តួនាទីជាម៉ាក់ម្នាក់ មិនងាយស្រួលទេ បារម្ភពីកូនស្ទើរគ្រប់ជំហាន តាំងពីកូនទើបកើត រហូតកូនធំ នៅតែបារម្ភ! ចំពោះស្រីៗកើតជំងឺនេះ ក៏អាចរស់នៅទាំងសប្បាយចិត្ត ហើយទោះខំលាក់យ៉ាងណា ថ្ងៃណាមួយ កូនយើងគង់តែដឹង។ នេះជាវិធីខ្លះៗ ជួយស្រីៗ មានជំងឺមហារីកសុដន់ អាចនិយាយរឿងនេះប្រាប់កូនៗ កុំឲ្យប៉ះពាល់អារម្មណ៍កូនទៅថ្ងៃមុខ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
កើតមហារីកសុដន់ គួរប្រាប់កូនៗដោយវិធីណា?
១- គួរប្រាប់កូនអ្វីខ្លះ?
អ្វីយើងគួរតែប្រាប់ គឺអាស្រ័យទៅតាមអាយុកូនយើង។ បើកូនអាយុក្រោម ៨ឆ្នាំ យើងក៏មិនចាំបាច់ប្រាប់ច្រើនទេ តែបើកូនយើងអាយុច្រើនជាងនេះ គួរតែប្រាប់ឲ្យលម្អិតបន្តិច ហើយពត៌មានទូទៅកូនៗគួរតែដឹង មានដូចជា៖
– រោគវិនិច្ឆ័យ មហារីកដុសន់
– ការរាលដាលរបស់ជំងឺ ទៅផ្នែកផ្សេងៗ
– ដំណើរការព្យាបាលជំងឺ
– ផលប៉ះពាល់របស់ជំងឺ ទៅលើសុខភាព និងជីវិតយើង។
ស្រីៗយល់ល្អ គួររៀបពាក្យពេចន៍ និយាយជាមួយកូនៗជាមុន ដើម្បីឲ្យស្រួលយល់ ផ្តល់ឱកាសឲ្យកូន បានសួរនាំយើង និងឧស្សាហ៍និយាយលួងលោមកូនយើងផង។
ចំណុចចម្បងគួរនិយាយប្រាប់កូនម្តងហើយម្តងទៀតពី មហារីកសុដន់ យើងកំពុងមាន គឺដោយសារ៖
– កូនយើង នឹងគិតថា ខ្លួនអាចជាមូលហេតុធ្វើឲ្យម៉ាក់មានជំងឺ អាចស្តីបន្ទោសខ្លួនឯង ដូចនេះត្រូវតែបញ្ជាក់ប្រាប់កូនៗ ថាគ្មាននរណាម្នាក់ជាមូលហេតុនាំឲ្យយើងមានជំងឺនេះទេ។
– ប្រាប់កូនថា ជំងឺនេះមិនមែនជាជំងឺឆ្លង ដូចជំងឺផ្តាសាយទេ ក៏ពុំចាំបាច់ភ័យខ្លាចដែរ។
– ដើម្បីយកឈ្នះជំងឺនេះ ប្រៀបបាននឹងការធ្វើសង្គ្រាម ហើយសមាជិកគ្រួសារទាំងអស់ ត្រូវតែរួមគ្នាប្រយុទ្ធទាំងអស់គ្នា។
– យើងនៅតែស្រលាញ់កូនជារៀងរហូត ទោះបីជារវល់ព្យាបាល គ្មានពេលគ្រប់គ្រាន់ថែទាំ ឬនៅក្បែរកូនៗក៏ដោយ។
២- គួរឆ្លើយម៉េចពេលកូនសួរថាយើងអាចស្លាប់អត់?
សំណួរនេះ អាចនឹងពិបាកឆ្លើយបន្តិច ហេតុនេះស្រីៗ គួរតែត្រៀមចម្លើយទុកជាមុន ហើយខាងក្រោមនេះ ជាចម្លើយអាចយកទៅប្រើការបាន៖
– បើមហារីកអាចព្យាបាលបាន នោះយើងអាចប្រាប់កូនៗថា “គ្រូពេទ្យប្រាប់ម៉ាក់ថា ជំងឺនេះមានការព្យាបាលល្អៗជាច្រើន ហើយភាគច្រើនអាចព្យាបាលបានជោគជ័យ”។
– បើមហារីកបានរាលដាលទៅផ្នែកផ្សេងៗ យើងក៏អាចប្រាប់កូនៗថា “ជំងឺម៉ាក់ ពិបាកព្យាបាលបន្តិច តែកុំភ័យអី ព្រោះគ្មាននរណាអាចដឹងអ្វីកើតឡើងទេនៅថ្ងៃមុខទេ។ គ្រួសារយើង អាចចាប់ដៃគ្នាឆ្លងកាត់ឧបសគ្គនេះទាំងអស់គ្នាបាន”។
អត្ថបទពាក់ព័ន្ធ៖
- សំណួរដែលស្រីៗកើតមហារីកដោះចង់ដឹងបំផុត
- កត្តាសំខាន់ទាំងបីនេះ ជាមូលហេតុធ្វើឲ្យកើតមហារីកសុដន់ ពិតមែន?
៣- វិធីប្រើពាក្យនៅពេលប្រាប់ទៅកូនៗ
ទោះបីជាមានការពិបាក យ៉ាងណាយើងត្រូវចាំថា៖
– គិតស្រួលៗបន្តិច
– និយាយការពិត
– រើសទីកន្លែង និងពេលវេលាឲ្យសមរម្យ
– និយាយឲ្យច្បាស់ៗ
– គិតពីផលវិជ្ជមាន។
ពេលដឹងថាយើងមាន មហារីកដុសន់ កូនៗអាចនឹងពិបាកចិត្ត ហេតុនេះវិធីពន្យល់កូនៗឲ្យយល់ច្បាស់ជំងឺនេះ គឺសំខាន់ណាស់ ជួយកុំឲ្យកូនបាកទឹកចិត្តបាន។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
How should children be told that a parent has cancer?. http://www.cancer.org/treatment/childrenandcancer/helpingchildrenwhenafamilymemberhascancer/dealingwithdiagnosis/dealing-with-diagnosis-how-to-tell-children. Accessed January 1, 2017.
What if my child asks if I’m going to die?. http://www.cancer.org/treatment/childrenandcancer/helpingchildrenwhenafamilymemberhascancer/dealingwithdiagnosis/dealing-with-diagnosis-asks-going-to-die. Accessed January 1, 2017.
Talking to your kids about cancer. http://www.nhs.uk/livewell/cancer/pages/talkingtokidsaboutcancer.aspx. Accessed January 1, 2017.
How to Talk to a Child About Cancer. http://blogs.webmd.com/cancer/2016/05/how-to-talk-to-a-child-about-cancer.html. Accessed January 1, 2017.