ជំងឺទឹកនោមផ្អែម ប្រុសៗគ្នាយើងត្រូវតែប្រយ័ត្ន!យើងអាចប្រឈមកើតជំងឺនេះ បើមានរោគសញ្ញាប្លែកៗលើស្បែក តម្រងនោម ឬប្រព័ន្ធប្រសាទ។ អ្វីសំខាន់ ជំងឺនេះធ្វើឲ្យប្រុសៗអសមត្ថភាពផ្លូវភេទទៀតផង។ តើបញ្ហាសុខភាពមួយនេះ ពាក់ព័ន្ធអ្វីខ្លះដែលអាចធ្វើឲ្យអាអូនតូចលែងឡើងរឹង ឬអសមត្ថភាពផ្លូវភេទ?
ក្រៅពីបញ្ហាអសមត្ថភាពផ្លូវភេទរបស់ស្ត្រី បញ្ហាអសមត្ថភាពផ្លូវភេទ មានន័យថា លិង្គមិនឡើងរឹង ឬរឹងមិនបានយូរ ហើយមូលហេតុបង្កឲ្យប្រុសៗគ្នាយើងជួបបញ្ហានេះ អាចមកពីលើសឈាម ស្រ្តេស ជក់បារី ញុំាគ្រឿងស្រវឹង ធាត់លើសទម្ងន់ ផលរំខានដោយលេបថ្នាំ បញ្ហាតម្រងនោម បញ្ហាសរសៃឈាម និងប្រព័ន្ធប្រសាទ។ ប៉ុន្តែបើគ្នាយើងមានបញ្ហាអសមត្ថភាពផ្លូវភេទ ត្រូវដឹងថាអាចបណ្ដាលមកពីទឹកនោមផ្អែម។ តាមការសិក្សាមួយនៅអាមេរិក ប្រុសៗមានទឹកនោមផ្អែមប្រមាណពី ២០-៧០ ភាគរយ មានបញ្ហាអសមត្ថភាពផ្លូវភេទ។
ទឹកនោមផ្អែម ក៏ជាមូលហេតុនាំឲ្យខូចប្រព័ន្ធប្រសាទ ធ្វើឲ្យសរសៃឈាម និងសរសៃប្រសាទលិង្គដំណើរការខុសប្រក្រតី ជាហេតុបង្កបញ្ហានេះ។ ឯបញ្ហាផ្លូវទឹកនោមវិញ ជំងឺនេះ ធ្វើឲ្យទឹកកាមបញ្ចេញចូលក្នុងប្លោកនោម (Retrograde ejaculation) រោគសញ្ញាគួរឲ្យកត់សម្គាល់ ទឹកកាមចេញតិចជាងមុន។
លោកអ្នកអាចគណនាដឹងពី "អត្រាបេះដូងលោតពេលសម្រាក" ធម្មតា និងអតិបរមា ទៅតាមកម្រិតអាយុ របៀបហាត់ប្រាណ និងសកម្មភាពផ្សេងទៀតដែលអាចជះឥទ្ធិពលដល់ ចង្វាក់បេះដូងលោត។
ប្រុស
ស្រី
អ្នកពិនិត្យឲ្យអ្នកណាដែរ?
