home

មហារីកក្រពេញទីរ៉ូអ៊ីត

មហារីកក្រញេញ​ទីរ៉ូអ៊ីត​​ - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​ជំងឺ​មហារីក​​ក្រញេញ​ទីរ៉ូអ៊ីត​ ​ផលវិបាក ​ការ​រស់​នៅ​ជា​មួយ​ជំងឺប្រភេទ​នេះ ការការពារ​ និង​ការ​ព្យាបាល

ចំណេះដឹងទូទៅ

មហារីកក្រពេញទីរ៉ូអ៊ីត

មហារីកក្រពេញទីរ៉ូអ៊ីតគឺជាដុំសាច់នៅក្នុងក្រពេញទីរ៉ូអ៊ីតដែលជាក្រពេញមាន​រាងដូចមេអំបៅស្ថិតនៅខាងមុខក និងនៅពីក្រោមគ្រាប់ពោន។ តើអ្នក​ណា​ខ្លះងាយប្រឈមកើតជំងឺ​មហារីកក្រពេញទីរ៉ូអ៊ីត? យោងតាមវិទ្យាស្ថានជាតិមហារីករបស់អាមេរិក មនុស្សដែលមានហានិភ័យខ្ពស់​ក្នុងការកើតមហារីក​ក្រពេញទីរ៉ូអ៊ីតអាចជា៖ ១. ស្រ្តី ស្ត្រីងាយប្រឈមកើតមហារីកក្រពេញទីរ៉ូអ៊ីតជាងបុរសដល់ទៅ ៣ដង។ មហារីកក្រពេញទីរ៉ូអ៊ីត​អាច​កើតលើមនុស្សគ្រប់វ័យ ប៉ុន្តែជាញឹកញាប់កើត​លើ​ស្ត្រីដែលមានអាយុចាប់ពី ៤០ ទៅ ៥០ឆ្នាំ និងលើបុរសដែលមានអាយុចាប់​ពី ៦០ ទៅ ៧០ឆ្នាំ។ ២. អ្នកប៉ះពាល់នឹងវិទ្យុសកម្មក្នុងកម្រិតខ្ពស់ អ្នកដែលធ្លាប់ព្យាបាល​ក្បាល ​ក​ ឬទ្រូងដោយ​វិទ្យុសកម្ម ឬអ្នកដែលរស់នៅតំបន់​ដែលមាន​ការសាយ​ភាយថាមពលនុយក្លេអ៊ែរ ឬអ្នកដែលបានប៉ះពាល់​វិទ្យុសកម្មដែល​ចេញពីអាវុធនុយក្លេអ៊ែរ​ មាន​ហានិភ័យ​​ខ្ពស់ក្នុងការកើត​​មហារីក​ក្រពេញ​ទីរ៉ូអ៊ីត។ ៣. អ្នកលើសទម្ងន់ ឬធាត់ យោងតាមទីភ្នាក់ងារអន្តរជាតិសម្រាប់ការស្រាវជ្រាវជំងឺមហារីក (IARC) បានឱ្យដឹងថា អ្នកដែល​លើស​ទម្ងន់ ឬធាត់មានហានិភ័យខ្ពស់ក្នុងការកើតមហារីកក្រពេញទីរ៉ូអ៊ីត។ ប្រសិនបើសន្ទស្សន៍​ម៉ាស​រាងកាយ (BMI) របស់យើង​កើនឡើង ហានិភ័យនៃការកើត​មហារីកក្រពេញ​ទីរ៉ូអ៊ីត​ក៏កើន​ឡើង​ដែរ។ ចង់គណនា BMI ចុចទីនេះ!   ៤. ប្រវត្តិគ្រួសារកើតមហារីកក្រពេញទីរ៉ូអ៊ីត ឬបញ្ហាក្រពេញទីរ៉ូអ៊ីត មហារីកក្រពេញទីរ៉ូអ៊ីតអាចកើតលើអ្នកដែលមានសមាជិកគ្រួសារដែលមាន​ក្រពេញទីរ៉ូអ៊ីតរីកធំ (ពកក) រលាកក្រពេញទីរ៉ូអ៊ីត ឬកើតមហារីកក្រពេញទីរ៉ូអ៊ីត។ ៥. អ្នកខ្វះ ឬលើសជាតិអ៊ីយ៉ូត កង្វះជាតិអ៊ីយ៉ូតអាចបណ្តាលឱ្យយើងកើតមហារីកក្រពេញទីរ៉ូអ៊ីតលើ​កោសិកា follicular ។ ផ្ទុយ​មកវិញ បើយើងលើស​ជាតិអ៊ីយ៉ូតក្នុងខ្លួន ក៏អាចមានហានិភ័យ​កើតជំងឺ​មហារីកក្រពេញ​ទីរ៉ូអ៊ីតលើកោសិកា papillary ដែរ​។ ជាធម្មតា មហារីកក្រពេញទីរ៉ូអ៊ីតមិនបង្កជារោគសញ្ញា ឬបង្ហាញអាការៈទេ ប៉ុន្តែនៅពេលមហារីក​ក្រពេញ​ទីរ៉ូអ៊ីតរីកធំ អ្នក​ជំងឺ​អាច៖ ស្ទាបដឹងថាមានដុំពកនៅពីមុខក ប្រែប្រួលសំឡេងដូចជា ស្អក ពិបាកដកដង្ហើម ពិបាកលេបអាហារ ហើមកូនកណ្តុរនៅក ក្អកមិនបាត់ ឈឺក និងបំពង់ក ភាគច្រើនមហារីកក្រពេញទីរ៉ូអ៊ីតអាចព្យាបាលបាន ប្រសិនបើប្រទះឃើញ និងធ្វើការ​ព្យាបាល​នៅដំណាក់កាលដំបូង […]

