home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ផឹកកាហ្វេ​ប៉ុនណា​មិន​លើស​កម្រិត? នរណាខ្លះមិន​ត្រូវ​ផឹក​កាហ្វេ?

ផឹកកាហ្វេ​ប៉ុនណា​មិន​លើស​កម្រិត? នរណាខ្លះមិន​ត្រូវ​ផឹក​កាហ្វេ?

ផឹកកាហ្វេ​កំពុង​ក្លាយ​ជាទម្លាប់​របស់​អ្នកធ្វើការ និងនិស្សិត ប៉ុន្តែ​សួរ​ថា ផឹកប៉ុនណាទើប​ល្អ ហើយប៉ុនណាទើបគ្រោះ​ថ្នាក់​ដល់​សុខភាព ខណៈ​ដែល​កាហ្វេសម្បូរដោយជាតិ​កាហ្វេអ៊ីន។

១- គួរ​ផឹក​ជាតិ​កាហ្វេអ៊ីន​ប៉ុន្មាន​ទើប​សម​ល្មម?

កម្រិត​ស្តង់ដារ​សមស្រប​បំផុត​ចំពោះ​សុខភាព​មនុស្ស​ពេញវ័យ គឺខ្ពស់​បំផុតត្រឹម ៤០០ មិល្លីក្រាមប៉ុណ្ណោះ អាច​ប្រមាណកាហ្វេ ៤ កូនពែង ​កូកាកូឡា ១០ កំប៉ុង​ ឬ​ភេសជ្ជៈ​ប៉ូវ​កម្លាំង ២ កំប៉ុង។

បរិមាណ​កាហ្វេអ៊ីន​​ក្នុង​ភេសជ្ជៈ មិន​ស្មើ​គ្នា​ទេ ដើម្បី​ដឹង​ច្បាស់​ពី​កម្រិត​ផឹក ត្រូវ​ពិនិត្យ​​នៅ​លើ​កំប៉ុងត្រង់​តារាង​ធាតុផ្សំ។ ចាំ​ថា បើ​មាន​រោគ​សញ្ញា​ឈឺក្បាលប្រកំាង​ គេង​មិន​លក់ ​ថប់បារម្ភ ​មួម៉ៅ​ឆាប់​ខឹង ​ឡេះឡះ ចង់​ក្អួត​ បញ្ហានោម​ បេះដូង​លោត​ញាប់​ជាង​ធម្មតា ឬ​ចង់​រមួលសាច់ដុំ​ (ក្រពើ) ​ជាដើម ត្រូវ​កាត់​បន្ថយ​ការ​ញ៉ាំ​កាហ្វេអ៊ីនភ្លាម។

  • បម្រាម៖ មិនគួរយក​កាហ្វេអ៊ីន​ទៅ​លាយ​ជាមួយ​ ស្រា​ ឬ​ភេសជ្ជៈមាន​ជាតិ​អាល់កុលនោះឡើយ។

ផឹកកាហ្វេ

២- នរណា​ខ្លះ​មិន​គួរ​ញ៉ាំជាតិកាហ្វេអ៊ីន?

– ក្មេង៖ ដោយ​សារ​រាងកាយ និង​ប្រព័ន្ធ​ភាពស៊ាំក្មេងៗ​​នៅ​ខ្ចីមិន​អាច​ទប់​ទល់​នឹងឥទ្ធិពលជាតិកាហ្វេអ៊ីន ដែល​ផលិត​ឡើង​សម្រាប់​មនុស្សពេញ​វ័យ​​បាន​ទេ។

– មាន​បញ្ហា​ការ​គេង៖ កាហ្វេអ៊ីន​ជា​សាធាតុប្រឆាំង​ការ​គេង ធ្វើ​ឲ្យ​គេង​មិន​លក់។ បើ​យើង​កំពុង​តែ​រឿង​ពិបាក​គេង​ហើយ នៅឆ្លៀត​ផឹកកាហ្វេ ឬញ៉ាំ​ជាតិ​​កាហ្វេអ៊ីនទៀត ត្រូវ​ចាត់​ទុក​ទម្លាប់​អាក្រក់​បំផុត ដូច​ជា​កំពុង​ធ្វើ​បាប​ខ្លួន​ឯង​អ៊ីចឹង។

