នោះ មាន​នៅ​ភ្នំពេញ ២៧នាក់ កណ្តាល ២៩នាក់ ព្រៃវែង ៥នាក់ ព្រះសីហនុ ២នាក់ និង​សៀមរាប ១នាក់។ ស្ថានភាព​ជំងឺកូវីដ ១៩ គិត​ត្រឹម​ព្រឹក ថ្ងៃទី១០ ខែមីនា ឆ្នាំ២០២១ - អ្នក​ឆ្លង​កូវីដ ១៩ សរុប ១១២៤នាក់ - អ្នក​ពាក់​ព័ន្ធ​ព្រឹត្តិការណ៍​សហគមន៍ ៦១៣​នាក់ - កំពុង​សម្រាក​ព្យាបាល ៥៧៤នាក់ - ព្យាបាល​ជា​សះ​ស្បើុយ ៥៤៩នាក់។

មាន​ករណី​វិជ្ជមានកូវីដ ១៩ ដល់ទៅ ៦៤​ករណី​នៅ​ថ្ងៃនេះ និង​មាន​ករណី​ជា​សះ​ស្បើយ ១១ករណី។ ករណី​វិជ្ជមានកូវីដ ១៩ ទាំង ៦៤នាក់​នោះ ក្រសួង​សុខាភិបាល​ថា ជា​អ្នក​ពាក់ព័ន្ធ​នឹង​ព្រឹត្តិការណ៍​សហគមន៍ ២០ កុម្ភៈ ទាំង​អស់។ សរុប​តួលេខ​អ្នក​ឆ្លងកូវីដ ១៩ ក្នុង​សហគមន៍ ២០ កុម្ភៈ កើន​ឡើង​ដល់ ៦១៣​នាក់ ចំណែក​តួលេខ​ឆ្លង​កូវីដ ១៩ ទូទាំង​ប្រទេស មាន ១១២៤​ករណី ក្នុង​នោះ​ព្យាបាល​ជា​សះ​ស្បើយ​មាន ៥៤៩ករណី និង​កំពុង​សម្រាក​ព្យាបាល ៥៧៤ករណី។

ថ្លែសារ​ពិសេស​នៅ​រសៀល​នេះ សម្ដេច​នាយក​រដ្ឋមន្ត្រី ហ៊ុន សែន បញ្ជាក់ថា ក្នុង​ករណី​មាន​អ្នក​ជំងឺ​កូវីដ-១៩ ស្លាប់ សម្រេច​យក​ការ​បូជាសព មិនមែន​បញ្ចុះ​ទេ។ សម្តេចនាយករដ្ឋមន្ត្រីបន្តថា ទោះបីទំនៀមទម្លាប់ជ​នជាតិខ្លះមិនឲ្យបូជា តែកម្ពុជាសម្រេចយកការបូជាសពអ្នកជំងឺកូវីដ ១៩ ដោយសារតែមិនមានដីសម្រាប់បញ្ចុះសព ហើយក៏ជាវិធានការដែលងាយស្រួលក្នុងការគ្រប់គ្រប់ជំងឺកូវីដ ១៩។ សម្តេចនាយករដ្ឋមន្ត្រីបញ្ជាក់ថា ប៉ុន្មានថ្ងៃមុន ជនជាតិចិនដែលស្លាប់អំឡុងពេលព្យាបាលជំងឺកូវីដ នៅមណ្ឌលចត្តាឡីស័កព្រែកព្នៅសម្រេចបូជាដែរ។

រក​ឃើញ​ករណីវិជ្ជមានកូវីដ ១៩ ចំនួន ៤៩នាក់​បន្ថែម​ទៀត ក្នុង​នោះ​មាន ៤៨នាក់​ជាអ្នក​ពាក់ព័ន្ធ​ព្រឹត្តិការណ៍​សហគមន៍ ២០ កុម្ភៈ និង​ម្នាក់​ទៀត​ជាអ្នក​ធ្វើ​ដំណើរ​ចូល​មក​កម្ពុជា។ ចំណែកឯ​ករណីជាសះស្បើយពីកូវីដ ១៩ វិញ មាន​ចំនួន ២១នាក់។ អ្នកឆ្លងកូវីដ ១៩ ទាំង ៤៩នាក់នោះ មាននៅរាជធានីភ្នំពេញ ២៤នាក់ ខេត្តព្រះសីហនុ​ ១២នាក់​ ខេត្តព្រៃវែង​ ១១នាក់​ និងខេត្តកណ្តាល​ ២នាក់។ បូកបន្ថែម ៤៩ករណីខាងលើនេះ តួលេខឆ្លងកូវីដ ១៩ សរុបគិតត្រឹមម៉ោង ៧ ព្រឹក ថ្ងៃទី៩ មីនានេះ កើនឡើងដល់ ១០៦០នាក់ ក្នុងនោះមានពាក់ព័ន្ធនឹងព្រឹត្តិការណ៍សហគមន៍ ចំនួន ៥៤៩នាក់។

នៅ​ព្រឹក​ថ្ងៃ​ទី​៩ ខែ​មីនា ឆ្នាំ២០២១​នេះ រដ្ឋបាល​ខេត្ត​កណ្ដាល​បាន​ចេញសេចក្ដី​ប្រកាស​បិទ​កាស៊ីណូ និង​បិទ​ការ​ធ្វើ​ដំណើរ​ចេញ​ចូល នៅ​តំបន់​ទី​ប្រជុំជន​ជ្រៃ​ធំ ស្ថិត​ក្នុង​ឃុំ​សំពៅពូន ស្រុក​កោះ​ធំ ខេត្ត​កណ្ដាល ក្រោយ​រក​ឃើញ​លទ្ធផល​តេស្ត​វិជ្ជមាន​វីរុស​កូវីដ-១៩​លើ​ជន​បរទេស​ចំនួន ៥នាក់ នៅ​តំបន់​នោះ។ រដ្ឋបាល​ខេត្ត​បាន​ណែនាំ​វិធានការ ៤ចំណុច ដើម្បី​ទប់​ស្កាត់​ការ​ចម្លង​ជម្ងឺ​កូវីដ-១៩​ចូល​ក្នុង​សហគមន៍​ដូច​ជា៖ ១. បិទ​ជា​បណ្ដោះ​អាសន្ន​ចំពោះ​កាស៊ីណូ និង​សណ្ឋាគារ​ជីន​សា​គុង​ហ្គូ កាស៊ីណូ​ព្រីន កាស៊ីណួ​ក្រោន កាស៊ីណូ​ហ្ក្រេន កាស៊ីណូ​កាឡាក់​ស៊ី និង​កាស៊ីណូ​យុង​យ័ន។ ២. បិទ​ជា​បណ្ដោះ​អាសន្ន​មិន​ឲ្យ​ជន​បរទេស​ធ្វើ​ដំណើរ​ចេញ​-ចូល​ទី​ប្រជុំ​ជន​ជ្រៃ​ធំ ឃុំ​សំពៅ​ពូន ស្រុក​កោះ​ធំ។ ៣. ត្រូវ​សហការ​អនុវត្ត​ជា​បន្ទាន់​ក្នុង​ការ​ប្រមូល​ជន​បរទេស និង​មុខ​សញ្ញា​ពាក់​ព័ន្ធ ធ្វើ​តេស្ត​សំណាក​ឲ្យ​បាន​ត្រឹម​ត្រូវ និង​រៀប​ចំ​ប៉ុស្តិ៍​ប្រចាំ​ការ ដើម្បី​គ្រប់​គ្រង​មណ្ឌល​ចត្តា​ឡីស័ក​ឲ្យ​បាន​ម៉ឺង​ម៉ាត់។ ៤. ត្រូវ​យក​ចិត្ត​ទុក​ដាក់​ខ្ពស់ ណែនាំ​បន្ថែម​លើ​ការ​ងារ​បង្ការ​ការពារ​ការ​ឆ្លង​រីក​រាលដាល​ជំងឺ​កូវីដ-១៩ ដោយ​អនុវត្ត​តាម​វិធានការ​របស់​ក្រសួង​សុខាភិបាល។

ករណីឆ្លងរីករាល​ជំងឺ​កូវីដ-១៩ ក្នុងសហគមន៍បន្ត​កើន​ឡើង​ច្រើន​ទៅៗ ពី​មួយ​ថ្ងៃ​ទៅ​មួយ​ថ្ងៃ ពោល​គឺ​មាន​អ្នក​ឆ្លង​ចាប់​ពី២០-៣០​នាក់/ថ្ងៃ ដែល​នេះ​មិន​មែន​ជា​រឿង​ល្អ​សម្រាប់​ប្រជាជន​យើង​ឡើយ។ ជំងឺ​កូវីដ-១៩នេះ ងាយ​នឹង​ចម្លង​ពី​មនុស្ស​ម្នាក់​ទៅ​មនុស្ស​ម្នាក់​ណាស់ ហើយ​វា​ក៏​ពិបាក​ឲ្យ​យើង​ដឹង​ពី​រោគ​សញ្ញា​ច្បាស់​លាស់​ដែរ ព្រោះ​រោគសញ្ញា​ខ្លះ​ស្រដៀង​ទៅ​ដឹង​ជំងឺ​ផ្ដាសាយ​ធម្មតា។ ហេតុ​នេះ​ហើយ ក្រសួង​សុខាភិបាល​បាន​ឲ្យ​ដឹង​ពី​និយមន័យ​ករណី​សង្ស័យ​អ្នក​ក្បែរ​ខ្លួន ឬ​ខ្លួន​យើង​ផ្ទាល់​កើត​ជំងឺ​កូវីដ-១៩​ដូច​ជា៖ - កម្ដៅ​យ៉ាង​តិច ៣៧.៥អង្សាសេ - ក្អក - ហៀរសម្បោរ - ពិបាក​ដក​ដង្ហើម - ឈឺ​បំពង់​ក - មាន​ប្រវត្តិ​ធ្វើ​ដំណើរ ឆ្លង​ខេត្ត​នៅ​ក្នុង​ប្រទេស ឬ​ក្រៅ​ពី​ប្រទេស​កម្ពុជា ក្នុង​កំឡុង​ពេល​១៤ថ្ងៃ​មុន​ចេញ​រោគ​សញ្ញា - បាន​ប៉ះពាល់​ជាមួយ​អ្នក​ដែល​បាន​ធ្វើ​ដំណើរ​ក្រៅ​ប្រទេស​កម្ពុជា ក្នុង​កំឡុង​ពេល​១៤ថ្ងៃ​មុន​ចេញ​រោគ​សញ្ញា - បាន​ប៉ះពាល់​ជាមួយ​អ្នក​ជំងឺ​កូវីដ-១៩ បញ្ជាក់​ពី​មន្ទីរពិសោធន៍ ក្នុង​កំឡុង​ពេល​១៤ថ្ងៃ​មុន​ចេញ​រោគ​សញ្ញា - ជា​អ្នក​ថែទាំ​សុខភាព​នៅ​គ្រឹះ​ស្ថាន​សុខាភិបាល។ល។ បន្ថែម​ពី​លើ​នេះ នាយក​រដ្ឋ​មន្រ្តី​នៃ​កម្ពុជា សម្ដេច​ ហ៊ុន សែន បាន​ទទូច​ដដែលៗ​ឲ្យ​ប្រជាជន​គ្រប់​រូប​បង្កើន​ការ​ប្រុង​ប្រយ័ត្ន ជា​ពិសេស​ក្នុង​ករណី​ឆ្លង​ជា​សហគមន៍ និង​បើ​អាច នៅ​ផ្ទះ ឬ​ធ្វើ​ការ​ងារ​ពី​ផ្ទះ​សិន បើ​ពុំ​ចាំ​បាច់ មិន​គួរ​ចេញ​ក្រៅ​ផ្តេសផ្ដាស​ទេ។

មានករណីវិជ្ជមានកូវីដ ១៩ ថ្មី ចំនួន​ ២៣នាក់ និងមានករណីជាសះស្បើយ ចំនួន ៥នាក់។ បើតាមសេចក្តីប្រកាសរបស់ក្រសួងសុខាភិបាល អ្នកឆ្លងកូវីដ ១៩ ទាំង ២៣នាក់នោះសុទ្ធតែជាអ្នកពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ។ គិតត្រឹមព្រឹកថ្ងៃទី៥ មីនា នេះ សរុបតួលេខអ្នកឆ្លងកូវីដ ១៩ ក្នុងព្រឹត្តិការណ៍សហគមន៍ ២០ កុម្ភៈ កើនឡើងដល់ ៤២៥នាក់។ ដោយឡែកស្ថានភាពជំងឺកូវីដ ១៩ ​នៅទូទាំងប្រទេស មានអ្នកឆ្លងសរុបចំនួន ៩៣២នាក់ ក្នុងនោះព្យាបាលជាសះស្បើយ ៤៨៩នាក់ និងកំពុងសម្រាកព្យាបាល ៤៤២នាក់។

រូបភាព៖ Hort Kimny តាមប្រកាសរបស់ក្រសួងសុខាភិបាលនៅព្រឹកនេះ មានករណីវិជ្ជមានកូវីដ ១៩ ចំនួន ៣១នាក់ ក្នុងនោះមានអ្នកពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ ចំនួន ២៨ ​នាក់ ​និង ៣នាក់ទៀតជាអ្នកដំណើរចូលមកកម្ពុជា។ ក្រៅពីករណីវិជ្ជមានទាំង ៣១នាក់ ក៏មានអ្នកជាសះស្បើយពីកូវីដ ១៩ ចំនួន ២នាក់ដែរ។ គិតត្រឹមព្រឹកថ្ងៃទី៤ មីនា នេះ សរុបតួលេខអ្នកឆ្លងកូវីដ ១៩ ក្នុងព្រឹត្តិការណ៍សហគមន៍ ២០ កុម្ភៈ កើនឡើងដល់ ៤០២នាក់។ ដោយឡែកស្ថានភាពជំងឺកូវីដ ១៩ ​នៅទូទាំងប្រទេស មានអ្នកឆ្លងសរុបចំនួន ៩០៩នាក់ ក្នុងនោះព្យាបាលជាសះស្បើយ ៤៨៤នាក់ និងកំពុងសម្រាកព្យាបាល ៤២៥នាក់។

និយមន័យការ​បង្ក​រោគ​ដោយ​ប៉ារ៉ាស៊ីត​​ជា​អ្វី? សត្វ​ល្អិត ​គឺ​ជា​ប៉ារ៉ាស៊ីត​ ឬ​អតិសុខុមប្រាណ ​​រស់​នៅ​បាន​ដោយសារ​ពឹង​ផ្អែក​សារពាង្គកាយ​ដទៃ​ដែល​ភាគ​ច្រើន​វា​ផ្ដល់​មក​វិញ​នូវ​ទុក្ខ​ទោស​ និង​ផល​វិបាក​ជា​ច្រើន​ដល់​រាងកាយ​ដែល​វា​នៅ​ជាមួយ​។ បញ្ហា​សត្វ​ល្អិត​នេះ​ គឺ​ចោទ​យ៉ាង​ខ្លាំង​ទៅ​លើ​សុខភាព​របស់​ប្រជាជន​នៅ​តំបន់​ត្រូពិក ​និង​ប្រទេស​កំពុង​អភិវឌ្ឍន៍។ រោគសញ្ញានៅ​ពេល​យើង​មាន​សត្វ​ល្អិត​ក្នុង​ខ្លួន​ហើយ ​វា​នឹង​ចាប់​ផ្ដើម​បឺត​ជញ្ជក់​ថាមពល​របស់​យើង​ និង​បង្ក​ជា​រោគ​សញ្ញា​ដូចជា៖ ជំងឺ​កាមរោគ​ម្យ៉ាង​ដែល​បង្ក​ពី​ប៉ារ៉ាស៊ីត​ Trichomonas វា​មិន​សូវ​មាន​សញ្ញា​អ្វី​ប្រាកដ​ទេ​ប៉ុន្តែ​ក្នុង​ករណី​ខ្លះ​វា​អាច​ធ្វើ​ឲ្យ​មាន​រមាស់ ឡើង​ក្រហម និង​ចេញ​ទឹក​រម្អិល​​ច្រើន​ពី​ប្រដាប់​បន្ត​ពូជ។ ប៉ារ៉ាស៊ីត ​Guadias វា​បង្ក​ជា រាក ដើរ​ខ្យល់​ច្រើន ឈឺ​ពោះ​ ឬលាមក​រឹង​ និង​កង្វះ​ជាតិ​ទឹក​ជាដើម​ ប៉ារ៉ាស៊ីត Cryptosporidose វា​បង្ក​ឲ្យ​មាន​ ឈឺ​ពោះ​ ក្អួត​ឬ​ចង្អោរ​ ស្រក​ទម្ងន់​ កង្វះ​ជាតិ​ទឹក​ និង​ស្រក​ទម្ងន់​ជាដើម​ ប៉ារ៉ាស៊ីត Toxoplasmose ​អាច​ទៅ​ជា​ហើម​កូន​កណ្ដុរ​ឈឺ​សាច់ដុំ និង​មាន​សញ្ញា​ដូច​អ្នក​កើត​ផ្ដាសាយ​អ៊ីចឹង​។ ប៉ារ៉ាស៊ីត​នេះ ត្រូវ​គេប្រយ័ត្ន​ណាស់​ចំពោះ​ស្ត្រី​ដែល​កំពុង​ពពោះ។ មូលហេតុ​ប៉ារ៉ាស៊ីតបែង​ចែក​​ជា ​៣​ប្រភេទ ​ធំៗ​៖ បឋមសត្វ៖ គឺ​ជា​ប៉ារ៉ាស៊ីត​ឯក​កោសិកា​អាច​ស្វ័យ​ដំឡើង​ទ្វេ​បាន​ពេល​បាន​ចូល​ទៅ​ក្នុង​រាង​កាយ​មនុស្ស​ មាន​ដូច​ជា​អាមីប​ ឬ ​Guardias​ ជាដើម។ ដង្កូវ​ព្រូន​៖ វា​ជា​ប៉ារ៉ាស៊ីត​ពហុ​កោសិកា​ដែល​អាច​រស់​នៅ​ និង​លូត​លាស់​ក្នុង​សារពាង្គកាយ​របស់​មនុស្ស​បាន មាន​ដូច​ជា ព្រូន​សំប៉ែត ព្រូន​មូល​ជាដើម​។ សត្វ​ល្អិត៖ គឺ​ជា​ប្រភេទ​សត្វ​ដែល​មាន​នៅ​មជ្ឈដ្ឋាន​ជុំវិញ​​ខ្លួន​មនុស្ស​ហើយ​អាច​បង្ក​ទៅ​ជា​ជំងឺ​បាន​នៅ​ពេល​ដែល​វា​បាន​ខាំ ​ឬ​ចូល​ទៅ​ក្នុង​ស្បែក​មនុស្ស​ដូចជា​មូស ​និង​ចៃ​ជាដើម។ ការ​ចម្លង​របស់​ប៉ារ៉ាស៊ីត​មាន​ច្រើន​របៀប​ និង​សណ្ឋាន​ដូចជា​៖ ការ​ប្រើប្រាស់​ទឹក​មិន​ស្អាត​ ការ​រស់​នៅ​ក្នុង​មជ្ឈដ្ឋាន​ដែល​គ្មាន​អនាម័យ ឆ្លង​តាម​ឈាម តាម​ការ​រួម​ភេទ តាម​ភ្នាក់​ងារ​ចម្លង​ដូច​ជា​មូស​ក្នុង​ជំងឺ​គ្រុន​ចាញ់​ជាដើម ហានិភ័យគ្នា​យើង​អាច​ប្រឈម​នឹង​ការ​ឆ្លង​ប៉ារ៉ាស៊ីត​មក​ក្នុង​ខ្លួន​ក្នុង​ករណី​ដូច​ខាង​ក្រោម​៖ មាន​ជំងឺ​ដែល​ធ្វើ​ឲ្យ​ប្រព័ន្ធ​ភាព​ស៊ាំ​ចុះ​ខ្សោយ មាន​ការ​ធ្វើ​ដំណើរ​កម្សាន្ត​នៅ​តំបន់​ដែល​មាន​ការ​រាតត្បាត​ដោយ​ប៉ារ៉ាស៊ីត គ្មាន​ទឹក​ស្អាត​ប្រើប្រាស់ ប្រើ​ប្រាស់​ទឹក​បឹង​ ព្រែក​ ឬ​ទន្លេ​ដែល​មាន​ផ្ទុក​ពង​ព្រូន ​និង​ប៉ារ៉ាស៊ីត មាន​ការ​ប៉ះពាល់​លាមក​សត្វ​ដែល​មាន​ពង​ព្រូន​ ស្ត្រី​មាន​ផ្ទៃ​ពោះ​មិន​គួរ​មាន​សត្វ​ចិញ្ចឹម​នោះ​ទេ​ព្រោះ​ពួក​វា​គឺ​ជា​អ្នក​ដែល​ផ្ទុក​ និង​ដឹកនាំ​មេរោគ​ជា​ច្រើន​ដែល​យើង​មិន​អាច​មើល​ឃើញ ដូច​ជា​ពពួក​ Toxoplasmos។ រោគវិនិច្ឆ័យ​ […]

ថ្មីៗ​នេះ​មាន​ករណី​ផ្ទុះ​ជំងឺ​គ្រុន​ផ្តាសាយ​បក្សី H5N1 ដែល​បណ្តាល​ឲ្យ​សត្វ​មាន់​ទា​ស្លាប់​ជាង ១ពាន់​ក្បាល​នៅ​ភូមិ​ព្រែក​តាច្រែង ឃុំ​ព្រែក​នរិន្ទ ស្រុក​ឯក​ភ្នំ ខេត្ត​បាត់​ដំបង។ តែ​ទោះ​យ៉ាង​អាជ្ញាធរ​អះអាង​ថា ជំងឺ​នេះ​មិន​ឆ្លង​មក​មនុស្ស​នោះ​ទេ។ នៅ​កម្ពុជា​ផ្ទុះ​ជំងឺ​គ្រុន​ផ្តាសាយ​បក្សី​ដំបូង​នៅ​អំឡុង ខែ​មករា ឆ្នាំ​២០០៤ និង​ជា​បន្ត​បន្ទាប់​ទៀត។ តើអ្វី​ទៅ​ជា​ជំងឺ​ផ្តាសាយ​បក្សី H5N1? វីរុស​នេះ​ឆ្លង​ទៅ​មនុស្ស​ដោយ​របៀប​ណា? ១. អ្វី​ទៅ​ជា​ជំងឺ​ផ្តាសាយ​បក្សី H5N1 ? វីរុស​ផ្តាសាយ​បក្សី H5N1 គឺ​ជា​វីរុស​គ្រុន​ផ្តាសាយ​មួយ​ប្រភេទ​ដែល​បណ្តាល​ឱ្យ​មាន​ជំងឺ​ផ្លូវ​ដង្ហើម​ធ្ងន់ធ្ងរ និង​ឆ្លង​ខ្លាំង​នៅ​ក្នុង​បក្សី ដែល​គេ​ហៅ​ថា​ជំងឺ​ផ្តាសាយ​បក្សី នេះ​បើ​តាម​អង្គការ​សុខភាព​ពិភពលោក (WHO)។ ការ​ចម្លង​ជំងឺ​គ្រុន​ផ្តាសាយ​បក្សី​ពី​មនុស្ស​ម្នាក់​ទៅ​ម្នាក់​ទៀត​ជា​រឿង​កម្រ តែ​ប្រសិន​បើ​ឆ្លង​ហើយ ​អត្រា​ស្លាប់​មាន​ដល់ ៦០% ឯណោះ។ ២. វីរុស H5N1 ឆ្លង​ទៅ​មនុស្ស​របៀប​ណា? ការ​ឆ្លង​មេរោគ H5N1 លើ​មនុស្ស​អាច​ជា​មូលហេតុ​បង្ក​ឲ្យ​មាន​ជំងឺ​ធ្ងន់ធ្ងរ ហើយ​អត្រា​ស្លាប់​ខ្ពស់។ ប្រសិន​បើ​វីរុស​នេះ​ប្រែ​រូប វា​អាច​ចម្លង​យ៉ាង​ងាយ​ពី​មនុស្ស​ម្នាក់​ទៅ​មនុស្ស​ម្នាក់​ទៀត ហើយភាគ​ច្រើន​នៃ​ការ​ចម្លង​នោះ តាម​រយៈ​ការ​ប៉ះពាល់ ឬ​បរិភោគ​សត្វ​ឈឺ ដែល​ចម្អិន​មិន​បាន​ល្អ។ ៣. រោគ​សញ្ញា​ជំងឺ​ផ្តាសាយ​បក្សី​លើ​មនុស្ស - គ្រុន​ក្តៅ (កម្តៅលើសពី ៣៨អង្សាសេ) - ក្អក ហៀរសម្បោរ - ឈឺបំពង់ក - ឈឺសាច់ដុំ - ដង្ហក់ ពិបាកដង្ហើម ឯរោគសញ្ញាដំបូងផ្សេងទៀតមាន - ឈឺពោះ - ឈឺទ្រូង - រាក។