មហារីកក្រពេញទីរ៉ូអ៊ីត

​ជំងឺ​ពក​ក នៅ​តែ​កើត​ឡើង​ច្រើន ជាពិសេស​ស្រីៗ ​ព្រោះ​ខ្វះ​ការ​យក​ចិត្ត​ទុក​ដាក់​ដិត​ដល់​។ “Hello គ្រូពេទ្យ” នឹង​លម្អិត​ពាក់​ព័ន្ធ​អ្វី​ជា​ក្រពេញ​ទីរ៉ូអ៊ីតដែល​ពាក់ព័ន្ធ​នឹង​ជំងឺ​ពកក អាច​បង្ក​បញ្ហា​អី​ខ្លះ? ហេតុ​អី​បាន​ជា​កើត​ឡើង​ភាគ​ច្រើន​លើ​ស្រីៗ។ ១- អ្វី​ជា​ក្រពេញ​ទីរ៉ូអ៊ីត? ទីរ៉ូអ៊ីត ជា​ក្រពេញ​តូច​មួយ មាន​សណ្ឋាន​ដូច​មេ​អំបៅ ស្ថិត​នៅ​បាត​របស់​ក។ ក្រពេញ​នេះមាន​នាទី​សំខាន់​ផលិត​អ័រម៉ូនដើម្បី​គ្រប់​គ្រង​ស្ទើរ​គ្រប់​ដំណើរ​ការ​មេតា​បូលីស​ទាំង​អស់ រាប់​បញ្ចូល​ទាំង​ការ​ដុត​កម្ទេច​កាឡូរី​ក្នុង​រាង​កាយ​ឲ្យ​បាន​រហ័ស ក៏​ដូច​ជា​ដំណើរ​ការ​លោត​ញាប់​ ឬ​យឺត​របស់​បេះដូង​យើង​តែម្តង។ ករណី​ខ្លះ ទោះ​បើ​យើង​មាន​បញ្ហា​មិន​ប្រក្រតី​ទៅ​លើ​ក្រពេញ​ទីរ៉ូអ៊ីត ក៏​គ្មាន​ទុក្ខ​ទោស​អ្វី​លើ​រាង​កាយ តម្រូវ​ឲ្យ​មាន​ការ​ព្យា​បាល​នោះ​ដែរ ប៉ុន្តែ​ករណី​ខ្លះ​ទៀត អាច​នឹង​គំរាម​កំហែង​អាយុ​ជីវិត​យើង​បាន។ បញ្ហា​ក្រពេញ​ទីរ៉ូអ៊ីត សំដៅ​លើ​កំណើន​ការ​ផលិត​អ័រម៉ូន​របស់​ក្រពេញ​នេះ​ច្រើន​លើស​កម្រិត ឬ​តិច​តួច​មិន​គ្រប់​គ្រាន់​សម្រាប់​រាង​កាយ​ប្រើ​ប្រាស់។ មនុស្ស​ស្រី ​មាន​អត្រា​ប្រឈម​​ហានិភ័យ​ខ្ពស់ មាន​បញ្ហា​ក្រពេញ​ទីរ៉ូអ៊ីត ពិសេស​ក្រោយ​សម្រាល​កូន​ និង​ពេល​អស់​រដូវ។ ២- បញ្ហា​ក្រពេញ​ទីរ៉ូអ៊ី​ប៉ះពាល់​អ្វី​ខ្លះ​ចំពោះ​ស្រីៗ? បញ្ហា​ក្រពេញ​ទីរ៉ូអ៊ីត អាច​នឹង​បណ្តាល​ឲ្យ​រដូវ​មិន​ទៀង​ទាត់ ព្រោះ​វា​ក៏​ដើរ​តួ​នា​ទី​ជួយ​ឲ្យ​ធ្លាក់​ឈាម​រដូវ​ផង​ដែរ។ បញ្ហា​អត់​មក​រដូវ​ជា​ស្ថាន​ភាព​សុខភាព​មួយ​ពាក់ព័ន្ធ​ក្រពេញ​ទីរ៉ូអ៊ីត អាច​ធ្វើ​រាំង​រដូវ​ជា​ច្រើន​ខែ ឬ​ឈាន​ដល់​ឆ្នាំ​ទៀត​ផង។ បើ​មាន​បញ្ហា​ក្រ​ពេញ​ទីរ៉ូអ៊ីត ដែល​បង្ក​ឡើង​ដោយ​ប្រព័ន្ធ​ភាព​ស៊ាំ អាច​និយាយ​បាន​ថា​ក្រពេញ​អូវែ ក៏​រង​ប៉ះ​ពាល់​ដូច​គ្នា។ យើង​អាច​ជួប​ប្រទះ​បញ្ហា​អស់​រដូវ​ ឬ​មក​រដូវ​មុន​ពេល​កំណត់។ ដោយសារ​បញ្ហា​ក្រពេញ​ទីរ៉ូអ៊ីត រំខាន​ជ្រៀត​ជ្រែក​ជា​មួយ​ការ​មក​​ឈាម​រដូវ ការ​ទុំជ្រុះ​មេ​ជីវិត​ញី ក៏​អាច​នឹង​ត្រូវ​បង្អាក់​ដូចគ្នា​ ធ្វើ​ឲ្យ​វា​កាន់​តែ​ពិបាក​សម្រាប់​គ្នា​យើង​ចង់​បាន​កូន។ លើស​ពី​នេះ បញ្ហា​ក្រ​ពេញ​ទីរ៉ូអ៊ីត កើត​ចេញ​ក្នុង​អំឡុង​ពេល​មាន​ផ្ទៃ​ពោះ អាច​បង្កើន​ហានិភ័យ​សុខ​ភាព​ទាំង​ម៉ាក់ៗ និង​គភ៌​ក្នុង​ផ្ទៃ។ ៣- អ្នក​ណា​ខ្លះ​ងាយ​ប្រឈម​បញ្ហា​ក្រពេញ​ទីរ៉ូអ៊ីត? ស្រីៗ​យើង​កំពុង​ស្ថិត​ក្នុង​ស្ថាន​ភាព​សុខភាព ឬ​មាន​ប្រវត្តិ​ជំងឺ​មួយ​ចំនួន ងាយ​ប្រឈម​ហានិភ័យ​ខ្ពស់​កើត​មាន​បញ្ហា​ក្រពេញ​ទីរ៉ូអ៊ីត​ ដូច​ជា៖ – […]