២. មូលហេតុបង្ក
មូលហេតុបង្កជំងឺមហារីកឆ្អឹងភាគច្រើនមិនដឹងមូលហេតុនោះទេ។ ជំងឺមហារីកឆ្អឹងមួយភាគតូចមានទំនាក់ទំនងទៅនឹងតំណពូជ និងខ្លះទៀតទាក់ទងទៅនឹងប្រវត្តិប៉ះពាល់នឹងវិទ្យុសកម្ម។
ជំងឺមហារីកឆ្អឹងosteosarcoma ជាមហារីកច្រើនកើលើកុមារ និងមនុស្សពេញវ័យអាយុក្រោម២០ឆ្នាំ។ ចំណែកជំងឺ មហារីកឆ្អឹងប្រភេទ Ewing sarcoma ច្រើនកើតលើមនុស្សវ័យចន្លោះពី១០ទៅ២០ឆ្នាំនិងមហារីកឆ្អឹងប្រភេទchondrosarcoma វិញច្រើនកើតលើមនុស្សមានវ័យលើសពី៤០ឆ្នាំ។
មនុស្សក្មេងអាចកើតជំងឺមហារីកឆ្អឹង ព្រោះតែជាវ័យកំពុងលូតលាស់ខ្លាំង ពិសេសពេលដំណាក់កាលវ័យគ្រប់ការ ដែលអាចធ្វើឲ្យមានដុំលូតលាស់នៅឆ្អឹង។ ជំងឺមហារីកទាំងបីខាងលើ មានផលប៉ះពាល់លើកោសិកាផ្សេងៗគ្នា ហើយការព្យាបាលនឹងអាស្រ័យលើប្រភេទនៃជំងឺមហារីកឆ្អឹងដែលអ្នកជំងឺកើតមាន។