ជំងឺមហារីកមាត់ស្បូនបង្កឡើងដោយមេរោគ HPV ដែលបច្ចុប្បន្ននៅលើពិភពលោកមានវ៉ាក់សាំងប្រឆាំងជំងឺមហារីកមាត់ស្បូន២ប្រភេទ គឺវ៉ាក់សាំងរបស់អាមេរិក និងអឺរ៉ុប ដែលទាំង២មុខនេះមានប្រសិទ្ធភាពដូចគ្នា។ នេះជាការលើកឡើងរបស់លោកសាស្ត្រាចារ្យវេជ្ជបណ្ឌិត អ៊ាវ សុខា។

តើត្រូវចាក់វ៉ាក់សាំងមហារីកមាត់ស្បូននៅពេលណា?

វេជ្ជបណ្ឌិតឯកទេសជំងឺមហារីក និងឈាម រូបនេះឆ្លើយថា ក្មេងស្រីអាយុចាប់ពី ៩ ឆ្នាំឡើងទៅ អាចចាក់វ៉ាក់សាំងការពារជំងឺមហារីកមាត់ស្បូនបានហើយ ដោយត្រូវចាក់ចំនួន ៣ ដង។

លើកទី១៖ ពេលចាក់ដំបូង

លើកទី២៖ ១ ខែក្រោយចាក់លើកទី ២

លើកទី៣៖ ៦ ខែក្រោយចាក់លើកទី ៣

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

ចាក់វ៉ាក់សាំងមហារីកមាត់ស្បូនហើយ តើយើងត្រូវធ្វើម៉េចទៀត?

ការចាក់វ៉ាក់សាំងតែមួយមុខមិនអាចការពារជំងឺមហារីកមាត់ស្បូនបាន ១០០% ឬពេញមួយជីវិតនោះទេ។ លោកវេជ្ជបណ្ឌិតពន្យល់ថា កាលណាស្ត្រីឆ្លងកាត់ការរួមភេទលើកទី១ ១ឆ្នាំក្រោយត្រូវតែពិនិត្យកោសិកាមាត់ស្បូន ហើយបើយើងអាយុនៅក្មេង ២ឆ្នាំត្រូវពិនិត្យកោសិកាមាត់ស្បូនម្តង រហូតអាយុ ៤៥ឆ្នាំឡើង ត្រូវពិនិត្យកោសិកាមាត់ស្បូនរកជំងឺមហារីកមាត់ស្បូន ១ឆ្នាំ/ម្តង រហូតដល់អាយុ ៧០ឆ្នាំ។

នៅពេលអាយុ ៧០ឆ្នាំហើយ បើការពិនិត្យកោសិកាមាត់ស្បូនមិនរកឃើញមេរោគ HVP នោះមានន័យថា ១ជីវិតនេះ ស្ត្រីមិនប្រឈមនឹងជំងឺមហារីកមាត់ស្បូនទេ។

វ៉ាក់សាំង

ចុះស្ត្រីឆ្លងកាត់ការរួមភេទហើយ អាចចាក់វ៉ាក់សាំងមហារីកមាត់ស្បូនបានអត់? មានប្រសិទ្ធភាពកម្រិតណា?

ចម្លើយ អាចចាក់បាន តែស្ត្រីត្រូវពិនិត្យកោសិកាមាត់ស្បូន និងទឹករម្អិលនៅក្នុងទ្វារមាសជាមុនសិន បើលទ្ធផលមិនមានមេរោគ HPV ឯកោសិកាមាត់ស្បូនមិនមានកោសិកាមហារីក នោះទើបអាចចាក់វ៉ាក់សាំងការពារជំងឺមហារីកមាត់ស្បូនបាន ឯប្រសិទ្ធភាពបានត្រឹម ៧០% ប៉ុណ្ណោះ។

អត្ថបទគួរអាន៖

វ៉ាក់សាំងមហារីកមាត់ស្បូន ក្មេងស្រីអាយុប៉ុន្មានអាចចាក់បាន? ហើយចាក់ប៉ុន្មានដង?

តើ​ត្រូវ​ចាក់​វ៉ាក់​សាំង​មហារីក​មាត់​ស្បូន​នៅ​ពេល​ណា?

ចាក់​វ៉ាក់សាំង​មហារីក​មាត់​ស្បូន​ហើយ តើ​យើង​ត្រូវ​ធ្វើ​ម៉េច​ទៀត?

តើត្រូវចាក់វ៉ាក់សាំងមហារីកមាត់ស្បូននៅពេលណា?

ចាក់វ៉ាក់សាំងមហារីកមាត់ស្បូនហើយ តើយើងត្រូវធ្វើម៉េចទៀត?