តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ញ៉ាំអាហារទាំងនេះប្រចាំថ្ងៃមិនល្អទេ អាចប្រឈមជំងឺមហារីក

ញ៉ាំអាហារទាំងនេះប្រចាំថ្ងៃមិនល្អទេ អាចប្រឈមជំងឺមហារីក

ការជ្រើសរើសបបអាហារញ៉ាំជារៀងរាល់ថ្ងៃ គឺជារឿងសំខាន់សម្រាប់សុខភាព។ ដោយឡែកចំពោះការញ៉ាំអាហារមួយចំនួន អាចជាការបំពេញតម្រូវការមាត់ តែមិនប្រាកដថា ល្អសម្រាប់សុខភាពនោះទេ។ មានរបបអាហារខ្លះ អាចធ្វើឲ្យសុខភាពអ្នកញ៉ាំកើតប្រឈមជំងឺមហារីកទៀតផង។ ដូច្នេះបើគិតគូទៅដល់សុខភាព គួរតែងាកចេញ ឬកាត់បន្ថយ ពីរបបអាហារខាងក្រោមនេះ៖

១. ពពួកសាច់កែច្នៃ

យោងតាមរបាយការណ៍អង្គកាសុខភាពពិភពលោកបានបញ្ជាក់ថា ប្រភេទអាហារសាច់កែច្នៃ គឺអាចបង្កជាជំងឺមហារីកបាន។ ពពួកអាហារទាំងនោះ ត្រូវបានចាត់ចូលក្នុងចំណាត់ថ្នាក់អាចបង្កជំងឺមហារីកប្រភេទ​ទី១ (carcinogen) ដែលបង្កផលពាល់ខ្លាំងនៅផ្នែក ក្រពះ និង ពោះវៀន មិនត្រឹមតែប៉ុណ្ណោះក៏អាចប៉ះពាល់ទៅដល់បេះដូង និងថ្លើមផងដែរ។ អាហារសាច់កែច្នៃ ត្រូវរួមផ្សំដោយ​សារធាតុគីមីចម្រុះច្រើនប្រភេទ ដើម្បីរក្សាគុណភាព និង រយៈពេលប្រើប្រាស់។ ឧទាហរណ៍ សាច់កែច្នៃដែលមានលក្ខណៈបង្កមហារីករួមមាន ប្រហិត hotdogs សាច់Ham សាច់ក្រក សាច់ក្រហមប្រឡាក់ សាច់គោកែច្នៃ និងពពួកសាច់កំប៉ុងជាដើម។

២. ពពួកសាច់ក្រហម

សាច់ក្រហម ជាអាហារស្ថិតក្នុងចំណាត់អាចបង្កជំងឺមហារីកផងដែរ ប៉ុន្ដែស្ថិតក្នុងកម្រិតតិចជាងពពួកសាច់កែច្នៃ​។ អាហារប្រភេទនេះមានទំនាក់ទំនងខ្លាំងបំផុតចំពោះ មហារីកពោះវៀនធំតែម្ដង។ ក្រៅពីនោះក៏មាន ភស្តុតាង​បង្ហាញថា វាក៏មានពាក់ព័ន្ធទៅនឹងជំងឺមហារីកលំពែង និងក្រពេញប្រូស្តាតផងដែរ។ យោងតាម ក្រុមប្រឹក្សាមហារីកអាមេរិកបានបញ្ជាក់ថា ដើម្បីកាត់បន្ថយហានិភ័យនៃជំងឺមហារីកពីការបង្កឡើងដោយពពួកសាច់ក្រហមនេះ យើងគួរតែញ៉ាំសាច់ក្រហមដែលចម្អិនឆ្អិនល្អមិនលើសពី ៦៥ ទៅ ១០០ ក្រាមក្នុងមួយសប្តាហ៍ឡើយ។

ចង់គណនា BMR ចុចទីនេះ!
ចង់គណនា BMI ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

៣. ត្រីប្រឡាក់បែបចិន

អាហារដែលមានលក្ខណៈក្រៀម ជាប្រភេទអាហារស្ងួត ប្រើប្រាស់គ្រឿងផ្សំរក្សាគុណភាពបានយូរ។ មួយវិញទៀត ប្រភេទអាហារនេះប្រើប្រាស់អំបិលច្រើន ជាអាហារប្រៃ ធ្វើតាមវិធីបុរាណចិនក្នុងការរក្សាអាហារ។ គ្រឿងផ្សំប្រើប្រាស់ជាមួយនឹងត្រីក្រៀមទាំងនោះគឺជា ផលិតផលបង្កឲ្យកើតជំងឺមហារីកបាន។ ត្រីប្រៃតាមបែបចិននេះ ក៏ស្ថិតក្នុងរបបអាហារទី១ បង្កជំងឺមហារីកដូចជាសាច់កែច្នៃផងដែរ។

អាហារក្រៀម

៤. ភេសជ្ជៈផ្អែម

ភេសជ្ជៈដែលផលិតឡើងប្រើប្រាស់សារធាតុស្ករខ្ពស់ គឺជាមុខសញ្ញាខ្លាំងបំផុត ឈានទៅដល់ជំងឺមហារីក។ មួយវិញទៀត ចំពោះអ្នកដែលមានជំងឺធាត់តែម្ដង ដែលប្រឈមហានិភ័យខ្ពស់ឈានទៅរកជំងឺមហារីកជាច្រើនប្រភេទ។ ដូច្នេះ ការយកចិត្ដទុកដាក់ខ្លាំងទៅលើរបបអាហារប្រចាំថ្ងៃ គ្រឿងកំប៉ុង ភេសជ្ជៈ គឺមានសារៈសំខាន់ណាស់មិនអាចធ្វេសប្រហែសបាន។

៥. អាហារកម្ម៉ង់

ពពួកអាហារកម្ម៉ង់រហ័ស ភាគច្រើនបង្កជាការធាត់លើសទម្ងន់ បញ្ហាបេះដូង ខ្លាញ់ក្នុងសរសៃឈាម ហើយកត្ដានេះគឺជាមូលហេតុឈានទៅរក​ជំងឺមហារីកជាច្រើនភេទ។ ក្រុមប្រឹក្សាស្រាវជ្រាវជំងឺមហារីកពិភពលោកបានណែនាំ ទៅដល់បណ្ដាអាជីវកម្មអាហារដ្ឋានគ្រប់កម្រិត ពីប្រភេទអាហាររហ័ស និងអាហារកែច្នៃផ្សេងទៀត ព្រោះថាប្រភេទ​ទាំងនេះសម្បូរប្រើប្រាស់សារធាតុចម្រុះច្រើន មានជាតិខ្លាញ់ ម្សៅ ឬជាតិស្ករ និងគ្រឿងផ្សំជាច្រើនផ្សេងទៀតដើម្បីជំនួយរសជាតិ ជាហេតុធ្វើឲ្យអ្នកញ៉ាំងាយរងផលប៉ះពាល់ដល់សុខភាព។

អត្ថបទគួរអាន៖

ជារួម បើមិនអាចដកចេញនោះទេ គួរតែកាត់បន្ថយអាហារទាំងនោះទៅ ព្រោះវាជួយកាត់បន្ថយហានិភ័យនៃជំងឺមហារីក វាអាចជួយយើង​រក្សាទម្ងន់ឱ្យមានសុខភាពល្អ កែលម្អការផ្តោតអារម្មណ៍ និងសុខុមាលភាពទូទៅ។

Verifying...

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ អឿ អ៊ុយ កែសម្រួល​ចុងក្រោយ 2 សប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត