ការបរិច្ចាគឈាមអាចជួយសង្រ្គោះជីវិតជាច្រើន និងជួយឱ្យយើងមានសុខភាពល្អទៀតផង។ បន្ទាប់ពីបរិច្ចាគឈាមរួច រាងកាយយើងនឹងផលិតឈាមឡើងវិញជាបន្តបន្ទាប់ ប៉ុន្តែភ្លាមៗបន្ទាប់ពីបរិច្ចាគឈាមរួច គ្នាយើងខ្លះអាចវិលមុខ អស់កម្លាំង ឬចង្អោរដោយសារបាត់បង់ឈាម។ ដូច្នេះដើម្បីចៀសពីផលរំខានដូចខាងលើ យើងគួរធ្វើ និងគួរចៀសវាងអ្វីខ្លះ?
១. ប្រការគួរធ្វើ
- បន្ទាប់ពីគ្រូពេទ្យដកម្ជុលចេញ និងយកសំឡីជ្រលក់អាល់កុលទប់ឈាមឱ្យយើង យើងគួរសង្កត់កន្លែងបូមឈាមរយៈពេល ៥ នាទី ដើម្បីកាត់បន្ថយការហើម និងឡើងជាំ
- សម្រាកនៅមជ្ឈមណ្ឌលផ្តល់ឈាមយ៉ាងហោចណាស់ ២០ នាទី
- រក្សាបង់បិទរបួសលើដៃពីរបីម៉ោង
- ញុំាទឹកឱ្យបានច្រើនដើម្បីគ្រប់គ្រងសម្ពាធឈាម
- ញុំាអាហារសម្រន់
- ញុំាអាហារសម្បូរជាតិដែកដូចជា បន្លែស្លឹកបៃតង សណ្តែក ដំឡូងជ្វា ទំពាំងបាយជូរក្រៀម ឪឡឹក សាច់គោ ឬគ្រឿងសមុទ្រជាដើម ព្រោះរាងកាយយើងត្រូវការជាតិដែកដើម្បីផលិតកោសិកាឈាមក្រហម ហើយជាតិដែកជួយឱ្យរាងកាយយើងឆាប់មានកម្លាំងឡើងវិញ។
- ញុំាអាហារសម្បូរវីតាមីន C ដូចជា បន្លែស្លឹកបៃតង ប៉េងប៉ោះ ខាត់ណាខៀវ ម្ទេសហាវៃ ផ្លែឈើអម្បូរក្រូច គីវី ឬល្ហុងជាដើមព្រោះអាចជួយឱ្យរាងកាយយើងស្រូបយកជាតិដែកបានល្អ។
- ស្វែងរកជំនួយ ប្រសិនបើយើងខ្សោយ មានការឈឺចាប់ ឬជាំកន្លែងបូមឈាមខ្លាំង
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
២. ប្រការគួរចៀសវាង
- លើករបស់ធ្ងន់ៗ
- ហាត់ប្រាណដោយប្រើកម្លាំងខ្លាំង
- ញុំាគ្រឿងស្រវឹង
- ងូតទឹកក្តៅឧណ្ហៗ
- ឈរក្នុងរយៈពេលយូរ
- ចៀសវាងជក់បារីយ៉ាងហោចណាស់ ៣០ នាទីបន្ទាប់ពីបរិច្ចាគឈាមរួច
[embed-health-tool-heart-rate]
បន្ទាប់ពីចាក់ចេញពីមណ្ឌលបរិច្ចាគឈាម ប្រសិនបើយើងវិលមុខ យើងត្រូវបញ្ឈប់រាល់សកម្មភាពដែលកំពុងធ្វើ រួចអង្គុយ ឬគេងសម្រាករហូតដល់យើងស្រួលខ្លួនឡើងវិញ។ ប្រសិនបើកន្លែងបូមឈាមចេញឈាម យើងគួរយកសំឡីជ្រលក់អាល់កុលរួចទប់សង្កត់មុខម្ជុលរយៈពេល ៥ ទៅ ១០ នាទី ព្រមទាំងលើកដៃឡើងលើរហូតដល់ឈាមឈប់ហូរ។
អត្ថបទគួរអាន៖
- ឥឡូវនេះ មានវិធីបំប្លែងឈាមគ្រប់ប្រភេទ ទៅជាឈាម O បាន
- ដឹងប្រភេទក្រុមឈាម អាចទាយដឹងពីហានិភ័យសុខភាព
- មូលហេតុអ្វីបណ្ដាលឲ្យគ្រាប់ឈាមសធ្លាក់ចុះ?
- ចំណុចគួរប្រយ័ត្ន លើអ្នកជំងឺស្លេកស្លាំងដោយសារបែកគ្រាប់ឈាមក្រហម
- មហារីកឈាមជាជំងឺតពូជ ឬកើតពីកត្តាអ្វីផ្សេងទៀត?
- បើដឹងប្រភេទឈាម ដូចដឹងចរិតពិតមនុស្សយើងអ៊ីចឹង
ចំណុចសំខាន់
បន្ទាប់ពីការបរិច្ចាគឈាមយើងគួរធ្វើតាមការណែនាំដូចខាងក្រោម៖
- សង្កត់កន្លែងបូបឈាមរយៈពេល ៥ នាទី
- សម្រាកនៅមជ្ឈមណ្ឌលផ្តល់ឈាមយ៉ាងហោចណាស់ ២០ នាទី
- រក្សាបង់បិទរបួសលើដៃយ៉ាងពីរបីម៉ោង
- ញុំាទឹកឱ្យបានច្រើន
- ញុំាអាហារសម្រន់
- ញុំាអាហារសម្បូរជាតិដែក
- ញុំាអាហារសម្បូរវីតាមីន C
- ចៀសវាងលើករបស់ធ្ងន់ៗ
- ចៀសវាងហាត់ប្រាណដោយប្រើកម្លាំងខ្លាំង
- ចៀសវាងញុំាគ្រឿងស្រវឹង
- ចៀសវាងងូតទឹកក្តៅឧណ្ហៗ
- ចៀសវាងឈរក្នុងរយៈពេលយូរ
- ចៀសវាងជក់បារី
