ឈាមមានមុខងារសំខាន់ខ្លាំងនៅក្នុងរាងកាយរបស់យើង ដោយបញ្ជូនអុកស៊ីហ្សែន និងសារធាតុចិញ្ចឹមទៅកាន់កោសិកាពាន់លាន។ មួយវិញទៀត ឈាមដឹកនាំកាកសំណល់ពីសរីរាង្គបន្សាបជាតិពុល ចេញពីរាងកាយ ព្រមទាំងគ្រប់គ្រងសីតុណ្ហភាព PH ទឹកនៅក្នុងរាងកាយ និងជាផ្នែកមួយដ៏សំខាន់នៃប្រព័ន្ធភាពស៊ាំ។

ដូច្នេះហើយ ដើម្បីឲ្យឈាមគ្មានជាតិពុល និងដើម្បីឲ្យមុខងាររាងកាយដំណើរការបានត្រឹមត្រូវ យើងគួរតែអនុវត្តគន្លឹះមួយចំនួនខាងក្រោម ដើម្បីបន្សុទ្ធឈាម។

១. ហាត់ប្រាណជាទៀងទាត់

ពិតណាស់ ការហាត់ប្រាណអាចជួយពង្រឹងសរីរាង្គសំខាន់ៗនៃរាងកាយ។ មិនតែប៉ុណ្ណោះ លំហាត់ប្រាណគ្រប់ទម្រង់ អាចធ្វើឲ្យចរន្តឈាមក្នុងរាងកាយប្រសើរឡើង បង្កើនការផលិតញើស និងការដកដង្ហើម ដែលទាំងនេះដើរតួនាទីសំខាន់ក្នុងការបញ្ចេញជាតិពុលពីរាងកាយ។ នៅពេលដែលឈាមចរាចរពាសពេញរាងកាយកាន់តែច្រើន ថ្លើម និងកូនកណ្ដុរនឹងដំណើរការកាន់តែល្អដូចគ្នា។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចងពិនិត្យជំងឺសរសៃឈាមបេះដូង ចុចទីនេះ !

២. ញ៉ាំទឹកឲ្យគ្រប់គ្រាន់

ការញ៉ាំទឹកជាវិធីសាស្ត្រងាយស្រួលបំផុត ក្នុងការបន្សុទ្ធឈាម ដោយបណ្ដេញជាតិពុល និងសារធាតុគីមីដែលបង្កគ្រោះថ្នាក់ទាំងអស់ចេញពីរាងកាយ។ លើសពីនេះ ទឹកផ្ទុកសារធាតុCurcumin ដែលជួយការពារថ្លើម ដោយកម្ចាត់មេរោគ និងធ្វើឲ្យការរំលាយអាហារមានភាពប្រក្រតី។

៣. បន្លែ

ជាមួយគ្នានេះដែរ យើងគួរតែបញ្ចូលបន្លែក្នុងរបបអាហារដូចជា Broccoli ស្ពៃក្ដោប និងឆៃថាវ ដើម្បីជួយបន្សុទ្ធឈាម។ ក្រៅពីនេះ យើងចាំបាច់បន្ថែមបន្លែស្លឹកបៃតងទើបជាការប្រសើរ។

៤. ក្រូចឆ្មារ

បន្ថែមពីនេះ ទឹកក្ដៅឧណ្ហៗជាមួយនឹងក្រូចឆ្មារ អាចជួយជំរុញការបំបែកខ្លាញ់នៅក្នុងរាងកាយ និងកាត់បន្ថយការឈឺតម្រងនោម បានយ៉ាងមានប្រសិទ្ធភាព។ ជាងនេះទៅទៀត វីតាមីន និងសារធាតុរ៉ែនៅក្នុងក្រូចឆ្មារ អាចជួយបន្សុទ្ធឈាម និងប្រព័ន្ធរាងកាយទាំងមូលបានយ៉ាងមានប្រសិទ្ធភាព។

ទឹកក្រូចឆ្មារ

អត្ថបទគួរអាន៖

៥. គេងឲ្យបានគ្រប់គ្រាន់

ការគេងបានគ្រប់គ្រាន់មានសារសំខាន់ណាស់ ពីព្រោះមុខងារជាច្រើនរបស់រាងកាយ ក៏ដូចជាការជួសជុលរាងកាយ កើតឡើងនៅអំឡុងពេលគេង។ ហេតុនេះហើយ យើងគួរតែគេងយ៉ាងតិចឲ្យបាន៧ ទៅ៨ម៉ោងក្នុងមួយថ្ងៃ។

ចំណុចសំខាន់

ឈាមមានមុខងារសំខាន់ខ្លាំងនៅក្នុងរាងកាយរបស់យើង ដោយបញ្ជូនអុកស៊ីហ្សែន និងសារធាតុចិញ្ចឹមទៅកាន់កោសិកាពាន់លាន។ ដើម្បីបណ្តេញជាតិពុលចេញពីក្នុងឈាម ក៏ដូចជាធ្វើឲ្យមុខងាររាងកាយមានដំណើរការប្រក្រតី យើងគួរតែហាត់ប្រាណជាទៀងទាត់ ញ៉ាំទឹកឲ្យបានគ្រប់គ្រាន់ បញ្ចូលបន្លែក្នុងរបបអាហារ ញ៉ាំទឹកក្រូចឆ្មារ និងគេងឲ្យបានគ្រប់គ្រាន់។

គន្លឹះ៥យ៉ាង ជួយបន្សុទ្ធឈាម និងបណ្តេញជាតិពុលចេញពីរាងកាយ

១. ហាត់​ប្រាណ​ជា​ទៀងទាត់​

២. ញ៉ាំ​ទឹក​ឲ្យ​​គ្រប់គ្រាន់​

​​​​​៣. បន្លែ​

៤. ក្រូច​ឆ្មារ

៥. គេង​ឲ្យ​បាន​គ្រប់គ្រាន់​