ជំងឺមហារីកមាត់ស្បូន គឺជាជំងឺទី១ដែលស្រ្តីកម្ពុជាប្រឈមមុខ ក្រៅពីជំងឺស្រ្តីដទៃទៀត។ លោកវេជបណ្ឌិត អ៊ាវ សុខា វេជ្ជបណ្ឌិតជំនាញផ្នែកជំងឺមហារីក និងឈាមបានឲ្យដឹងថា ទោះបីមហារីកស្បូន ជាជំងឺដែលស្រ្តីប្រឈមជាមួយខ្លាំង តែមិនបាច់បារម្ភពេកទេ ព្រោះស្រ្តីអាចការពារទប់ស្កាត់ជំងឺមហារីកមាត់ស្បូនបានដោយការចាក់វ៉ាក់សាំង និងការពិនិត្យកោសិកាមាត់ស្បូន។
បន្ថែមពីលើការចាក់វ៉ាក់សាំង មានវិធីអីទៀតការពារជំងឺមហារីកមាត់ស្បូន?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ការចាក់វ៉ាក់សាំង
ការចាក់វ៉ាក់សាំងការពារជំងឺមហារីកមាត់ស្បូន គឺអាចចាក់លើកុមារីចាប់ពីអាយុ៩ឆ្នាំឡើងទៅ និងមានសុខភាពល្អ។ វ៉ាក់សាំងនេះចាក់បានតែ៣ដងប៉ុណ្ណោះ ថ្ងៃ០ (ថ្ងៃចាក់លើកដំបូង) ខែទី១ និងខែទី៦។ វ៉ាក់សាំងសម្រាប់ប្រឆាំងនឹងជំងឺមហារីកមាត់ស្បូន មាន២ប្រភេទ គឺមួយប្រភេទផលិតនៅអឺរ៉ុប និងមួយប្រភេទទៀតផលិតនៅសហរដ្ឋអាមេរិក ដែលមានសមត្ថភាពខ្ពស់ក្នុងការការពារជំងឺមហារីកមាត់ស្បូនបានដូចគ្នា ហើយកម្ពុជាគឺមានវ៉ាក់សាំងទាំង២ប្រភេទនេះ។
ទោះបីវ៉ាក់សាំងទាំង២ប្រភេទនេះមានប្រសិទ្ធភាពខ្ពស់ដូចគ្នាក៏ដោយ លោកវេជ្ជបណ្ឌិតបានបញ្ជាក់ថា យើងមិនអាចចាក់វ៉ាក់សាំងទាំងពីរនេះលាយគ្នាបានទេ ព្រោះវាគ្មានការសិក្សាវិទ្យាសាស្រ្តណាបញ្ចាក់លម្អិតថាតើអាចប្រើវ៉ាក់សាំងទាំងពីរនេះលាយគ្នាបាននៅឡើយទេ។ លោកវេជ្ជបណ្ឌិតថា ការចាក់វ៉ាក់សាំងការពារតែមួយមុខមិនគ្រប់គ្រាន់ទេ នៅមានវិធីមួយទៀតដែលគួរធ្វើ គឺការពិនិត្យកោសិកាមាត់ស្បូន។
អត្ថបទពាក់ព័ន្ធ៖
ស្រ្តីណាដែលធ្លាប់ឆ្លងកាត់ការរួមភេទលើកទីមួយហើយ ស្រី្តនោះត្រូវពិនិត្យកោសិកាមាត់ស្បូនក្នុងមួយឆ្នាំ/ម្តង សម្រាប់ស្រ្តីអាយុចាប់៤៥ឆ្នាំឡើង និងសម្រាប់ស្រ្តីដែលមានវ័យនៅក្មេង គឺ២ឆ្នាំ/ម្តង ធ្វើបែបនេះរហូតដល់វ័យ៧០ឆ្នាំ។ ការពិនិត្យកោសិកាមាត់ស្បូននេះ គឺដើម្បីពិនិត្យរកមើលកោសិកាណាដែលប្រែប្រួល អាចវិវត្តទៅជាមហារីកបាន និងដើម្បីព្យាបាលទប់ស្កាត់មុនពេលវាកាន់តែធ្ងន់ធ្ងរ ទោះបីមិនឈឺ ឬមិនមានចេញរោគសញ្ញាអ្វីក៏ដោយ។
លោកវេជ្ជបណ្ឌិត អ៊ាវ សុខា បានឲ្យយោបល់ដល់ស្រ្តីគ្រប់រូបថា គួរចាក់វ៉ាក់សាំងការពារជំងឺមហារីកស្បូនឲ្យបានគ្រប់រូប និងតាមដានសុខភាពមាត់ស្បូនឲ្យបានទៀងទាត់ដើម្បីជៀសផុតពីជំងឺមហារីកមាត់ស្បូនដ៏កាចសាហាវនេះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម