ការចេញឈាមនៅខាងក្នុងស្បែក កើតឡើងនៅពេលដែលសរសៃឈាមតូចៗបែកនៅក្រោមស្បែក។ សរសៃឈាមដែលខូចទាំងនេះ អាចមើលទៅដូចជាចំណុចក្រហមតូចៗ ឬមានពណ៌ស្វាយ ខៀវ ឬខ្មៅ ដែលជាទូទៅមានលក្ខណៈស្រាល និងអាចជាសះស្បើយក្នុងរយៈពេល ២សប្ដាហ៍។

អ្នកណាខ្លះប្រឈមនឹងការចេញឈាមនៅខាងក្នុងស្បែក?

ជាទូទៅ យើងម្នាក់ៗសុទ្ធតែអាចមានស្នាមជាំ (ដែលជាប្រភេទនៃការចេញឈាមនៅក្នុងស្បែកទូទៅបំផុត)។ ប៉ុន្តែ អ្នកខ្លះអាចងាយកើតមានស្នាមជាំ ក្នុងនោះរួមមាន៖

អ្នកដែលមានអាយុច្រើនជាង៦៥ឆ្នាំ
ប្រើប្រាស់ថ្នាំពង្រាវឈាម
ប្រើប្រាស់អាហារបំប៉នដែលបង្កើនហានិភ័យនៃការចេញឈាម ដូចជាពពួកវីតាមីនE
អ្នកមានស្បែកស
អ្នកលេងកីឡា ។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចងពិនិត្យជំងឺសរសៃឈាមបេះដូង ចុចទីនេះ !

បញ្ហាសុខភាពមួយចំនួន ដែលធ្វើឲ្យយើងងាយកើតមានស្នាមជាំ ឬចេញឈាម មានដូចជា៖

ជំងឺឈាមក្រកក
ជំងឺមហារីកឈាម
ជំងឺថ្លើម
ជំងឺLupus
វិបត្តិប្លាកែត
កង្វះវីតាមីនK ។

កត្តាអ្វីខ្លះដែលនាំឲ្យចេញឈាមនៅក្នុងស្បែក?

ការរងរបួស ជាមូលហេតុទូទៅបំផុតដែលនាំឲ្យចេញឈាមនៅក្នុងស្បែក។ កត្តាផ្សេងទៀត មាន៖

ប្រឹងយំ ក្អក ឬក្អួត
ពាក់ស្បែកជើង សំលៀកបំពាក់ ឬវ៉ែនតា មិនមានផាសុកភាព

រោគសញ្ញានៃការចេញឈាមក្នុងស្បែកមានអ្វីខ្លះ?

ជួនកាល រោគសញ្ញាតែមួយគត់នៃការចេញឈាមក្នុងស្បែក គឺការប្រែពណ៌ស្បែក ដោយមានស្នាមពណ៌ក្រហម ខ្មៅ ខៀវ ឬស្វាយ ហើយស្នាមជាំខ្លះទៀត អាចមានការឈឺចាប់ ហើម ឬឈឺចាប់នៅពេលដែលយើងប៉ះពាល់។

អត្ថបទគួរអាន៖

ការព្យាបាលនៃការចេញឈាមខាងក្នុងស្បែក

ជាធម្មតា យើងអាចព្យាបាលការចេញឈាមខាងក្នុងស្បែកដោយខ្លួនឯងបាន។ សម្រាប់ស្នាមជាំតូចតាច យើងអាច៖

ស្អំទឹកកកនៅបរិវេណរងរបួសរយៈពេល១០ ទៅ១៥នាទី
ជៀសវាងប៉ះពាល់ជាមួយនឹងកម្ដៅដោយផ្ទាល់ត្រង់បរិវេណនោះ ក្នុងរយៈពេល៤៨ម៉ោង

យើងគួរពិគ្រោះជាមួយគ្រូពេទ្យនៅពេលណា ចំពោះបញ្ហាចេញឈាមក្នុងស្បែក?

ប្រសិនបើយើងចេញឈាមក្នុងស្បែកយូរជាង ២សប្ដាហ៍ គួរពិគ្រោះជាមួយនឹងគ្រូពេទ្យទើបជាការប្រសើរ។ បន្ថែមពីនេះ យើងក៏ចាំបាច់ពិនិត្យសុខភាព ក្នុងករណីដែលយើងមានស្នាមជាំ រួមជាមួយនឹងលក្ខខណ្ឌទាំងនេះ៖

ឈាមនៅក្នុងទឹកនោម ឬលាមក
ឈាមអញ្ចាញធ្មេញ
សន្លប់ ឬវិលមុខ
គ្រុនក្ដៅ
ចង្អោរ ឬក្អួត
ឈឺចាប់ខ្លាំង ឬហើម។

ចេញឈាមខាងក្នុងស្បែកបណ្តាលមកពីអ្វី? មានរោគសញ្ញាអ្វីខ្លះ?

អ្នក​ណា​ខ្លះ​​ប្រឈម​នឹង​​ការ​ចេញ​ឈាម​នៅ​ខាង​ក្នុង​ស្បែក?

​​​​កត្តា​អ្វី​ខ្លះ​ដែល​នាំ​ឲ្យ​​ចេញ​ឈាម​នៅ​ក្នុង​ស្បែក​?

រោគសញ្ញា​នៃ​ការ​ចេញ​ឈាម​ក្នុង​ស្បែក​មាន​អ្វី​ខ្លះ?

ការ​ព្យាបាល​នៃ​ការ​ចេញ​ឈាម​ខាង​ក្នុង​ស្បែក​

យើង​គួរ​ពិគ្រោះ​ជាមួយ​គ្រូពេទ្យ​នៅ​ពេល​ណា ចំពោះ​បញ្ហា​ចេញ​ឈាម​ក្នុង​ស្បែក​?

អ្នកណាខ្លះប្រឈមនឹងការចេញឈាមនៅខាងក្នុងស្បែក?

កត្តាអ្វីខ្លះដែលនាំឲ្យចេញឈាមនៅក្នុងស្បែក?

រោគសញ្ញានៃការចេញឈាមក្នុងស្បែកមានអ្វីខ្លះ?

ការព្យាបាលនៃការចេញឈាមខាងក្នុងស្បែក

យើងគួរពិគ្រោះជាមួយគ្រូពេទ្យនៅពេលណា ចំពោះបញ្ហាចេញឈាមក្នុងស្បែក?