– កំពុង​ប្រើ​ថ្នាំ៖ ថ្នាំ​ពេទ្យ និង​ថ្នាំ​រុក្ខជាតិ​មួយ​ចំនួន ​អាច​មាន​ប្រតិកម្ម​នឹងជាតិ​កាហ្វេអ៊ីន​ ដូចជា​ថ្នាំ Ephedrine (​ថ្នាំ​ការ​ពារ​កុំ​ឲ្យ​សម្ពាធ​ឈាម​ធ្លាក់​ចុះ) នឹង​ធ្វើ​ឲ្យ​យើងប្រកាច់ ឬ​បញ្ហា​សរសៃ​ឈាមបេះដូង។ ថ្នាំ Theophylline (ថ្នាំ​ហឺត) នឹង​ធ្វើ​ឲ្យ​ជាតិកាហ្វេអ៊ីន ​ប្ដូរ​ទៅ​ជា​​ឥទ្ធិពលប៉ះ​ពាល់​រាង​កាយ បង្ក​ឲ្យ​មាន​អាការៈ ​ដូចជា ក្អួត​ចង្អោរ ឬ​ញ័រទ្រូង​ជាដើម។ ឯ​ពពួកឱសថ​រុក្ខ​ Echinacea បណ្ដាល​ឲ្យ​កើន​ឡើង​កំហាប់​កាហ្វេអ៊ីន ក្នុង​ឈាម។

អត្ថបទពាក់ព័ន្ធ​៖

៣- គួរ​គ្រប់គ្រងបញ្ហា​​ញៀន​ជាតិ​​កាហ្វេអ៊ីន​ដោយ​វិធី​ណា?

ឲ្យ​តែ​មាន​ពាក្យ “ញៀន” មួយ​ម៉ាត់​ អម​មក​ជាមួយ ចង់​​កាត់បន្ថយ​ប្រហែល​ជាមិន​​សូវ​ស្រួល​ប៉ុន្មាន​ទេ។ ដោយ​សារ​តែ កាហ្វេអ៊ីន ជួយ​រាងកាយ​យើង​ច្រើន ដូច្នេះ​បើ​យើង​ធ្លាប់​តែ​ញ៉ាំ​រាល់​ថ្ងៃ ហើយ​កាត់​បន្ថយ ឬ​ផ្អាក​តែ​ម្ដង វា​នឹង​ចេញ​ជា​រោគសញ្ញា ​ឈឺក្បាល ​អស់កម្លាំង​ ល្ហិតល្ហៃ ឆាប់​មួម៉ៅ ហើយ​ការ​ផ្ចង់អារម្មណ៍​​ក៏ធ្លាក់​ចុះ​ដូច​គ្នា។ យ៉ាង​ណា​ក៏​ដោយ បញ្ហា​នេះមិន​ធ្ងន់ធ្ងរ​ទេ អ្វីៗនឹង​វិល​មក​ភាព​ប្រសើរ​វិញនៅ​ ២-៣ ថ្ងៃបន្ទាប់។

ខាង​ក្រោម​នេះ ​ជា​គន្លឹះ​មួយ​ចំនួន​ដើម្បី​គ្រប់គ្រង​ជាតិកាហ្វេអ៊ីន៖

– ដឹង​ចំនួន៖ ដូច​បញ្ជាក់​ខាង​លើ បើ​អត់ចាប់​អារម្មណ៍​ពីបរិមាណកាហ្វេអ៊ីន​ញ៉ាំ​រាល់​ដង ថា​មាន​កម្រិតប៉ុន្មាន​ទេ ត្រូវ​មើល​លើ​តារាង​ធាតុ​ផ្សំ​លើ​​កំប៉ុង ហើយ​បូក​ខ្លួន​ឯង ធ្វើ​ម៉េច​កុំ​ឲ្យ​លើស ៤០០ មិល្លីក្រាម/​ថ្ងៃ។
– បន្ថយ​ទម្លាប់​ផឹក៖ ត្រូវតាំង​ចិត្ត​ខ្លួន​ឯង បន្ថយ​ម្ដង​បន្ដិចៗ ពី​មួយ​ថ្ងៃ​ទៅ​មួយ​ថ្ងៃ រហូត​ស្ថិត​ត្រឹម​​កម្រិត​មួយ​​លែង​ធ្វើ​ទុក្ខ​ក្នុង​ខ្លួន។
– កុំ​ប្រើ​ថ្នាំ​លាយ៖ ថ្នាំ​បំបាត់​ការ​ឈឺចាប់ មិន​គួរ​ប្រើ​លាយ​ជាមួយ​ជាតិ​កាហ្វេអ៊ីនទេ។
– ​ជម្រើស​ផ្សេង៖ ត្រៀម​ទទួល​រសជាតិ​ប្លែក​បន្តិច ប្តូរ​ពី​តែ កាហ្វេ មិន​ជា​តែឱសថរុក្ខជាតិគ្មាន​ជាតិ​កាហ្វេអ៊ីន​វិញ​។

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Caffeine: How much is too much? http://www.mayoclinic.org/healthy-lifestyle/nutrition-and-healthy-eating/in-depth/caffeine/art-20045678?pg=1. Accessed May 11, 2017.

រូបថត​របស់​អ្នក​និពន្ធbadge
ដោយ Ros Khemary កែសម្រួល​ចុងក្រោយ 7 ថ្ងៃកន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត
x