ឆ្អឹងមានតួនាទីសំខាន់សម្រាប់រាងកាយយើង ទាំងអាចឲ្យយើងធ្វើចលនាបាន និងការពារខួរក្បាល បេះដូង សរីរាង្គខាងក្នុងដទៃទៀតពីការរងរបួសជាដើម។ ជាធម្មតា គ្នាយើងក្មេងៗមិនសូវជាយកចិត្តទុកដាក់នឹងសុខភាពឆ្អឹង ឬសរីរាង្គខាងក្នុងរាងកាយប៉ុន្មានទេ តែបើយើងថែទាំមិនបានដិតដល់ពីក្មេង ចាស់ៗទៅច្បាស់ជាមានបញ្ហាឆ្អឹងមិនខានទេ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
គិតពីសុខភាពឆ្អឹង អនុវត្ត ៥ ចំណុចនេះតាំងពីនៅក្មេងវ័យ
ពេលយើងនៅក្មេង រាងកាយបង្កើតឆ្អឹងថ្មីៗលឿន និងបំបែកឆ្អឹងចាស់ៗចោល ហើយម៉ាសឆ្អឹងរបស់យើងក៏កើនឡើងលឿនដែរ ប៉ុន្តែ ដល់ពេលវ័យវិវដ្ដច្រើនទៅៗ ម៉ាសឆ្អឹងក៏ចាប់ផ្ដើមបាត់បង់ច្រើនដែរ។ មិនមែនជារឿងឆាប់ពេក ឬយឺតពេលពេកទេក្នុងការថែទាំឆ្អឹងឲ្យមានសុខភាពល្អ ជាមួយនឹងតិចនិកខាងក្រោមនេះ គ្នាយើងអាចចាប់ផ្ដើមរក្សាសុខភាពឆ្អឹងឲ្យមាំមួនបាន។
១. ញ៉ាំអាហារសម្បូរជាតិកាល់ស្យូម និងវីតាមីន D
កាល់ស្យូម និងវីតាមីន D ជាសារធាតុចិញ្ចឹមចាំបាច់សម្រាប់សុខភាពឆ្អឹង ជួយឲ្យឆ្អឹងរឹងមាំ មិនងាយពុក។ វីតាមីន D អាចរកបាននៅក្នុងត្រីសមុទ្រ ស៊ុតក្រហម ថ្លើម និងពន្លឺកព្រះអាទិត្យ រីឯកាល់ស្យូមសម្បូរនៅក្នុងទឹកដោះគោ ផលិតផលធ្វើពីទឹកដោះគោ តៅហ៊ូ ទឹកសណ្ដែក និងបន្លែបៃតងជាដើម។
២. ហាត់ប្រាណឲ្យច្រើន
ដូចសាច់ដុំដែរ ឆ្អឹងនឹងកាន់តែរឹងមាំ ប្រសិនបើយើងហាត់ប្រាណបានទៀងទាត់។ លំហាត់ប្រាណដែលល្អបំផុតសម្រាប់សុខភាពឆ្អឹង គឺការហាត់បែបពង្រឹងសាច់ដុំ ការដើរឡើងចុះកាំជណ្ដើរ លើកដុំដែក ឬដោយការរាំលេង។ ព្យាយាមហាត់ប្រាណយ៉ាងតិច ៣០នាទី/ថ្ងៃ។
៣. មានរបៀបរស់នៅល្អ
ប្រសិនបើយើងស្រលាញ់ឆ្អឹង ចង់ឲ្យសុខភាពឆ្អឹងនៅរឹងមាំពេលចាស់ទៅ យកល្អឈប់ជក់បារី និងកាត់បន្ថយការសេពគ្រឿងស្រវឹង និងគួរមានអាហារត្រឹមត្រូវ មានបន្លែផ្លែឈើ សាច់ក្នុងនោះ។
៤. ចៀសវាងការដួល
ពេលយើងដួល អាចបណ្ដាលឲ្យមានរបួសរហូតបាក់ឆ្អឹងបាន ពិសេសចំពោះមនុស្សមានជំងឺពុកឆ្អឹង ហេតុនេះហើយ ពេលធ្វើសកម្មភាពអ្វីមួយត្រូវចេះប្រយ័ត្នលំនឹងឲ្យបានល្អ។
៥. ពិគ្រោះជាមួយគ្រូពេទ្យ
យើងអាចទៅពិគ្រោះជាមួយគ្រូពេទ្យពីសុខភាពឆ្អឹងថាតើ យើងគួរពិនិត្យកំហាប់ឆ្អឹង ឬអាចប្រឈមនឹងជំងឺឆ្អឹងផ្សេងៗដែរឬទេ។
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Bone Health for Life: Health Information Basics for You and Your Familyhttps://www.bones.nih.gov/health-info/bone/bone-health/bone-health-life-health-information-basics-you-and-your-family
Bone health: Tips to keep your bones healthyhttps://www.mayoclinic.org/healthy-lifestyle/adult-health/in-depth/bone-health/art-20045060