home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ប្រភេទអាហារទាំងនេះ មិនគួរញុំាក្នុងពេលជាមួយគ្នា អាចពិបាករំលាយ

ប្រភេទអាហារទាំងនេះ មិនគួរញុំាក្នុងពេលជាមួយគ្នា អាចពិបាករំលាយ

អាហារមួយចំនួនពេលញុំាជាមួយគ្នាអាចធ្វើឱ្យយើងពិបាករំលាយអាហារ ហើម​ពោះ ចុកពោះ ឆាប់​អស់កម្លាំង និងខូចសុខភាព។ តើមានប្រភេទអាហារអ្វីខ្លះដែលយើងមិនគួរញុំាក្នុងពេលជាមួយគ្នា?

១. ស៊ុត និងសាច់

ការញ៉ាំប្រូតេអ៊ីនច្រើនក្នុងពេលតែមួយធ្វើឱ្យយើងពិបាករំលាយអាហារ។ ជម្រើស​ដ៏ល្អដើម្បី​ជៀសវាង​បញ្ហានេះគឺការប្តូរសាច់ទៅជាបន្លែ បើ​យើង​ញ៉ាំ​ស៊ុត​​ក្នុង​ពេល​ជាមួយ​គ្នា​នោះ​ដែរ​។

២. តែ និងទឹកដោះគោស្រស់

ការបន្ថែមទឹកដោះគោស្រស់ទៅក្នុងទឹក​តែ​កំពុង​ទទួលបានប្រជាប្រិយភាពយ៉ាងខ្លាំង ប៉ុន្តែការធ្វើដូច្នេះ​អាចធ្វើ​ឱ្យខូចប្រសិទ្ធភាពរបស់សារធាតុប្រឆាំងអុកស៊ីតកម្មដែលមាននៅក្នុងតែ។ ម៉្យាងទៀតសារ​ជាតិ​កាហ្វេអ៊ីនដែលមាននៅក្នុង​តែ​ក៏អាចធ្វើឱ្យរាងកាយកាត់​បន្ថយ​ការ​ស្រូប​យក​ជាតិ​កាល់ស្យូម​ពី​ទឹក​ដោះ​គោស្រស់​ដែរ។

៣. នំបុ័ង និងដំណាប់ផ្លែឈើ

ដំណាប់ផ្លែឈើមានផ្ទុកជាតិស្ករខ្ពស់ ឯនំបុ័ងធ្វើឡើងពីម្សៅស្រូវសាឡី។ ការ​ញុំាអាហារទាំង ២ ក្នុង​ពេលតែមួយធ្វើឱ្យជាតិស្ករក្នុងឈាមឡើង និងធ្លាក់ចុះយ៉ាងឆាប់រហ័សដែលអាចធ្វើឱ្យយើង​ឆាប់​អស់​កម្លាំង និងឃ្លាន។

៤. ដំឡូងបំពង និងប៊ឺហ្គឺ

ដំឡូងបារាំងបំពងមានជាតិសូដ្យូម និងខ្លាញ់ខ្ពស់ ហើយនឹងនំប៊ឺហ្គឺមានកាបូអ៊ីដ្រាត​ខ្ពស់​ដែរ។ ការញុំាអាហារទាំង ២ ជាមួយគ្នាអាចធ្វើយើងហើមពោះ និងទល់លាមក។

៥. សាច់ និងដំឡូងបារាំង

ដំឡូងបារាំងសម្បូរជាតិម្សៅ​ ឯសាច់មានជាតិ​ខ្លាញ់​ឆ្អែត​ខ្ពស់។ ការញុំាអាហារទាំង ២ ក្នុងពេល​ជាមួយ​គ្នា​នឹង​បង្ក​បញ្ហា​ដល់​ការ​រំលាយ​អាហារ។ ការញុំាបែបនេះ​ក្នុង​រយៈពេលយូរ​នឹងធ្វើឱ្យ​ប្រព័ន្ធ​ភាពសុំារបស់យើងចុះខ្សោយ។

សាច់ និងដំឡូងបារាំង

ចង់ស្វែងយល់បន្ថែមពីបញ្ហារំលាយអាហារ ចុចទីនេះ!

