មិនល្អទេ កូនថ្លោសខ្លាំង អាចមកពីម្តាយមានជំងឺមួយនេះពេលពពោះ

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 03/12/2019
Share now

កូន​ក្នុង​ផ្ទៃ​ថ្លោស​ជ្រុល អាច​មក​ពី កូន​ចាស់​ខែ ម៉ាក់ៗ​ឡើង​ទម្ងន់​ខ្លាំង​ពេល​មាន​ពពោះ​ថ្មីៗ ឬមិន​ស្រក​គីឡូ តាំង​ពី​ពេល​មាន​ផ្ទៃពោះ​មុនៗ តែ​អ្វី​ដែល​បារម្ភ​បំផុត​នេះ គឺ​បណ្តាល​មក​ពី​ម៉ាក់ៗ​មាន​ជំងឺ​ទឹកនោម​ផ្អែម​ពេល​មាន​ផ្ទៃពោះ។

លោក​សាស្ត្រាចារ្យ​មហាបរិញ្ញា វេជ្ជបណ្ឌិត សេង សេរី បាន​ឲ្យ​ដឹង​ថា ស្រ្តី​មួយ​ចំនួន​មិន​ទាំង​ចាប់​អារម្មណ៍​ថា ខ្លួន​មាន​ជំងឺ​ទឹក​នោម​ផ្អែម​ពេល​ពពោះ​ផង តែ​គ្រូពេទ្យ​គេ​អាច​សម្គាល់​បាន តាម​រយៈ​កូន ឲ្យ​តែ​កូន​កើត​មក​ថ្លោស​ខ្លាំង គឺ​សឹង​តែ​១០០% ម្តាយ​មាន​ជំងឺ​ទឹក​នោម​​ផ្អែមពេល​ពពោះ។

“អ្វី​ដែល​គួរ​ឲ្យ​កត់​សម្គាល់​នោះ កូន​ដែល​កើត​ពី​ម្តាយ​ដែល​មាន​ជំងឺ​ទឹកនោម​ផ្អែម​ថ្លោស​ខ្លាំង ៣,៥ គីឡូ​ក្រាម​ឡើង​ទៅ មិន​អាច​សម្រាល​តាម​ធម្មជាតិ​បាន​នោះ​ទេ ទាល់​តែ​សម្រាល​ដោយ​វះកាត់”។ លោក​វេជ្ជបណ្ឌិត​រៀបរាប់។

ហេតុ​អី​ពេល​មាន​ផ្ទៃពោះ ស្រីៗ​ប្រឈមនឹង​កើត​ជំងឺ​ទឹកនោម​ផ្អែម? លោក​សាស្ត្រាចារ្យ​វេជ្ជបណ្ឌិត សេង សេរី បាន​ពន្យល់​ថា ពេល​មាន​ផ្ទៃពោះ​អ័រម៉ូន​មនុស្ស​ស្រី​ចេញ​ច្រើន ធ្វើ​ឲ្យ​អាំងស៊ុយលីន​​ក្នុង​ខ្លួន​កាន់​តែ​បាត់បង់​ប្រសិទ្ធភាព កម្រិត​ជាតិ​ស្ករ​កាន់​តែ​កើន​ឡើង ធ្វើ​ឲ្យ​មាន​ជំងឺ​ទឹក​នោម​ផ្អែម។ ប៉ុន្តែ​ក្រោយ​ពេល​សម្រាល​កូន​រួច អ័រម៉ូន​មួយ​ចំនួន​ចាប់​ផ្តើម​ថយ​ចុះ ដូច្នេះ​កម្រិត​ជាតិ​ស្ករ​ក៏​ចុះ​ដែរ រាង​កាយ​ស្ត្រី​នឹង​វិល​ត្រលប់​មក​ធម្មតា​វិញ។

ធ្វើ​ម៉េច​ទើប​ដឹង​ថា​កូន​ថ្លោស​ជ្រុល? សម័យ​បច្ចេក​វិទ្យា​ទំនើប​យើង​អាច​ដឹង​ថា កូន​ក្នុង​ផ្ទៃ​ថ្លោស ឬ​មិន​ថ្លោស​តាំង​ពី​មុន​ពេល​សម្រាល តាម​រយៈ​ការ​មើល​អេកូ ហើយ​ម្តាយ​អាចតេស្ដ​ឈាម​មើល​កម្រិត​ជាតិ​ស្ករ ដើម្បី​រក​ជំងឺ​ទឹក​នោម​ផ្អែម​ពេល​មាន​ផ្ទៃ​ពោះ ឈាន​ទៅ​បង្ការ​ហានិភ័យ​ផ្សេងៗទាន់​ពេល​វេលា​ដែរ។