អត្រាបេះដូងលោតពេលសម្រាក របស់អ្នកចំនួនប៉ុន្មានដែរ? (ដង/នាទី)
វិធីបង្ការល្អបំផុត គឺរក្សាជាតិស្ករក្នុងឈាមឲ្យមានលំនឹងល្អ។ គ្នាយើងអាចជ្រើសយកវិធីដើម្បីគ្រប់គ្រងជាតិស្ករ ដូចជា ប្រើថ្នាំពេទ្យ ហាត់ប្រាណ និងញ៉ាំអាហារសុខភាព។ រីឯថ្នាំសម្រាប់ព្យាបាលបញ្ហាអសមត្ថភាពផ្លូវភេទ មាន Tadalafil (Cialis®), Vardenafil (Levitra®) and sildenafil (Viagra®) និងការព្យាបាលផ្សេងទៀតទៅតាមមូលហេតុច្បាស់លាស់ ដូចជាការប្រើថ្នាំ Testosterone បើគ្រូពេទ្យរកឃើញអ្នកជំងឺមានបរិមាណ Testosterone ទាប។ល។ មុននឹងប្រើថ្នាំណាមួយ យើងត្រូវទៅពិគ្រោះជាមួយគ្រូពេទ្យដើម្បីចៀសវាងប្រតិកម្មជាមួយថ្នាំផ្សេងទៀត តែទោះយ៉ាងណា ការថែទាំជំងឺទឹកនោមផ្អែមឲ្យបានល្អជារឿងសំខាន់ ។
ករណីខ្លះ ជំងឺទឹកនោមផ្អែម ក៏អាចបណ្តាលឲ្យធ្លាក់ទឹកចិត្ត ថប់បារម្ភ ដែលជាមូលហេតុធ្វើឲ្យអសមត្ថភាពផ្លូវភេទកាន់តែធ្ងន់ធ្ងរ។ ពិគ្រោះជាមួយគ្រូពេទ្យ បើប្រុសៗគ្នាយើងមានអាការៈមិនស្រួល ឬសង្ស័យណាមួយ។ ការព្យាបាលជំងឺផ្លូវចិត្ត អាចនឹងជួយសុខភាពផ្លូវកាយដូចគ្នា។
ចង់គណនា BMI ចុចទីនេះ!
ចង់គណនា BMR ចុចទីនេះ!
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
– ចរន្តឈាមមិនល្អ៖ បង្កដោយជំងឺទឹកនោមផ្អែម ធ្វើឲ្យរមាស់ជើង ងាយបង្ករោគ (បាក់តេរី និងពពួកផ្សិត)។ ថែរក្សាស្បែកបានល្អអាចការពារបញ្ហាសើស្បែកបាន។
– ប្រព័ន្ធប្រសាទ៖ ប្រុសៗមានជំងឺនេះប្រមាណ ៥០ភាគរយ រងការប៉ះពាល់ដល់ប្រព័ន្ធប្រសាទ មានរោគសញ្ញាចាក់ៗ ឬឈឺចាប់ចុងដៃចុងជើង។ បើមានអារម្មណ៍ទាំងនេះ ឬស្ពឹក ប្រញាប់ទៅពិគ្រោះជាមួយគ្រូពេទ្យ។ ព្យាបាលទាន់ពេល អាចទប់ស្កាត់ការរាលដាលផ្សេងទៀត។
ជំងឺទឹកនោមផ្អែម ប្រុសៗគ្នាយើងអាចប្រឈមខ្ពស់ជាងស្រីៗ។ យ៉ាងណា យើងនៅតែអាចរស់នៅប្រកបដោយផាសុកភាព គ្រាន់តែថែរក្សាសុខភាព និងប្រើប្រាស់ថ្នាំត្រឹមត្រូវ អាចការពារខ្លួនពីផលវិបាកផ្សេងៗបង្កដោយជំងឺទឹកនោមផ្អែម។ ត្រៀមខ្លួនទុកជាមុន ការពារ និងព្យាបាលជំងឺនេះពិតជាសំខាន់ គួរទៅពិគ្រោះជាមួយគ្រូពេទ្យ បើគ្នាយើងមានបញ្ហាអសមត្ថភាពផ្លូវភេទ ឬរោគសញ្ញាណាមួយនៃជំងឺទឹកនោមផ្អែម។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Autonomic nervous system disorders. http://www.nlm.nih.gov/medlineplus/autonomicnervoussystemdisorders.html. Accessed August 22, 2016.
Complications. http://www.diabetes.org/living-with-diabetes/complications/. Accessed August 22, 2016.
Erectile dysfunction: What causes ED? http://www.diabetes.org/living-with-diabetes/treatment-and-care/men/erectile-dysfunction.html. Accessed August 22, 2016.
Neuropathy (Nerve damage). http://www.diabetes.org/living-with-diabetes/complications/neuropathy/. Accessed August 22, 2016.
Sexual and urologic problems of diabetes. http://diabetes.niddk.nih.gov/dm/pubs/sup/. Accessed August 22, 2016.
Skin complications. http://www.diabetes.org/living-with-diabetes/complications/skin-complications.html. Accessed August 22, 2016.
