home

មហារីកឆ្អឹង

មហារីកឆ្អឹង​​ - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​ជំងឺ​មហារីក​​ឆ្អឹង​ ​ផលវិបាក ​ការ​រស់​នៅ​ជា​មួយ​ជំងឺប្រភេទ​នេះ ការការពារ​ និង​ការ​ព្យាបាល

ចំណេះដឹងទូទៅ

មហារីកឆ្អឹង

ជំងឺ​មហារីក​ឆ្អឹង​ អាច​កើត​លើ​ឆ្អឹង​គ្រប់​កន្លែង​នៃ​រាង​កាយ ប៉ុន្តែ​ជំងឺ​នេះ​ជាទូទៅ​ច្រើន​កើត​នៅ​ត្រង់​ត្រគាក ឬ​ឆ្អឹង​វែង​នៅ​ដៃ ឬ​ជើង​។ ជំងឺ​មហារីក​ឆ្អឹង ជា​ជំងឺ​កម្រ មាន​ប្រហែល​ជា​មួយ​ភាគរយ​នៃ​ជំងឺ​មហារីក​ទាំ​ង​អស់​។ ជាក់ស្ដែង​ ដុំ​មិនមែន​មហារីក​នៅ​ឆ្អឹង កើត​មាន​ច្រើន​ និង​ញឹក​ញាប់​នៅ​ឆ្អឹង​​ជាង​ដុំ​មហារីក​​។ ពាក្យ​ថា​មហារីក​ឆ្អឹង មិន​សំ​ដៅ​ដល់​​មហារីក​ដែល​រាល​ដាល​ពី​កន្លែង​ផ្សេង​មក​ដល់​ឆ្អឹង​នោះ​ទេ​។ ជំងឺ​មហារីក​រាល​ដាល​ទាំង​នោះ​ត្រូវ​គេ​ឲ្យ​ឈ្មោះ​ទៅ​តាម​ទីតាំង​ដែល​វា​បាន​កើត​។ ប្រភេទ​មហារីក​ឆ្អឹង​ខ្លះ​ច្រើន​កើត​​នៅ​លើ​ក្មេងៗ និង​ខ្លះ​ទៀត​ច្រើន​កើត​លើ​មនុស្ស​ពេញ​វ័យ​។ ការ​វះ​កាត់​យក​ដុំ​មហារីក​ចេញ ជា​វិធី​ព្យាបាល​ជា​ទូទៅ​មួយ ប៉ុន្តែ​ការ​ព្យាបាល​ដោយ​គីមី និង​វិទ្យុសកម្ម ក៏​អា​ច​ត្រូវ​ប្រើ​ដែរ​ ដោយ​ផ្អែក​តាម​ការ​វាយ​តម្លៃ​របស់​គ្រូពេទ្យ​។​ ១. រោគ​សញ្ញា​ជំងឺ​មហារីក​ឆ្អឹង​ រោគ​សញ្ញា​មហារីក​ឆ្អឹង​មាន​ដូច​ជា​៖ ឈឺ​ឆ្អឹង ហើម និង​ឡើង​តឹង​ស្បែក​ជិត​កន្លែង​ឈឺ ឆ្អឹង​ខ្សោយ អាច​នឹង​ងាយ​បាក់ អស់​កម្លាំង​ល្ហិត​ល្ហៃ​ ​ស្រក​ទម្ងន់​ គ្នា​យើង​គួរ​តែ​គួរ​ទៅ​ជួប​ពេទ្យ ឬ​នាំ​កូន​ទៅ​ជួប​ពេទ្យ​បើ​មាន​ចេញ​រោគ​សញ្ញា​ឈឺចាប់​នៅ​ឆ្អឹង​ដូច​ជា៖ ឈឺ​បាត់​ៗ​ ឈឺ​កាន់​តែ​ខ្លាំង​នៅ​ពេល​យប់​ លេប​ថ្នាំ​បំបាត់​ការ​ឈឺចាប់​មិន​មាន​ប្រសិទ្ធ​ភាព ​២. មូល​ហេតុ​បង្ក​​ មូលហេតុ​បង្ក​ជំងឺ​មហារីក​ឆ្អឹង​ភាគ​ច្រើន​មិន​ដឹង​មូល​ហេតុ​នោះ​ទេ​។ ជំងឺ​មហារីក​ឆ្អឹង​មួយ​ភាគ​តូច​មាន​ទំនាក់​ទំនង​ទៅ​នឹង​តំណ​ពូជ និង​ខ្លះ​ទៀត​ទាក់​ទង​ទៅ​នឹង​ប្រវត្តិ​ប៉ះពាល់​នឹង​វិទ្យុ​សកម្ម​។ ជំងឺ​មហារីក​ឆ្អឹងosteosarcoma ជា​មហារីក​​ច្រើន​កើ​លើ​កុមារ និង​មនុស្ស​ពេញ​វ័យ​អាយុ​ក្រោម​២០​ឆ្នាំ​។ ចំណែក​ជំងឺ មហារីក​ឆ្អឹង​ប្រភេទ Ewing sarcoma ច្រើន​កើត​លើ​មនុស្ស​វ័យ​​ចន្លោះ​ពី​១០​ទៅ​២០​ឆ្នាំ​និង​​មហារីក​ឆ្អឹង​ប្រភេទchondrosarcoma វិញ​ច្រើន​កើត​លើ​មនុស្ស​មាន​វ័យ​លើស​ពី​៤០​ឆ្នាំ​។​ មនុស្ស​ក្មេង​​អាច​កើត​ជំងឺ​មហារីក​ឆ្អឹង​ ព្រោះ​តែ​ជា​វ័យ​កំពុង​លូត​លាស់​ខ្លាំង ពិសេស​ពេល​ដំណាក់​កាល​វ័យ​គ្រប់​ការ ដែល​អាច​ធ្វើ​ឲ្យ​មាន​ដុំ​លូត​លាស់​នៅ​ឆ្អឹង​។ ជំងឺ​មហារីក​ទាំង​បី​ខាង​លើ មាន​ផល​ប៉ះពាល់​លើ​កោសិកា​ផ្សេងៗ​គ្នា ហើយ​ការ​ព្យាបាល​នឹង​អាស្រ័យ​លើ​ប្រភេទ​នៃ​ជំងឺ​មហារីក​ឆ្អឹង​ដែល​អ្នក​ជំងឺ​កើត​មាន​។

x