ស្បែករបស់យើងគ្រប់គ្នាប្រៀបបានដូចជាបង្អួច ដែលអាចធ្វើឲ្យសុខភាពរបស់យើងប្រែក្លាយទៅជាមានជំងឺ ប្រសិនបើស្បែករបស់យើងមានការប្រែប្រួល។ បញ្ហារមាស់ស្បែកអាចជាសញ្ហាមួយបង្ហាញអំពីបញ្ហាសុខភាពមួយចំនួន មានដូចជាជំងឺថ្លើមជាដើម។ ជាការពិតទៅបម្រែបម្រួលនៃស្បែក គឺជាសញ្ញាដំបូងរបស់ជំងឺថ្លើមសម្រាប់អ្នកជំងឺ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
បើចេះតែរមាស់ស្បែកមិនដឹងមូលហេតុ អាចបណ្ដាលមកពីជំងឺមួយប្រភេទនេះ
រមាស់ស្បែកគឺជាសញ្ញាកើតឡើងច្រើនជាងគេ ហើយវាក៏ជារោគសញ្ញាគួរឲ្យធុញទ្រាន់ជាងគេសម្រាប់ជំងឺថ្លើមប្រម៉ាត់នេះផងដែរ។ វាអាចកើតឡើងឆាប់បាត់ទៅវិញ និងអាចមានសញ្ញាតិចតួច ឬអាចកើតឡើងរហូត និងមានលក្ខណៈធ្ងន់ធ្ងរ។ មូលហេតុដែលធ្វើឲ្យរមាស់ពេញដងខ្លួនលើអ្នកជំងឺថ្លើម គឺមិនទាន់មានការបកស្រាយឲ្យច្បាស់លាស់នៅឡើយទេ ក្រៅពីការបកស្រាយដែលទាក់ទងទៅនឹងការស្ទះលំហូរនៃទឹកប្រំម៉ាត់។
អត្ថបទពាក់ព័ន្ធ៖
ក្រៅពីនេះគេក៏ជឿដែរថាបញ្ហារមាស់លើស្បែក ក៏បណ្ដាលមកពីបញ្ហាលំហូរនៃទឹកប្រម៉ាត់ថយចុះ (cholestasis) ដែលធ្វើឲ្យទឹកប្រម៉ាត់ក្នុងចរន្ដឈាមកើនឡើង ដោយសារតែប្រព័ន្ធបង្ហូររបស់វាស្ទះ។ ទឹកប្រម៉ាត់ត្រូវបានផលិតឡើងក្នុងសាច់ថ្លើម ហើយវាចេញពីក្នុងថ្លើមតាមរយៈប្រព័ន្ធទឹកប្រម៉ាត់ដែលរត់កាត់លំពែង និងទៅបញ្ចេញចោលក្នុងពោះវៀនតូចរបស់យើង។ វាជួយសម្អាតកាកសំណល់ផលិតចេញពីថ្លើម និងជួយឲ្យពោះវៀនស្រូបអាហារជាតិខ្លាញ់បានល្អ។
ថ្លើមបន្សាបជាតិពុល និងច្រោះជាតិប្រៃចេញពីក្នុងទឹកប្រម៉ាត់។ ប្រសិនបើមុខងារទាំងនេះធ្វើការមិនបានល្អ វានឹងធ្វើឲ្យចាល់ជាតិអំបិលក្នុងទឹកប្រម៉ាត់ ជាតិអាស៊ីដក្នុងទឹកប្រម៉ាត់ និងមានជាតិប៊ីលីរ៉ុយប៊ីនកើតឡើង។ គេជឿថាវត្តមាននៃសារធាតុទាំងអស់នោះ គឺជាមូលហេតុធ្វើឲ្យស្បែកឡើងរមាស់ និងក្រហាយ។ មានការស្រាវជ្រាវកំពុងធ្វើឡើងដើម្បីសិក្សាបន្ថែមអំពីសារធាតុគីមីជាក់លាក់ ដែលបង្កឲ្យស្បែករមាស់ទាក់ទងជាមួយទឹកប្រម៉ាត់ ដែលលទ្ធផលរបស់ការសិក្សានោះ អាចធ្វើឲ្យយើងរកមធ្យោបាយព្យាបាលបញ្ហារមាស់នេះបាន។
១- លក្ខណៈនៃបញ្ហារមាស់លើអ្នកមានជំងឺថ្លើម
រមាស់ច្រើនកន្លែង ឬរមាស់ពេញដងខ្លួនបណ្ដាលមកពីជំងឺថ្លើម អាចកើតឡើងមុខសញ្ញា ឬរោគសញ្ញាផ្សេងទៀតនៃការវិវត្ដន៍របស់បញ្ហាចាល់ទឹកប្រម៉ាត់។ រមាស់ស្បែកក្នុងបញ្ហាចាល់ទឹកប្រម៉ាត់មានលក្ខណៈប្លែកខុសពីគេ។ វាភាគច្រើនរមាស់ខ្លាំងតាមអវយវៈ ជាពិសេសគឺនៅលើបាតដៃ និងបាតជើង។ វារមាស់កាន់តែខ្លាំងនៅពេលល្ងាចជិតយប់ និងនៅពេលយប់ ដែលវានឹងរំខានដល់ដំណេករបស់យើង។ វាច្រើនកើតឡើងកាន់តែខ្លាំងពេលអ្នកមករដូវ អ្នកព្យាបាលប្រើវិធីចាក់អ័រម៉ូន មានផ្ទៃពោះក្នុងសប្ដាហ៍ដំបូងៗ ពេលប៉ះជាមួយរោមចៀម និងប៉ះជាមួយកម្ដៅ ដូចជាងូតទឹកក្ដៅជាដើម។
វាមិនបាត់ទៅវិញនៅពេលយើងអេះ ហើយវាភាគច្រើនក៏មិនមានសញ្ញាលេចឡើងលើស្បែក ក្រៅពីស្នាមអេះរបស់យើងនោះទេ។ មានពេលខ្លះវាអាចឡើងពង ឬពកលើស្បែក ដែលអាចធ្វើឲ្យយើងច្រឡំវាជាមួយជំងឺស្បែកធម្មតា។
អត្ថបទពាក់ព័ន្ធ៖ ខែត្រជាក់ ស្បែកឡើងស្ងួត! នេះមូលហេតុបង្ក និងវិធីដោះស្រាយ
២- គ្រប់គ្រងបញ្ហារមាស់បណ្ដាលមកពីបញ្ហាថ្លើម
រមាស់ស្បែកបណ្ដាលមកពីបញ្ហាថ្លើម គឺអាចបាត់ទៅវិញបន្ទាប់ពីយើងដោះស្រាយបញ្ហាស្ទះចរន្ដលំហូររបស់ទឹកប្រម៉ាត់រួច។ ប្រសិនបើយើងមិនអាចព្យាបាលមូលហេតុរបស់វាបានទេនោះ យើងអាចប្រើថ្នាំមួយចំនួនដូចជាថ្នាំ Cholestyramine និង ថ្នាំ Rifampicin ដែលថ្នាំទាំងពីរមុខនេះអាចជួយបំបាត់បញ្ហារមាស់បាន។ Cholestyramine ធ្វើការជាអ្នកទៅចាប់ជាតិអំបិលក្នុងទឹកប្រម៉ាត់នៅក្នុងពោះវៀន ដូចនេះវានឹងអាចច្រោះចោលបានល្អជាជាងស្រូបយកវាចូលទៅក្នុងចរន្ដឈាមវិញ។ Rifampicin គឺជាថ្នាំផ្សះ ដែលវានឹងធ្វើឲ្យថ្លើមរបស់យើងបង្កើនចលនាមេកានីនរបស់ទឹកប្រម៉ាត់ និងសារធាតុគីមីជាច្រើនផ្សេងទៀត។
រមាស់ស្បែកបណ្ដាលមកពីបញ្ហាថ្លើមភាគច្រើន គឺវាមិនសូវឆ្លើយតបជាមួយការព្យាបាលទេ ដែលវានឹងធ្វើឲ្យប៉ះពាល់ដល់ការរស់នៅប្រចាំថ្ងៃរបស់អ្នកជំងឺ ដូចជារំខានដល់ដំណេក រំខានសកម្មភាពប្រចាំថ្ងៃ និងធ្វើឲ្យប៉ះពាល់ដល់ទំនាក់ទំនងផ្ទាល់ខ្លួនរបស់អ្នកជំងឺទៀតផង។ វាក៏អាចធ្វើឲ្យអ្នកជំងឺវិវត្ដទៅរកជំងឺបាក់ទឹកចិត្ដ និងអាចឈានដល់ការធ្វើអត្តឃាតផងក៏មាន។ ក្នុងករណីកម្រខ្លះ បញ្ហារមាស់លើអ្នកជំងឺថ្លើមឈឺរ៉ាំរ៉ៃដែលមិនអាចគ្រប់គ្រងបាន គឺអាចជាសញ្ហាមួយឈានទៅរកការប្ដូរថ្លើមរបស់អ្នកជំងឺ ទោះបីជាថ្លើមរបស់គាត់មិនទាន់ខូតខាតទាំងស្រុងហើយក្ដី។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Recognizing and treating cutaneous signs of liver disease [Internet]. [cited 2018 Dec 18]. Available from: https://www.mdedge.com/ccjm/article/95017/gastroenterology/recognizing-and-treating-cutaneous-signs-liver-disease
Koulaouzidis A, Bhat S, Moschos J. Skin manifestations of liver diseases. Ann Hepatol. 2007 Sep;6(3):181–4.
https://www.livestrong.com/article/401667-itchy-skin-liver-problems/
Hegade VS, Kendrick SF, Rehman J, Jones DE. Itch and liver: management in primary care. Br J Gen Pract. 2015 Jun;65(635):e418–20.
Bhalerao A, Mannu GS. Management of Pruritus in Chronic Liver Disease [Internet]. Dermatology Research and Practice. 2015 [cited 2018 Dec 19]. Available from: https://www.hindawi.com/journals/drp/2015/295891/
Share