៦. ប៉ាស្តា និងទឹកប៉េងប៉ោះ

ប៉ាស្តា​ផ្ទុក​ទៅដោយ​សារធាតុ​ម្សៅ​ដែល​ពិបាក​រំលាយ​ ​ម៉្យាងទៀត​​ជាតិអាស៊ីដនៅក្នុងទឹក​ប៉េងប៉ោះ​ធ្វើ​ឱ្យការរំលាយអាហារកាន់តែពិបាកដែលអាចធ្វើឱ្យយើងហើមពោះ។

៧. ទឹកក្រូច និងភីហ្សា

ភីហ្សា​ផ្ទុក​ទៅដោយ​ម្សៅ និង​ប្រូតេអ៊ីនដែល​​ពិបាក្នុងការ​រំលាយ​ បូកជាមួយ​នឹង​បរិមាណជាតិ​ស្ករ​ខ្ពស់​នៅក្នុងទឹកក្រូច​ធ្វើ​ឱ្យ​ការ​រំលាយ​អាហារកាន់តែ​ពិបាក។ ម៉្យាងទៀតអាហារទាំង ២ ធ្វើឱ្យប៉ះពាក់ដល់កម្រិតជាតិស្ករក្នុង​ឈាម​ ព្រមទាំងធ្វើឱ្យយើងចង់ញុំាកាន់តែច្រើន។

៨. ទឹកដោះគោជូរជាមួយផ្លែឈើ

នៅពេលដែលជាតិអាស៊ីដពីផ្លែឈើប៉ះនឹងប្រូតេអ៊ីននៅក្នុងទឹកដោះគោជូរ វាមិនត្រឹមតែប៉ះពាល់​ដល់​ប្រសិទ្ធភាពរបស់ជាតិសរសៃនៅក្នុងផ្លែឈើប៉ុណ្ណោះទេ វាថែមទាំងអាច​ធ្វើឱ្យយើង​ពុល​ទៀតផងដែលអាចបណ្តាលឱ្យយើង​អា​លែកហ៊្សី។

៩. ទឹកដោះគោស្រស់ជាមួយផ្លែឈើអម្បូរក្រូច

ទឹកដោះគោត្រូវការពេលយូរក្នុងការរំលាយ។ ពេលយើងញុំាផ្លែឈើអម្បូរក្រូចដូចជា ក្រូច ក្រូចឆ្មារ​ក្នុង​ពេល​ញុំា​ទឹកដោះគោស្រស់ វានឹងធ្វើឱ្យទឹកដោះគោស្រស់​កកដែលអាច​បណ្តាល​ឱ្យ​យើង​ហើម​ពោះ និងក្រហាយទ្រូង។

១០. ទឹកដោះគោស្រស់ និងចេក

ទឹកដោះគោស្រស់ និងចេកត្រូវការពេលយូរក្នុងការរំលាយ។ ខណៈពេលដែល​អាហារទាំងពីរ​កំពុងរំលាយ យើងអាចនឹងអស់កម្លាំង។

ប្រសិនបើ​យើងញុំាអាហារ​ដែលមិនគួរញុំាក្នុងពេលជាមួយគ្នា​ក្នុង​រយៈពេល​យូរ អាច​បណ្តាល​ឱ្យ​ឡើង​កន្ទួល​រមាស់ (អាលែកហ៊្សី) មានបញ្ហាក្នុង​ការ​រំលាយ​​អាហារ​ និងមាន​ខ្យល់​ដង្ហើម​មិនល្អ​។

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

11 Dangerous Food Combinations That You Should Avoid
https://www.beyondpinkworld.com/featurestories/health-wellness/dangerous-food-combinations-5785

Food Combinations You Should Strictly Avoid Eating
https://parenting.firstcry.com/articles/magazine-food-combinations-you-should-strictly-
-eating/

5 harmful food combinations you must avoid
https://www.india.com/lifestyle/5-harmful-food-combinations-you-must-avoid-2395160/

10 Bad Food Combinations You Should Avoid
https://medium.com/in-fitness-and-in-health/10-bad-food-combinations-you-should-avoid-f7f8637072e1

List Of Dangerous Food Combinations We Must Avoid
https://tezzbuzz.com/list-of-dangerous-food-combinations-we-must-avoid/

Unhealthy Food Combinations You Should Always Avoid
https://www.healthdigest.com/353831/unhealthy-food-combinations-you-should-always-avoid/

រូបថត​របស់​អ្នក​និពន្ធbadge
ដោយ សុខ វណ្ណ កែសម្រួល​ចុងក្រោយ 4 សប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត