home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ការ៉ុត ល្អ​ខ្លាំង​អ៊ីចឹងសោះ មិនមែនចាស់ៗចេះតែនិយាយទេ!

ការ៉ុត ល្អ​ខ្លាំង​អ៊ីចឹងសោះ មិនមែនចាស់ៗចេះតែនិយាយទេ!

កាល​ពី​នៅ​តូច​ៗ​យើង​តែង​តែ​លឺ​ចាស់​ៗ ​ប្រាប់​ឲ្យ​ញ៉ាំ​ការ៉ុត​ឲ្យ​ច្រើន​ ភ្នែក​យើងកាន់​តែ​ល្អ តែគ្នា​យើង​ខ្លះ​អត់​ជឿ ថែម​ទាំង​ថា ចាស់ៗ​ភក្មេងៗទៀត។ រឿង​នេះ ចាស់ៗ​អត់​ភ​ទេ អ្នក​វិទ្យាសាស្ត្រ​ក៏​រក​ឃើញ​ភស្តុតាង ​ការ៉ុត ​ពិត​ជា​ជួយ​សុខភាព​ភ្នែក​ប្រាកដ​មែន។ កត្តា​អី​ខ្លះ​បាន​គេ​ជឿ​ជាក់អ៊ីចឹង? មក​ស្វែង​យល់​ជា​មួយ “Hello គ្រូពេទ្យ” ទាំង​អស់​គ្នា។

១- ការ៉ុតសម្បូរ​ជាតិលុយទីន (Lutein)

ក្នុង​ការ៉ុត សម្បូរ​ទៅ​​ដោយជាតិ​លុយ​ទីន ដែល​ជា​សារធាតុ​ប្រឆាំង​នឹង​អុក​ស៊ីត​កម្ម​​មួយ អាច​ជួយ​ដល់​សុខភាព​យើង។ រាល់​អាហារ​ទាំង​ឡាយ​​ណាសម្បូរ​​ជាតិ​លុយ​ទីន ត្រូវ​បានទទួល​ស្គាល់​ ជា​ភ្នាក់ងារ​ជួយ​បង្កើន​ដង់​ស៊ីតេ​ជាតិ​ពណ៌​​ នៅ​ក្នុង​ស្រទាប់​ម៉ាខូឡ័រ (Macula) ដែល​វា​ជា​ស្រទាប់​ពណ៌​លឿង​ មាន​រាង​ពង​ក្រពើ ​ស្ថិត​នៅ​ចំ​​កណ្ដាល​ស្រទាប់​រ៉េទីន​នៃ​ភ្នែក។ នៅ​ពេល​​ដង់​ស៊ីតេ​ជាតិ​ពណ៌​កើន​ឡើង ស្រទាប់​រ៉េ​ទីន ​នឹង​មាន​ការ​ការ​ពារ​ខ្ពស់ ហើយ​បញ្ហា​ប្រឈម​ ជាមួយ​ការ​ខូច​ខាតកែវ ​ក៏​ត្រូវ​បាន​កាត់​បន្ថយ​ដូច​គ្នា។

២- ការ៉ុតផ្ដល់ជាតិការ៉ូតេណូអ៊ីត (Carotenoid)

ដើម្បី​ជួយ​ឲ្យ​ភ្នែក​មើល​ឃើញ​ច្បាស់ល្អ ​ត្រូវ​ញ៉ាំ​ជាតិ​ការ៉ូតេណូអ៊ីត អាច​ហៅ​ម្យ៉ាង​ទៀត​បាន​ថា បេតាការ៉ូតែន ​ឲ្យ​បាន​ច្រើន ដោយ​សារធាតុ​មួយ​នេះ​ ​មាន​ច្រើន​នៅ​ក្នុងមើម​ការ៉ុត។ ពេល​យើង​​ញ៉ាំ​ការ៉ុត ជាតិ​ការ៉ូតេណូអ៊ីត​នឹង​បម្លែង​ទៅ​ជា​វីតាមីន​ A អាច​យក​ប្រើ​ប្រាស់​បាន ​គេ​ហៅ​​បាន​ថា រ៉េទី​ណុល។ ដោយ​សារ​បេតា​ការ៉ូ​តែន​ មាន​សារៈ​សំខាន់​សម្រាប់​​យើង ​យក​មក​ផលិត​ជា​វីតាមីន A ហេតុ​​នេះ​ ​បើ​ក្នុង​ខ្លួន​មាន​បេតាការ៉ូតែន​មិន​គ្រប់​គ្រាន់ ​នឹង​ធ្វើ​ឲ្យ​ភ្នែក​មើល​មិន​ច្បាស់​នៅ​កន្លែង​ខ្សោយ​ពន្លឺ ក៏​ជា​មូលហេតុ​ ចាស់ៗ​​ចង់​ឲ្យ​ក្មេង​ៗ​ញ៉ាំ​ការ៉ុត​ឲ្យ​បាន​ច្រើននេះ​តែ​ម្តង។

រាល់​ពេល​អ្នក​ញ៉ាំ​ការ៉ុត យើង​ទទួល​​បាន​បេតាការ៉ូតែន​ចូល​ក្នុង​ខ្លួន ហើយ​​ធ្វើ​ដំណើរ​ទៅ​កាន់​ថ្លើម​ដោយ​ផ្ទាល់ ខណៈ​ថ្លើម​នឹង​បម្លែងសារធាតុ​នេះ ​ទៅ​ជា​វីតាមីន A ក្នុង​ទម្រង់​ផ្សេង​ទៀត។ ការ៉ូតែន ​ក៏​ចូល​រួម​ជួយជួយ​ភ្នែក ​តាម​វិធី​មួយ​ផ្សេង​ទៀត ​គឺ​នៅ​ពេល​​វាបម្លែង​ខ្លួន​ នឹង​ប្រែ​ទៅ​ជា​ជាតិ​ពណ៌​ម្យ៉ាង​ហៅ​ថា Rhodopsin (សារធាតុ​ប្រូតេអ៊ីន​ពណ៌​ ដែល​ឃើញ​មាន​ក្នុង​ស្រទាប់​រ៉េ​ទីននៃ​ភ្នែក)។

អត្ថបទពាក់ព័ន្ធ៖

៣- ការ៉ុតការពារជំងឺភ្នែក

គេ​រក​ឃើញ​វីតាមីន និង​សារធាតុ​ចិញ្ចឹម​ជា​ច្រើន​នៅ​ក្នុង​ការ៉ុត ដូច​ជា ​វីតាមីន C, E និង​វីតាមីន A។ ដោយ​សារ​តែ​សារធាតុ​ទាំង​នេះ​ហើយ ទើប​បាន​ជា​យើង​គ្រប់​គ្នា​គួរ​ញ៉ាំ​ការ៉ុត​ឲ្យ​បាន​ច្រើន ព្រោះ​​ជួយ​កាត់​បន្ថយ​ មិន​ឲ្យ​អ្នក​​កើត​ជំងឺ​ភ្នែក​ធ្ងន់​ធ្ងរ​មួយ​ចំនួន​ ​ដូច​ជា ជំងឺ​ភ្នែក​ឡើង​បាយ និង​បញ្ហា​ស្រទាប់​ម៉ាខូឡ័រខូច​ខាត​ពេល​យើង​ឈាន​ចូល​វ័យ​​កាន់​តែ​ចាស់។ ការ៉ុត ​ក៏​ត្រូវ​បាន​គេ​ទទួល​ស្គាល់​ ជា​ប្រភេទ​បន្លែ​មាន​វីតាមីន A​ ខ្ពស់ ​ដូច​នេះ​ គឺ​​មាន​សារៈ​ប្រយោជន៍​ជា​ច្រើន ​សម្រាប់គ្នា​យើង​​មាន​បញ្ហា​កង្វះ​វីតាមីន A។

សម្រាប់​ប្រទេស​កំពុង​អភិវឌ្ឍន៍​វិញ គេ​រក​ឃើញ​ថា​ រៀង​រាល់​ឆ្នាំមាន​ក្មេង​ៗរាប់​ពាន់​ធ្លាក់​ខ្លួន​ទៅ​ជា​ខ្វាក់​ភ្នែក ដោយ​សារ​តែ​កង្វះ​វីតាមីន A។ ដូច​នេះ​ ហើយ​រដ្ឋា​ភិបាល​គួរ​តែ​ណែ​នាំ​ឲ្យពលរដ្ឋ​ខ្លួន​ ញ៉ាំ​​ការ៉ុត​ឲ្យ​បាន​ជា​ប្រចាំ។

ដោយ​សារ​តែ​វីតាមីន និង​ជាតិ​រ៉ែ​​ក្នុង​ការ៉ុត​មាន​ច្រើន ញ៉ាំ​ការ៉ុត​ មាន​អត្ថ​ប្រយោជន៍​ច្រើន​ណាស់​ដល់រាងកាយ។ ​គួរ​ចេះ​​រក​វិធី ​យក​ការ៉ុត​លាយ​ជា​មួយ​អាហារ​ផ្សេង​ទៀត​ ដើម្បី​ធ្វើ​ឲ្យ​ម្ហូប​កាន់​តែ​មាន​ឱជារស និង​មាន​សារៈ​ប្រយោជន៍​ដល់​សុខ​ភាព។

ក្នុង​ករណី​មាន​សំណួរ ​ឬ​មន្ទិល​​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត​​សូម​ពិគ្រោះ​​ និង​ប្រឹក្សា​យោបល​ផ្ទាល់​ជាមួយ​គ្រូពេទ្យ​ជំនាញ​។ ​ Hello Health Group មិន​ចេញ​វេជ្ជ​បញ្ជា មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Fact or Fiction?: Carrots Improve Your Vision https://www.scientificamerican.com/article/fact-or-fiction-carrots-improve-your-vision/ Accessed April 1, 2017

Do Carrots Really Improve Your Eyesight? http://yoursightmatters.com/carrots-really-improve-eyesight/ Accessed April 1, 2017

Food Eye Effects: The Truth Behind Carrots and Vision http://eyecare2020.com/blog/2012/02/food-eye-effects-the-truth-behind-carrots-and-vision/ Accessed April 1, 2017

រូបថត​របស់​អ្នក​និពន្ធ
អត្ថបទដោយ ណៃ ទូច នៅ 21/08/2019
ត្រួតពិនិត្យ​ដោយ គឹម កាណែល
x