ការប៉ោងសរសៃជើងពេលពពោះ (សរសៃវ៉ែននៅជើង) កើតឡើងដោយសារបំរែបំរួលរាងកាយ និងដោយសារទម្ងន់គភ៌ដែលបានបន្ថែមសម្ពាធដល់ជើងរបស់ម៉ាក់ៗ។ តើមានវិធីសាស្រ្តអ្វីខ្លះអាចជួយម៉ាក់ៗកាត់បន្ថយកុំឱ្យមានបញ្ហានេះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការប៉ោងសរសៃជើងពេលពពោះ (សរសៃវ៉ែននៅជើង) កើតឡើងដោយសារបំរែបំរួលរាងកាយ និងដោយសារទម្ងន់គភ៌ដែលបានបន្ថែមសម្ពាធដល់ជើងរបស់ម៉ាក់ៗ។ តើមានវិធីសាស្រ្តអ្វីខ្លះអាចជួយម៉ាក់ៗកាត់បន្ថយកុំឱ្យមានបញ្ហានេះ?
នៅពេលម៉ាក់ៗពពោះ រាងកាយនឹងផលិតឈាមក៏ដូចជាសារធាតុរាវបន្ថែមដើម្បីទ្រទ្រង់គភ៌។ ទន្ទឹមនឹងនេះ ទម្ងន់របស់គភ៌ដែលលូតលាស់ជារៀងរាល់ថ្ងៃក៏ផ្តល់សម្ពាធដល់សរសៃវ៉ែន ដែលមាននាទីដឹកនាំឈាមពីជើងទៅកាន់បេះដូងវិញដែរ។
តក្តាទាំងនេះអាចបណ្តាលឱ្យម៉ាក់ៗរួយស្រពន់ ហើមជើង និងប៉ោងសរសៃជើង។ ជាធម្មតាម៉ាក់ៗដែលពពោះប្រហែល ៧៥% អាចមានអាការៈទាំងនេះនៅសប្តាហ៍ទី២៧ រហូតដល់ពេលសម្រាល។
ម៉ាក់ៗអាចសាកល្បងកាត់បន្ថយការប៉ោងសរសៃជើងពេលពពោះតាមវិធីសាស្រ្តដូចខាងក្រោម៖
ពេលអង្គុយយូរ ម៉ាក់អាចព្យាយាមងើបដើរបន្តិច។ បើម៉ាក់ៗឈរយូរ ម៉ាក់ៗអាចប្តូរឥរិយាបថមកអង្គុយវិញ។
ម៉ាក់ៗអាចពាក់ស្បែកជើងកែងទាប ឬស្បែកជើងរាបដើម្បីឱ្យសាច់ដុំកំភួនជើងមានចលនា និងជំរុញរំហូរឈាម។
ម៉ាក់ៗអាចដើរ ធ្វើលំហាត់ប្រាណបែបស្រាលៗ ឬហាត់យ៉ូហ្កា ដើម្បីឱ្យចរន្តឈាមរត់បានល្អ និងកុំឱ្យឡើងទម្ងន់ខ្លាំងពេក។
ចង់គណនាទម្ងន់ស្រ្តីពពោះ ចុចទីនេះ!
ការពាក់ស្រោមជើងវែង (ជិតដល់ជង្គង់) អាចជួយម៉ាក់ៗកាត់បន្ថយសម្ពាធនៅជើង ដោយបន្ថែមសម្ពាធលើប្រអប់ជើង និងកជើង។ មានន័យថាការពាក់ស្រោមជើងវែងអាចជួយសម្រួលដល់រំហូរឈាម ដោយជួយជម្រុញឱ្យឈាមហូរត្រឡប់ពីជើងទៅបេះដូងវិញ។
ម៉ាក់ៗចៀសវាងពាក់ស្រោមជើងវែងដែលរឹបពេក។ ម្យ៉ាងវិញទៀត ម៉ាក់ៗមិនចាំបាច់ពាក់ស្រោមជើងវែងពេលគេងទេ ដោយសារនៅពេលគេងប្រអប់ជើង និងជើងរបស់ម៉ាក់ៗស្ថិតក្នុងកម្រិតស្មើគ្នា ហើយទំនាញផែនដីមិនមានឥទ្ធិពលដល់ចរន្តឈាមរបស់ម៉ាក់ៗទេ។
ការអង្គុយគងអន្ទាក់ខ្លាអាចធ្វើឱ្យចរន្តឈាមនៅជើងរត់មិនបានល្អ។
ពេលអង្គុយ ម៉ាក់ៗគួរដាក់ជើងលើកៅអីទាបៗ។ ពេលគេង ម៉ាក់ៗគួរកល់ជើងឱ្យខ្ពស់បន្តិច (ឬឱ្យខ្ពស់ជាងបេះដូង) ដើម្បីឱ្យឈាមរត់បានល្អ។
ការគេងផ្អៀងខាងឆ្វេងអាចជួយកាត់បន្ថយសម្ពាធលើសរសៃវ៉ែនដែលដឹកនាំឈាមត្រលប់ពីជើងទៅកាន់បេះដូងវិញ។
ម៉ាក់ៗញុំាប្រៃអាចបណ្តាលឱ្យហើមសរសៃវ៉ែននៅជើង។
ការប៉ោងសរសៃជើងពេលពពោះអាចប្រសើរឡើង ឬបាត់បន្ទាប់ពីម៉ាក់ៗសម្រាល ប្រសិនបើម៉ាក់ៗមិនមានបញ្ហានេះមុនពេលពពោះ។ ប្រសិនបើម៉ាក់ៗប្រទះថា សរសៃជើងដែលប៉ោងឡើងរឹង ក្តៅ មានការឈឺចាប់ ឬឡើងក្រហម ម៉ាក់ៗត្រូវទៅជួបគ្រូពេទ្យជាបន្ទាន់។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