គ្រូពេទ្យបែងចែកច្បាស់ពីភាពខុសគ្នារវាងអាលែកហ្ស៊ីនិងផ្ដាសាយ

តើ​ភាពខុសគ្នារវាងអាលែកហ្ស៊ីនិងផ្ដាសាយមានអ្វីខ្លះគួរឲ្យកត់សម្គាល់ដែលយើងអាច​ដឹងថារោគសញ្ញាណា ជាជំងឺផ្ដាសាយ រោគសញ្ញាណាជារបស់​ជំងឺអាលែកហ្ស៊ី? ស្រាយចម្ងល់​និង​ចំណុច​ដែល​អ្នកជំងឺ​ឧស្សាហ៍យល់ច្រឡំ​ចំពោះ​ចំណុចស្រដែងគ្នាដូចជា​​កណ្ដាស់ ឬ​រមាស់​ច្រមុះ ​វេជ្ជបណ្ឌិត ហ៊ាង រតនាបញ្ជាក់​ថា សូម​កុំ​គិត​ថា​នោះ​ជា​អាការៈ​ផ្ដាសាយ​ឲ្យ​សោះ តែវា​​ក៏អាចជា​អាការៈ​​អាលែកហ្ស៊ី​។

លោក​ពន្យល់បន្ថែម​​ទៀត​ថា អាលែកហ្ស៊ី និង​ផ្ដាសាយ​ខុស​គ្នា​ស្រឡះ ដោយ​ផ្ដាសាយ​គឺ​បង្ក​ឡើង​ដោយ​មេរោគ ហើយ​អាលែកហ្ស៊ី​បង្ក​ឡើង​ដោយ​អាលែកជែន។

អាលែកជែន​បែង​ចែក​ជា ៣ អាច​មកពីចំណីអាហារ អាកាសធាតុ និង​របស់របរ​ប្រើប្រាស់ ឬ​អាច​ជា​ធូលី​ លម្អង​ផ្កា។ អាលែកហ្ស៊ី​ធ្វើឲ្យ​រលាក​ច្រមុះ ដោយ​មាន​អាការៈ​កណ្ដាស់ ឬ​រមាស់​ច្រមុះ​ចង់​កណ្ដាស់​រហូត​នោះ ហៅថា​អាលែកជីណេទិច។

វេជ្ជបណ្ឌិត​ជំនាញ​ជំងឺ​ទូទៅ និង​កុមារ​រូប​នោះ​បាន​បន្ថែម​ទៀត​ថា មូលហេតុ​អាច​មកពី​រោម​ច្រមុះ​តិច មាន​ដុះ​សាច់​ក្នុង​ច្រមុះ និង​រលាក​ច្រមុះ​រ៉ាំរ៉ៃ ធ្វើឲ្យ​ងាយ​កណ្ដាស់ ពេល​បរិយាកាស​ហុយ ឬ​កម្ទេចកំទី​ប៉ើង​ចូល។

ភាពខុសគ្នារវាងអាលែកហ្ស៊ីនិងផ្ដាសាយ

អាលែកហ្ស៊ី

– មិន​ក្ដៅ​ខ្លួន

– សម្បោរ​ថ្លា

– មិន​ឈឺ​ក្បាល

– មិន​ឈឺ​សាច់ដុំ

– រមាស់​ភ្នែក ច្រមុះ

– អាច​តឹង​ច្រមុះ

– អាលែកហ្ស៊ី​អាច​មាន​អាការៈ​ក្ដៅខ្លួន​ដែរ នៅ​ពេល​ធ្វើឲ្យ​រលាក ហើយ​រលាក​យូរ​ៗ​ទៅ​មេរោគ​ចូល

ស្វែងយល់បន្ថែម

• អាលែកហ្ស៊ីកាន់តែធ្ងន់ធ្ងរនៅពេលយប់ អាចមកពីកត្តាទាំងនេះ
• អាលែកហ្ស៊ីអាចកាន់តែធ្ងន់ធ្ងរនៅរដូវភ្លៀង ដោះស្រាយបែបណា?
• ធ្វើម៉េចដឹងថាកំពុងឈឺភ្នែក ឬភ្នែកមានអាលែកហ្ស៊ី?
• អាហារទាំងនេះ អាចជួយបន្ថយរោគសញ្ញាអាលែកហ្ស៊ី
• អាលែកហ្ស៊ីនឹងថ្នាំពេទ្យ ធ្លាប់ជួបអត់? រោគសញ្ញាម៉េចខ្លះ?

អាលែកហ្ស៊ី​អាច​ព្យាបាល​ជា តែ​មិន​ជា​ដាច់​ឡើយ ប្រសិនបើ​យើង​អាច​ដឹង​ទាន់​ពេលវេលា និង​ព្យាបាល​ត្រឹមត្រូវ មិន​បង្ក​ឲ្យ​ស្ថានភាព​ធ្ងន់ធ្ងរ​ឡើយ។

ផ្ដាសាយ

– ក្ដៅ​ខ្លួន

– សម្បោរ​ខាប់

– ឈឺ​ក្បាល

– ឈឺ​សាច់​ដុំ

– តឹង​ច្រមុះ​ខ្លាំង

ស្វែងយល់បន្ថែម

• តិចនិកការពារខ្លួន កុំឲ្យជំងឺ​ផ្ដាសាយចេះតែមកយាយី
• មិនចង់ឲ្យផ្តាសាយធំយាយី ឬឆាប់ជា ត្រូវដឹងពីចំណុចសំខាន់ទាំងនេះ!
• កត់ចំណាំទុក!​ ពណ៌សម្បោរអាចប្រាប់ពីភាពធ្ងន់ធ្ងរនៃសុខភាពយើង
• ផ្តាសាយ ដាច់ខាត​កុំ​ប្រើ​ថ្នាំ​ផ្សះ​ឲ្យ​សោះ
• កើតជំងឺផ្ដាសាយ ពេលណាត្រូវទៅជួបពេទ្យ?