មានមនុស្សមួយចំនួនឲ្យតែឭពាក្យថា ដក ឬដាក់ធ្មេញ ដូចមានអារម្មណ៍ខ្លាចៗ ព្រោះឃើញមានករណីធ្វើធ្មេញខ្លះ បង្កទៅជាប៉ះពាល់សុខភាព រហូតអាចបណ្ដាលឲ្យស្លាប់។ ដូចនេះហើយ ទើបមានគ្នាយើងខ្លះមិនសូវហ៊ានទៅធ្វើធ្មេញផ្ដេសផ្ដាសទេ ដោយសារខ្លាចឆ្លងជំងឺតេតាណូស។
ដាំបង្គោលធ្មេញក្នុងឆ្អឹង អាចកើតជាតេតាណូស ឬមហារីកទេ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បើតាមការចុះផ្សាយរបស់មន្ទីរពេទ្យ កាល់ម៉ែត បានឲ្យដឹងថា ការដាំបង្គោលធ្មេញក្នុងឆ្អឹងជាការជំនួសឫសធម្មជាតិ ដែលបានបាត់បង់មួយ ឬច្រើនសម្រាប់ទ្រធ្មេញសិប្បនិម្មិតមួយ ឬច្រើន ឬធ្មេញស្និត ហើយផ្ដល់តួនាទីនៃការទំពារ សោភ័ណភាព និងគុណភាពជីវិតបានប្រសើរ។
ដាំបង្គោលក្នុងធ្មេញអាចបណ្ដាលឲ្យយើងកើតជំងឺតេតាណូស ឬបង្កជាជំងឺមហារីកអត់?
ការដាំបង្គោលធ្មេញក្នុងឆ្អឹងត្រឹមត្រូវ តាមបច្ចេកទេស មិនអាចបណ្ដាលឲ្យមានជំងឺតេតាណុស ឬជំងឺមហារីកទេ ព្រោះបង្គោលធ្មេញដាំក្នុងឆ្អឹងផលិតពីលោហៈទីតាញ៉ូម (Titanium) ដែលអាចរស់នៅក្នុងខ្លួនមនុស្សយើងបាន។ ប៉ុន្តែមានបុគ្គលមួយចំនួនមិនអាចដាំបង្គោលធ្មេញបានទេ ប្រសិនបើអ្នកទាំងនោះជា៖
– អ្នកជំងឺជក់បារីច្រើន
– វ័យក្មេងពេក (អ្នកជំងឺកំពុងលូតលាស់)
- អ្នកជំងឺព្យាបាលដោយកាំរស្មីនៅតំបន់ក និងក្បាល
– អ្នកជំងឺព្យាបាលដោយថ្នាំ Bisphosphonate
– អ្នកជំងឺដែលមានកម្រាស់ឆ្អឹងស្ដើងពេក ប៉ុន្តែមានករណីជាច្រើន ពេទ្យអាចធ្វើការបន្ថែមឆ្អឹងបានដែលអាចជា ឆ្អឹងអ្នកជំងឺផ្ទាល់ ឬឆ្អឹងសិប្បនិម្មិត។ល។
ការដាំបង្គោលធ្មេញក្នុងឆ្អឹង អាចមានអាយុកាលប៉ុន្មាន?
តាមការសិក្សាបានបង្ហាញថា វាអាចស្ថិតនៅក្នុងឆ្អឹងថ្គាមរបស់យើងបានរហូត ប្រសិនបើយើងធ្វើតាមបច្ចេកទេសត្រឹមត្រូវ ការថែទាំ និងការប្រើប្រាស់របស់អ្នកជំងឺល្អ ហើយការតាមដានក្រោយពេលដាំរួចជាទៀងទាត់ជាមួយគ្រូពេទ្យធ្មេញ។ ជាទូទៅគ្នាយើងដែលអាចដាំបង្គោលធ្មេញក្នុងឆ្អឹងបាន លុះត្រាតែឆ្អឹងថ្គាមលែងលូតលាស់អាចចាប់ពីអាយុ ២០ ឆ្នាំឡើង។
មន្ទីរពេទ្យ កាល់ម៉ែត បានបញ្ជាក់ថា មុននឹងសម្រេចធ្វើការដាំបង្គោលធ្មេញក្នុងឆ្អឹង យើងគួរទៅពិគ្រោះជាមួយទន្តបណ្ឌិតឲ្យត្រឹមត្រូវ ដើម្បីធានបាននូវសុវត្ថិភាព និងប្រសិទ្ធិភាព សោភ័ណភាព និងគុណភាពនៃការទំពារប្រសើរឡើងក្នុងការរស់នៅរាល់ថ្ងៃ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម