ប្រាកដហើយថា អ្នកចង់ចាកចេញ?
ស្រីៗយើងបានធ្វើរឿងដ៏អស្ចារ្យបំផុតក្នុងជីវិត ក្រោយផ្តល់កំណើតអូនតូចគួរឲ្យស្រលាញ់ម្នាក់។ ក្លាយជាម៉ាក់ថ្មីថ្មោង ច្បាស់ជាត្រូវទទួលអម្រែកធ្ងន់បន្តិចហើយ។ យ៉ាងណាកុំគិតតែពីគ្រួសារ ស្រីៗគ្នាយើងក៏គួរគិតខ្លួនឯងដូចគ្នាដែរ។
“Hello គ្រូពេទ្យ” ចង់ណែនាំទម្លាប់ ៥ យ៉ាង មិនគួរបោះបង់ បើទោះក្លាយជាម្តាយគេក្តី។
ក្រោយក្លាយជាម៉ាក់ៗថ្មីថ្មោង ស្រីៗគ្នាយើងស្ទើរទាំងអស់ នឹងចំណាយពេលមើលថែកូន ដូចជា បំបៅដោះ ឬប្ដូរខោទឹកនោម ជាការងារធ្វើឲ្យយើងរវល់គ្មានថ្ងៃលស់។ យ៉ាងណា គ្នាយើងគួរមានពេលមើលថែខ្លួនឯង ដូចជា ឆ្លៀតសម្រាកឲ្យបាន ១៥-៣០ នាទី ក៏អាចជួយបន្ធូរអារម្មណ៍តានតឹងបានខ្លះដែរ។ បើបារម្ភខ្លាចអាអូនភ្ញាក់ពេលសម្រាក អាចសុំបងប្អូន ឬប្តីជួយមើលបន្តិចក៏បាន។
មានផ្ទៃពោះ ធ្វើឲ្យរាងកាយគ្នាយើងរីកធំ ត្រូវការសម្លៀកបំពាក់ថ្មីរលុងៗ តែក្រោយសម្រាលរួច ត្រូវការពេលដើម្បីរាងត្រលប់មកសភាពដើមវិញ។ អ៊ីចឹងហើយកុំបោះចោលសម្លៀកបំពាក់ចង្អៀតៗនោះអី។ យកល្អ ហាត់ប្រាណ ញ៉ាំអាហារបែបសុខភាព អាចជួយឲ្យរាងកាយរឹងមាំ ព្រមទាំងមានរាងស្អាត។ ពេលរាងស្គមវិញអាចប្រើខោអាវទាំងនោះបានហើយ។
ស្រីៗគ្នាយើងពេលមានផ្ទៃពោះ អ័រម៉ូនក្នុងរាងកាយប្រែប្រួលខ្លាំង និងជះឥទ្ធិពលដល់ស្បែក។ គ្នាយើងខ្លះអាចនឹងមានស្បែកកាន់តែស្អាតភ្លឺរលោង ប៉ុន្តែខ្លះទៀតបែរជាឡើងមុនក៏មាន។ ផលិតផលថែរក្សាស្បែកអាចមានជាតិគីមី ធ្វើឲ្យយើងបារម្ភប៉ះពាល់កូនក្នុងផ្ទៃ មិនហ៊ានប្រើប្រាស់អំឡុងពេលពពោះ។ ប៉ុន្ដែក្រោយសម្រាលរួច ស្រីៗគ្នាយើងគួរចាប់ផ្ដើមថែរក្សាស្បែកជារៀងរាល់ថ្ងៃដើម្បីសម្រស់ស្អាតឡើងវិញ។
ស្រលាញ់ខ្លួនឯងឲ្យបានច្រើន មុនស្រលាញ់អ្នកដទៃ ជាសភាវគតិរបស់មនុស្ស ទោះក្នុងករណីមានអូនៗក៏ដោយ។ កុំព្យាយាមធ្វើជាម៉ាក់ៗល្អឥតខ្ចោះ និងចូលចិត្តបន្ទោសខ្លួនឯងនោះ។ ពេលអូនៗយំ កុំដាក់អារម្មណ៍អាណិតខ្លាំងពេក ព្រោះក្មេងណាក៏យំដូចគ្នា។ ករណីមួយចំនួនទៀត អារម្មណ៍គ្នាយើងមានសម្ពាធ និងមានជំងឺបាក់ទឹកចិត្តក្រោយសម្រាលកូនរួច ដោយសារយើងបាត់បង់នូវគោលដៅជីវិត។ អ៊ីចឹងហើយ យើងគួរនិយាយពីបញ្ហាកំពុងប្រឈមទៅគ្រួសារ ប្ដី ឬមិត្តជិតស្និទ្ធ។
គ្នាយើងមួយចំនួនកើតជំងឺបាក់ទឹកចិត្តក្រោយសម្រាលអាអូន ដោយសារមិនបើកចិត្តឲ្យទូលាយជាមួយប្តី។ យ៉ាងណា ប្តីយើងក៏មានកាត្វកិច្ចមើលថែទាំអូនៗដូចគ្នា ដូច្នេះបើត្រូវការជំនួយ គួរតែនិយាយជាមួយប្តីយើង ពេលខ្លះប៉ាវាក៏មិនដឹងធ្វើម៉េច ឬជួយដោយរបៀបណាដែរ។ លើសពីនេះ កុំមានអារម្មណ៍ភ័យខ្លាច ឬខឹង ពេលប្តីបង្កកំហុស ព្រោះសុទ្ធតែជាម៉ាក់ប៉ាថ្មីថ្មោងអត់បទពិសោធន៍ដូចគ្នា។
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
រយៈពេលវដ្ដរដូវ
(ថ្ងៃ)
វដ្ដរដូវ
(ថ្ងៃ)
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
From one mum to another: 5 things you should hold on to even after becoming a mum. https://sg.theasianparent.com/5-things-you-hold-on-to-even-becoming-mum/. Accessed July 5, 2017
Being a mum. http://www.cyh.com/HealthTopics/HealthTopicDetails.aspx?p=114&np=99&id=1969. Accessed July 5, 2017