អត្ថបទពាក់ព័ន្ធ៖

តើ​កូន​ដែល​កើត​ពី​ម្តាយ​មាន​ជំងឺ​ទឹក​នោម​ផ្អែម អាច​ឆ្លង​ទេ? ចម្លើយ កូន​កើត​ពី​ម្តាយ​ដែល​មាន​ជំងឺ​ទឹក​នោម​ផ្អែម មិន​ឆ្លង​នោះ​ទេ តែ​ដោយសារ​ជំងឺ​ទឹកនោម​ផ្អែម​ជា​ជំងឺ​តពូជ ដូច្នេះ​កូន​អាច​កើត​ជំងឺ​ទឹកនោម​ផ្អែម​ដែរ​នៅ​ពេល​ខាង​មុខ។ ទោះ​ជា​បែប​នេះ​ក្តី សាស្ត្រាចារ្យ​វេជ្ជបណ្ឌិត​បង្រៀន​នៅ​សាកល​វិទ្យាល័យ​វិទ្យាសាស្ត្រ​សុខាភិបាល​រូប​នេះ​ថា មិន​មែន​១០០% នៃ​ជីដូន​ជីតា ម្តាយ​ឪពុក​ដែល​មាន​ជំងឺ​ទឹក​នោម កូន​ឬ​ចៅ​កើត​មក​មាន​ជំងឺ​ទឹក​នោម​ផ្អែម​ទាំង​អស់​នោះ​ទេ គឺ​អាស្រ័យ​លើ​កត្តា​រួមផ្សំ​ផ្សេង​ទៀត។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អត្ថបទនេះមានប្រយោជន៍ចំពោះអ្នកដែរទេ?
    happy unhappy"

    អ្នកអាចចូលចិត្ត

    របៀបប្រើប្រាស់ និងទុកដាក់អាំងស៊ុយលីន

    អាំងស៊ុយលីន​ - ថ្មី​ដែល​មិន​ទាន់​ប្រើ​គួរ​រក្សា​ទុក​ក្នុង​ទូរ​ទឹកកក ឬ​ឆ្នាំង​ដី​រួច​កប់​ក្នុង​ខ្សាច់​សើម​ឯ​អាំងស៊ុយលីន​ដែល​កំពុង​ប្រើអាច​រក្សា​ទុក​នៅ

    ត្រួតពិនិត្យដោយ ចាន់ ស៊ីណេត
    ដោយ ថាត់ រ័ត្នមូនីតា

    អាំងស៊ុយលីនជាអ្វី ហើយ​​មាន​​ប្រភេទអ្វីខ្លះ​?

    អាំងស៊ុយលីន - គោល​ដៅ​ចម្បង​ក្នុង​ការ​ព្យាបាល​ដោយ​អាំងស៊ុយលីន​នេះ គឺ​ធ្វើ​យ៉ាង​ម៉េច​ឲ្យ​កម្រិត​អាំងស៊ុយលីន​​ដែល​ចាក់ ដូច​គ្នា​នឹង​កម្រិត​អាំងស៊ុយ​លីន​

    ត្រួតពិនិត្យដោយ ចាន់ ស៊ីណេត
    ដោយ គឹម កាណែល

    ភាពខុសគ្នារវាងកូនក្អួត និងកូនក្អែ ម៉ាក់ប៉ាត្រូវចេះសង្កេត

    ថែទាំកូន-អ្នក​មាន​កូន​តូច​ប្រាកដជា​ដឹង និង​ឧស្សាហ៍​ឃើញ​កូន​ក្អែ ឬ​ក្អួត​ទឹកដោះ​ចេញ​មក​វិញ​ជាក់ជា​មិន​ខាន ប៉ុន្តែ​ម៉ាក់​ប៉ា​ភាគ​ច្រើន បែង​ចែក​មិន...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី

    តើ​អ្វីទៅ​ជា​អាំងស៊ុយលីន ហើយ​​មាន​ប៉ុន្មាន​ប្រភេទ​?

    អាំងស៊ុយលីន - គឺ​ជា​អ័រម៉ូន ដែល​ជួយ​បន្ថយ​កម្រិត​គ្លុយកូស (ជាតិ​ស្ករ​មួយ​ប្រភេទ) នៅ​ក្នុង​ឈាម។ ចំពោះ អ្នក​ជំងឺ​ទឹក​នោម​ផ្អែម​ប្រភេទ​១ លំពែង​របស់អ្នកទាំងនោះ

    ត្រួតពិនិត្យដោយ ចាន់ ស៊ីណេត
    ដោយ គឹម កាណែល