ជាទូទៅ អាការៈរមាស់រន្ធគូទ អាចធ្វើឲ្យយើងមានអារម្មណ៍មិនស្រួលក្នុងខ្លួន និងចេះតែចង់អេះមិនឈប់។ ពិតណាស់ ទោះបីជាអាការៈនេះ អាចបណ្ដាលមកពីសារធាតុគីមីដែលមាននៅក្នុងលាមកក៏ពិតមែន ប៉ុន្តែក៏បន្សល់ការរលាកនៃបរិវេណនោះដូចគ្នា ព្រមទាំងអាចធ្វើឲ្យយើងក្រហាយ និងឈឺចាប់ថែមទៀតផង។
ដឹងអត់ថា រមាស់រន្ធគូទបណ្ដាលមកពីកត្តាអ្វីខ្លះ? ដោះស្រាយបែបណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
រោគសញ្ញានៃការរមាស់រន្ធគូទ
ជាក់ស្ដែង ប្រសិនបើរន្ធគូទមានសំណើម សម្ពាធ ឬនៅពេលដែលយើងអង្គុយចុះ កម្រិតនៃភាពរមាស់នៅត្រង់បរិវេណរន្ធគូទ នឹងកើនឡើងទ្វេដង។ គ្នាយើងខ្លះអាចមានរោគសញ្ញាទាក់ទងនឹងរមាស់រន្ធគូទ ដូចខាងក្រោម៖
- លាមកមានឈាម
- ហូរឈាមនៅត្រង់រន្ធគូទ
- រមាស់លិង្គ
មូលហេតុបង្កនៃការរមាស់រន្ធគូទ
- សារធាតុគីមីនៅក្នុងអាហារដែលយើងញ៉ាំ ដូចជានៅក្នុងគ្រឿងទេស និងម្ទេសប្លោក
- ការរលាកដោយសារសំណើមនៅក្នុងរន្ធគូទ ដែលបណ្ដាលមកពីលាមករាវ រាករូស
- សំណើមបង្កើនលទ្ធភាពនៃការឆ្លងមេរោគនៅរន្ធគូទ ជាពិសេសមេរោគផ្សិតចំពោះអ្នកជំងឺទឹកនោមផ្អែម ឬជំងឺអេដស៍
- ការប្រើប្រាស់ថ្នាំផ្សះក៏អាចនាំឲ្យមានការឆ្លងមេរោគផ្សិត និងការរលាករន្ធគូទដូចគ្នា
- ជំងឺស្បែកPsoriasis
- នៅក្នុងករណីកម្រខ្លះ ដុំសាច់នៃរន្ធគូទ (មហារីករន្ធគូទ) ក៏អាចជាមូលហេតុនេះការរមាស់នេះដែរ
- ពពួកប៉ារ៉ាស៊ីត (Pinworms)
- ជំងឺឫសដូងបាត
- ការរលាត់ស្បែករន្ធគូទ និង
- ការដុះសាច់មិនប្រក្រតីនៃស្បែករន្ធគូទ
អត្ថបទគួរអាន៖
- វ៉ាក់សាំងសំខាន់ណាស់! កុំដឹងតែទៅចាក់ ហើយអត់ខ្វល់ រឿងពិតមួយចំនួនត្រូវដឹង
- វ៉ាក់សាំងរលាកស្រោមខួរមានប៉ុន្មានប្រភេទ? ត្រូវចាក់ឲ្យកូននៅអាយុប៉ុន្មានខ្លះ?
- វ៉ាក់សាំងរាកសំខាន់ចំពោះទារក ម៉ាក់ប៉ាមិនគួររំលង
- វ៉ាក់សាំងមហារីមាត់ស្បូន មិនមែនចាក់តែស្រីៗទេ ប្រុសក៏ត្រូវចាក់ដែរ
- ដឹងពីប្រភេទវ៉ាក់សាំងមហារីកមាត់ស្បូនសិន ចាំសម្រេចចិត្តចាក់មួយណា
- វ៉ាក់សាំងការពារកញ្រ្ជឹល មិនមែនជាមូលហេតុកើតមានជំងឺអូទីស្សឹមលើក្មេងៗទេ
គន្លឹះដោះស្រាយបញ្ហារមាស់រន្ធគូទ
ការថែទាំបរិវេណរន្ធគូទឲ្យស្អាត និងស្ងួតល្អជារឿងដ៏សំខាន់មួយ។ ជាងនេះទៅទៀត យើងគួរតែជៀសវាងបន្សល់សាប៊ូនៅបរិវេណនោះ។ ក្រោយបន្ទោបង់រួច គួរប្រើកំណាត់ដែលមានជាតិសំណើម (ដូចជាកំណាត់សើមរបស់ទារក) ដើម្បីសម្អាតរន្ធគូទ ជំនួសឲ្យក្រដាសអនាម័យ ទើបជាការប្រសើរ ឬប្រើទឹកលាងសម្អាត។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម