ពួកយើងច្បាស់ណាស់ សុទ្ធតែធ្លាប់ឮពេទ្យលើកឡើងពីបញ្ហាលើសជាតិខ្លាញ់ និងបញ្ហាសុខភាពជាច្រើន បណ្តាលមកពីកូលេស្តេរ៉ូល ចុះមានធ្លាប់ដឹងថា កូលេស្តេរ៉ូលដែលបង្កបញ្ហាសុខភាពទាំងនេះ កើតឡើងពីណាអត់? បើមិនដឹង អានអត្ថបទ “Hello គ្រូពេទ្យ” មួយនេះ ព្រោះមានលម្អិតពាក់ព័ន្ធខ្លាញ់សត្វ និងខ្លាញ់រុក្ខជាតិ មួយណាត្រូវចាត់ទុកជាខ្លាញ់អាក្រក់ ក៏ដូចគុណប្រយោជន៍ និងគុណវិបត្តិពពួកខ្លាញ់ទាំងនោះឲ្យគ្នាយើងបានដឹង។
ខ្លាញ់សត្វ និងខ្លាញ់រុក្ខជាតិ មានគុណប្រយោជន៍ គុណវិបត្តិអ្វីខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ខ្លាញ់អាក្រក់ (ខ្លាញ់សត្វ)
ខ្លាញ់អាក្រក់ អាចធ្វើឲ្យកើនកម្រិតកូលេស្តេរ៉ូល ប្រឈមហានិភ័យ ជំងឺបេះដូង ហើយខ្លាញ់នេះ អាចធ្វើឲ្យស្ទះសរសៃឈាមអាក់ទែទៀតផង។ ខ្លាញ់អាក្រក់ ចែកចេញជាពីរប្រភេទ មួយជាខ្លាញ់មិនឆ្អែត និងមួយទៀតជាខ្លាញ់ឆ្អែត។
– ខ្លាញ់មិនឆ្អែត៖ ខ្លាញ់មិនឆ្អែត គឺជាប្រភេទខ្លាញ់មានលក់លើទីផ្សារ (ប្រេងមានផ្ទុកជាតិអ៊ីដ្រូហ្សែនមួយចំនួន) នឹងត្រូវចាត់ចូលក្នុងបញ្ជីគ្រឿងផ្សំសម្រាប់ចម្អិតម្ហូប។ វាជាប្រភេទប្រេងសិប្បនិម្មិត ទទួលបានពីដំណើរការផលិតប្រេងមានសុខភាពល្អ សម្រាប់ការពារមិនឲ្យមានក្លិនស្អុយ។ ខ្លាញ់មិនឆ្អែត មិនមានសារធាតុចញ្ចឹម ឬប្រយោជន៍ដល់សុខភាពអ្វីទាំងអស់ ហើយយើងអាចចៀសវាងពពួកខ្លាញ់ទាំងនេះបាន ដោយទិញតែសាច់សុទ្ធ និងផលិតផលមានជាតិខ្លាញ់តិចទៅបានហើយ។ ខ្លាញ់មិនឆ្អែត ជាមូលហេតុនៅពីក្រោយ ជំងឺទឹកនោមផ្អែមប្រភេទ ២ ជំងឺបេះដូង និងជំងឺដាច់សសៃឈាមខួរក្បាល។ ទោះបីមនុស្សដឹងថា ខ្លាញ់ទាំងនេះវាអាក្រក់ និងប៉ះពាល់សុខភាពក៏ដោយ ប៉ុន្តែវានៅតែជាប្រភេទខ្លាញ់ ត្រូវបានគេយកទៅប្រើយ៉ាងទូលំទូលាយក្នុងឧស្សាហកម្មចំណីអាហារ (Fast food) ដើម្បីបំពង ឬដុតនំ នំកញ្ចប់ និងពោតលីង ជាដើម។
– ខ្លាញ់ឆ្អែត៖ ខ្លាញ់ឆ្អែត ក៏ស្ថិតនៅក្នុងប្រភេទខ្លាញ់អាក្រក់ដូចគ្នា ប៉ុន្តែមិនអាក្រក់ ១០០% ដូចទៅនឹងខ្លាញ់មិនឆ្អែតនោះទេ។ ខ្លាញ់ឆ្អែត អាចរកឃើញក្នុងផលិតផលទទួលបានពីសត្វ ដូចជា ស៊ុត ផលិតផលចម្រាញ់ចេញពីទឹកដោះគោ សាច់ក្រហម និងមាននៅក្នុងប្រេងដូង ឬប្រេងត្នោតផងដែរ។ មិនមានការសិក្សាណាបង្ហាញថា ខ្លាញ់ឆ្អែតធ្វើឲ្យមានបញ្ហាបេះដូងអីទេ ប៉ុន្តែសមាគមន៍បេះដូងអាមេរិកបានណែនាំថា ត្រូវកំណត់ញ៉ាំខ្លាញ់ឆ្អែតមិនឲ្យលើសពី ៧% នៃកាឡូរីប្រចាំថ្ងៃនោះឡើយ។
អត្ថបទពាក់ព័ន្ធ៖
- ឮរហូតពាក្យ “កូលេស្តេរ៉ូល” ជាអ្វីឲ្យប្រាកដ ម៉េចបានពាក់ព័ន្ធជាមួយបេះដូង?
- អាហារល្អៗជួយបេះដូង គួរញ៉ាំជាប្រចាំ
២- ខ្លាញ់ល្អ (ខ្លាញ់ទទួលបានពីរុក្ខជាតិ)
ខ្លាញ់ល្អ អាចជួយឲ្យកូលេស្តូរ៉លធ្លាក់ចុះ គ្រប់គ្រងទម្ងន់ និងកាត់បន្ថយហានិភ័យជំងឺបេះដូង។ ស្រដៀងគ្នានឹងខ្លាញ់អាក្រក់ដែល មានខ្លាញ់ល្អ ត្រូវបែកចែកជាពីរប្រភេទដូចគ្នា មានខ្លាញ់ Monounsaturated និងខ្លាញ់ Polyunsaturated ។
– ខ្លាញ់ Monosaturated៖ ខ្លាញ់ Monosaturated គេរកឃើញក្នុង ប្រេងអូលីវ ប្រេងសណ្តែកដី គ្រាប់សណ្តែកផ្សេងៗ និងគ្រាប់ធញ្ញជាតិ។ អាហារទាំងនោះ ក៏ជាប្រភពវិតាមីន E ផងដែរ ហេតុនេះសូមចាំថាច្របល់សាលាដ ជាមួយប្រេងអូលីវឲ្យច្រើន ព្រោះថា ពិតជាមានប្រយោជន៍ណាស់ចំពោះសុខភាពយើង។
– ខ្លាញ់ Polyunsaturated៖ ខ្លាញ់ Polyunsaturated មិនត្រឹមតែបានជួយខាងផ្នែកលូតលាស់ប៉ុណ្ណោះទេ ថែមទាំងជួយការពារ និង ព្យាបាលជំងឺបេះដូងទៀតផង។ ខ្លាញ់ប្រភេទនេះ ផ្តល់នូវគុណប្រយោជន៍ និងមានសារៈសំខាន់ណាស់ចំពោះរាងកាយយើង។ ខ្លាញ់ Polyunsaturated មាន ២ទម្រង់ គឺអាស៊ីដខ្លាញ់ អូមេហ្កា ៣ និងអូមេហ្កា ៦។
អាស៊ីដអូមេហ្កា ៦ មានក្នុងប្រេងបន្លែ ដូចជា ប្រេងដូង ប្រេងផ្កាឈូករ័ត្ន គ្រាប់វ៉ុលណាត់ និងសណ្តែកសៀង ខណៈអាស៊ីដខ្លាញ់អូមេហ្កា ៣មានក្នុង ម្ហូបអាហារធម្មជាតិ និងអាហារបន្ថែម ប៉ុន្តែអាហារបន្ថែម អូមេហ្កា ៣ ណែនាំឲ្យប្រើតែពេលកំណត់ប្រភពការបរិភោគអាហារតែប៉ុណ្ណោះ។ ជាតិខ្លាញ់ត្រី ជាប្រភពចម្បងនៃពពួកខ្លាញ់អូមេហ្កា ៣ ហេតុនេះ របបអាហារប្រចាំថ្ងៃគួរណាស់បញ្ចូលសាច់ត្រី ២ ដង/សប្តាហ៍ ដូចជា ត្រីសាល់ម៉ុន ត្រីម្យ៉ាងស្រដៀងត្រីព្រួល (Trout) ត្រីស្បៃកា (Mackerel) ជាដើម។ ម្យ៉ាងទៀត គ្រាប់ធញ្ញជាតិ Flaxseed និងគ្រាប់វ៉ុលណាត់ ក៏ជាជម្រើសដ៏ល្អសម្រាប់គ្នាយើងចូលចិត្តញ៉ាំអាហារតែបន្លែ។
និយាយឲ្យខ្លីទៅ ខ្លាញ់សត្វមិនមែនសុទ្ធតែមិនល្អនោះទេ ហើយខ្លាញ់បានពីរុក្ខជាតិក៏មិនល្អ ១០០% ចំពោះសុខភាពដែរ។ ជំនួសឲ្យការជ្រើសរើសតែម្ខាងៗ យើងគួរជ្រើសរើសការប្រើខ្លាញ់ទាំងខ្លាញ់អាក្រក់ និងខ្លាញ់ល្អ ដោយវៃឆ្លាត។ ចាំថា ខ្លាញ់ជ្រៀតចូលក្នុងអាហារតាមរយៈ អាហារផ្អែមៗ បង្អែម ដំឡូងបំពង និងអាហារចៀន ឬអាហារបំពងផ្សេងទៀត ដូច្នេះត្រូវតែអានស្លាកសញ្ញាណែនាំគ្រប់ពេល។ លើសពីនេះទៀត អាហារស្រស់ៗតែងតែជាមិត្តល្អចំពោះសុខភាពយើង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម