backup og meta

អង្ករ​ ៤ ប្រភេទខុសៗគ្នា សុទ្ធ​តែមាន​សាធាតុចិញ្ចឹមម្យ៉ាងម្នាក់

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ណៃ ទូច · កែ Dec 27, 2023

អង្ករ​ ៤ ប្រភេទខុសៗគ្នា សុទ្ធ​តែមាន​សាធាតុចិញ្ចឹមម្យ៉ាងម្នាក់

អង្ករ​ជា​ប្រភព​​កាបូអ៊ីដ្រាត ដែល​​​ជា​ជីវជាតិ​ចិញ្ចឹម​រាងកាយយើង​ត្រូវ​ការ​ដើម្បី​ផលិត​ថាមពល។ អង្ករ​មាន​ច្រើន​ប្រភេទខុសគ្នាៗ ហើយ​មាន​គុណសម្បត្តិ​ផ្សេងៗ​គ្នា​។ “Hello គ្រូពេទ្យ” នឹងលើកយកអង្ករ ៤ ប្រភេទ មកនិយាយ។

១- អង្ករសម្រិត ឬអង្ករស

អង្ករពណ៌សនេះ យើងញ៉ាំរាល់ថ្ងៃ ហើយប្រភេទ​អង្ករ​កែច្នៃ ​ដើម្បី​សម្អាត​យក​​​សម្បក​គ្រាប់​ស្រូវ (អង្កាម) ស្រទាប់​កន្ទក់ ​និងកំពីង (កន្លែងដុះ) ចេញ ជាហេតុធ្វើឲ្យបាត់បង់សារធាតុចិញ្ចឹម (ខ្លាញ់ វីតាមីន ប្រូតេអ៊ីន) យ៉ាងច្រើន។ ​​អង្ករ​នេះ​មាន​ជាតិ​តិច​បំផុត​ក្នុង​ចំណោម​អង្ករ​ទាំង ៤​ ប្រភេទ។ ១០០ ក្រាម​នៃ​អង្ករ​សម្រិត ​មាន​ផ្ទុក​ប្រូតេអ៊ីន ​៦,៣ ក្រាម។ ប្រភេទ​គ្រាប់​វែង​ ងាយបំបែក​ចូលក្នុងខ្លួនបាន​លឿន។ ​​បើ​​​ញ៉ាំ​អង្ករ​សម្រិត​ច្រើន​ពេក ​​ខ្លួន​យើង​នឹង​មាន​ជាតិ​កាបូអ៊ីដ្រាត (ស្ករ) ​ខ្ពស់​ទៅ​តាម​ហ្នឹង​ដែរ។

បាយអង្ករស

ចង់គណនា BMI ចុចទីនេះ!

ចង់គណនា BMR ចុចទីនេះ!

ចង់គណនារកចង្វាក់បេះដូងលោត ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

២- អង្ករសម្រូប

វា​មាន​ពណ៌ត្នោត ហើយគ្រាប់​សល់​ទាំង​មូល​ មាន​តែ​សម្បក​ក្រៅ (អង្កាម) ទេដែល​គេ​​យក​ចេញ។ ស្រទាប់​កន្ទក់​ដែល​នៅ​ជាប់​ល្អ​ ធ្វើ​ឲ្យ​អង្ករ​រឹង​ ពិបាកទំពា ហើយ​រសជាតិ​ឈ្ងុយ​ដូច​សណ្ដែក ​ឯ​ការ​ចម្អិន​ក៏កាន់តែ​យូរ​។ មុខងារ​របស់ស្រទាប់​កន្ទក់​ជាប់​អង្ករ​ អាច​ការពារ​ជីវជាតិ​ចិញ្ចឹម​នៅ​ក្នុង​អង្ករ​បាន​ល្អ។ ​វា​សម្បូរ​ជីវជាតិ​ចិញ្ចឹម​ច្រើន​​​​ជាង​អង្ករ​សម្រិត។

​អង្ករ​សម្រូប ១០០ ក្រាម មាន​ប្រូតេអ៊ីន ​ជិត ៧,២ ក្រាម និង​ជាតិ​កាក​សរសៃ​ប្រហែល ៣,២ ក្រាម។ អង្ករ​ប្រភេទ​នេះ សម្បូរ​រ៉ែ​ម៉ាញេស្យូម ​វីតាB1 ​(Thiamine) និងរ៉ែស័ង្កសី ហើយមាន​ជាតិ​ស្ករ​ក្នុង​ឈាម​កម្រិត​មធ្យម ​ដែលអាច​រក្សា​ក្រពះ​ឲ្យ​​​ឆ្អែត​បាន​យូរ​ជាង​អង្ករ​សម្រិត។

បាយអង្ករសំរូប

៣- អង្ករខ្មៅ

អង្ករខ្មៅ​ខុសគ្នា​ទាំង​ស្រុង​ពី​អង្ករ​សម្រិត ​និង​អង្ករសំរូប។ វា​មាន​រសជាតិ​ឈ្ងុយ​ដូច​សណ្ដែក​ ​ពេល​ចម្អិន​​កាន់​តែ​យូរ។ រាល់ ១០០ ក្រាម​នៃ​អង្ករ​ខ្មៅ ​មាន​ផ្ទុក​ប្រូតេអ៊ីន​ ៩,១ ក្រាម និង​កាក​សរសៃ ៤,៧ ក្រាម។ ​អង្ករ​ខ្មៅ​ មាន​កម្រិត​ជាតិ​ស្ករ​​ក្នុង​ឈាម​ទាប ដូច្នេះ​អ្នក​មាន​ជំងឺ​ទឹកនោមផ្អែម នឹងមានសុខភាពល្អ​​ បើ​ញ៉ាំ​អង្ករ​ខ្មៅ។

បាយអង្ករខ្មៅ

៤- អង្ករក្រហម

អង្ករក្រហមផ្តុំ​ទៅ​ដោយ​​អង់ទីអុកស៊ីដង់ មួយ​ប្រភេទ​​ឈ្មោះ​ថា ​អង់តូស្យានីន (anthocyanins) ​ដែល​គេ​ជឿ​ថា​មាន​ប្រសិទ្ធ​ភាព​​កាត់​បន្ថយ​ការ​រលាក (សាច់ដុំ សន្លាក់) ​អាលែកហ្ស៊ី ​ហានិភ័យកើត​មហារីក និង​ការ​ឡើង​ទម្ងន់។

អង្ករ​ក្រហម​​មាន​លក្ខណៈ​ស្រិតយក​សម្បកគ្រាប់​ចេញ ​ឬ​មិនទាន់​យកសម្បកចេញ។ ១០០​ ក្រាម​នៃ​អង្ករ​ក្រហម ​មាន​ផ្ទុក​​ប្រូតេអ៊ីន ៧ ក្រាម កាក​សរសៃ​ ២ ក្រាម និងមាន​ជីវជាតិ​ចិញ្ចឹម​​កាន់​តែ​ខ្ពស់ (ម៉ង់​កាណែស ​ម៉ាញេស្យូម ​និង​សេឡេនីញ៉ូម)។

វាមាន​គុណ​ប្រយោជន៍​ខ្ពស់​សម្រាប់​អ្នកឈឺក្បាល​ប្រកាំង សម្ពាធ​ឈាម​ខ្ពស់ និង​​មាន​បញ្ហាបេះដូង។ បរិមាណ​កាក​សរសៃ​​ខាង​ក្នុង​​ច្រើន និង​ជួយ​​ពន្យឺត​ល្បឿន​​ដំណើរការបំបែកកាបូអ៊ីដ្រាត ឲ្យ​ទៅ​ជា​ជាតិ​ស្ករ​ក្នុង​ឈាម។

អត្ថបទគួរអាន៖

  • អង្ករសម្រូប សម្បូរសារធាតុចិញ្ចឹមល្អ ល្អចំពោះការលូតលាស់អាអូនតូចៗ
  • គុណប្រយោជន៍​សុខភាព ​៣យ៉ាងពីអង្ករសម្រូបគ្រប់គ្នាគួរដឹង
  • បាយ​ និង​ មី-គុយទាវ​ មាន​ការ​ពន្យល់​ច្រើន មួយណាល្អជាង?
  • នេះអាហារ ៦ប្រភេទ ញឹកញាប់ជារបស់ក្លែងក្លាយ
  • មិនទាន់ដឹងរបបអាហារមានតុល្យភាពម៉េចខ្លះ អត្ថបទនេះអាចពន្យល់បាន
  • រាងកាយខ្វះវីតាមីន B អាចបង្ហាញរោគសញ្ញាទាំងនេះ
  • ចំណុចសំខាន់

    អង្ករ​ ៤ ប្រភេទខុសៗគ្នា សុទ្ធ​តែមាន​សាធាតុចិញ្ចឹមម្យ៉ាងម្នាក់៖
    • អង្ករសម្រិត ឬអង្ករស
    • អង្ករសម្រូប
    • អង្ករខ្មៅ
    • អង្ករក្រហម

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ ណៃ ទូច · កែ Dec 27, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម