ស្រ្តីពពោះភាគច្រើនប្រឈមនឹងផលវិបាកផ្សេងៗដូចជា រមាស់ស្បែក បែកញើសច្រើន អស់កម្លាំង និងបញ្ហាក្លិនខ្លួន។ យ៉ាងណាមិញ តើបញ្ហាក្លិនខ្លួនកើតឡើងបណ្តាលមកពីអ្វី? ហើយម៉ាក់ៗអាចដោះស្រាយបែបណា?

មូលហេតុមួយចំនួនដែលស្រ្តីពពោះមានក្លិនខ្លួនមិនល្អ

១. បែកញើសច្រើន

ដោយសារតែការប្រែប្រួលអ័រម៉ូនអំឡុងពេលពពោះ ការផ្គត់ផ្គង់ឈាមទៅកាន់ស្បែកនឹងកើនឡើង ដែលនាំឲ្យម៉ាក់ៗបែកញើសច្រើនជាងមុន ក៏ដូចជាកើនឡើងបញ្ហាក្លិនខ្លួនដូចគ្នា។

២. ទទួលអារម្មណ៍ដឹងក្លិនខ្លាំង

ទន្ទឹមនឹងនេះដែរ នៅពេលដែលអ័រម៉ូនកើនឡើងអំឡុងពេលពពោះ គ្នាយើងខ្លះអាចចាប់ផ្តើមទទួលអារម្មណ៍ដឹងក្លិនខ្លាំងជាងមុន។

៣. ការប្រែប្រួលរបបអាហារ

ស្រ្តីពពោះមួយចំនួន អាចផ្លាស់ប្តូររបបអាហារ ដើម្បីទទួលបានអាហារូបត្ថម្ភដ៏ល្អបំផុត ស្របពេលដែលអ្នកខ្លះទៀតបណ្តោយខ្លួនញ៉ាំអាហារផ្សេងៗ ដូចជាសាច់ គ្រឿងសមុទ្រ ផ្កាខាត់ណាខៀវ ស្ពៃក្តោប ឬពពួកខ្ទឹមបារាំង ខ្ទឹមស អាចបណ្តាលឲ្យយើងមានក្លិនខ្លួនមិនល្អ។

ក្លិនខ្លួន២

៤. ទ្វារមាសមានក្លិនមិនល្អ

ពិតណាស់ ការពពោះក៏អាចនាំឲ្យទ្វារមាសមានក្លិនមិនល្អ មានអាការៈក្រហាយ រមាស់ ឬធ្លាក់ឈាម។ ប្រសិនបើម៉ាក់ៗមានរោគសញ្ញាទាំងនេះ គួរពិគ្រោះយោបល់ជាមួយនឹងគ្រូពេទ្យជាបន្ទាន់ ពីព្រោះវាអាចជាការបង្ករោគនៅទ្វារមាស។

អត្ថបទគួរអាន៖

យើងអាចគ្រប់គ្រងក្លិនខ្លួន អំឡុងពេលពពោះយ៉ាងម៉េច?

វិធីសាស្រ្តខាងក្រោម អាចជួយកាត់បន្ថយបញ្ហាក្លិនខ្លួនអំឡុងពេលពពោះ ដែលម៉ាក់ៗអាចសាកល្បងបាន។

ងូតទឹក២ដងក្នុង១ថ្ងៃ ដោយប្រើសាប៊ូដែលគ្មានជាតិកាត់។
កាត់តម្រឹមរោមក្លៀក និងរោមប្រដាប់ភេទ ដើម្បីបញ្ចៀសក្លិនខ្លួនមិនល្អ និងការលូតលាស់នៃពពួកបាក់តេរី។
ញ៉ាំទឹកឲ្យបានគ្រប់គ្រាន់ ដើម្បីបណ្តេញជាតិពុលចេញពីរាងកាយ។
ស្លៀកសំលៀកបំពាក់ធ្វើពីកប្បាសដែលមានខ្យល់ចេញចូល ដើម្បីកាត់បន្ថយសីតុណ្ហភាពរាងកាយ និងការបែកញើស។
ជៀសវាងញ៉ាំអាហារដែលមានក្លិនខ្លាំង ដូចជាខ្ទឹមស ខ្ទឹមបារាំង និងគ្រឿងសមុទ្រ ដោយជំនួសដោយការញ៉ាំបន្លែ និងផ្លែឈើឲ្យបានច្រើន។
លាងសម្អាតទ្វារមាសដោយប្រើទឹកធម្មតា ដើម្បីជួយរក្សាកម្រិតpH និងបាក់តេរីល្អនៅក្នុងទ្វារមាស។

អត្ថបទគួរអាន៖

ម៉ាក់ណាខ្លះប្រឈមបញ្ហាក្លិនខ្លួនពេលពពោះ? សាកវិធីនេះលមើល៍!

មូលហេតុមួយចំនួនដែលស្រ្តីពពោះមានក្លិនខ្លួនមិនល្អ

១. បែកញើសច្រើន

២. ទទួលអារម្មណ៍ដឹងក្លិនខ្លាំង

៣. ការប្រែប្រួលរបប​អាហារ

៤. ទ្វារ​មាស​មាន​ក្លិន​មិន​ល្អ

យើង​អាច​គ្រប់គ្រង​ក្លិន​ខ្លួ​ន​ អំឡុង​ពេល​ពពោះ​យ៉ាង​ម៉េច?

៣. ការប្រែប្រួលរបបអាហារ

៤. ទ្វារមាសមានក្លិនមិនល្អ

យើងអាចគ្រប់គ្រងក្លិនខ្លួន អំឡុងពេលពពោះយ៉ាងម៉េច?