យើងសុទ្ធតែដឹងច្បាស់ហើយ ហាត់ប្រាណជួយឲ្យសុខភាពល្អ រស់បានយូរ។ ជាក់ស្តែង ទម្លាប់រស់នៅមិនហាត់ប្រាណ ឬហាត់តិចតួចរបស់ពលរដ្ឋអង់គ្លេស នាំឲ្យមួយឆ្នាំៗមានមនុស្សស្លាប់ដល់ទៅ ៥ ម៉ឺននាក់ ក្នុងនោះ ១២% សុទ្ធតែមនុស្សមិនសូវហាត់ប្រាណ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ដោយសារខ្ជិលហាត់ប្រាណ ពលរដ្ឋអង់គ្លេសស្លាប់មួយឆ្នាំៗរាប់ម៉ឺននាក់
ការសិក្សាថ្មីមួយធ្វើឡើងផ្តោតសំខាន់កំណត់ផលប៉ះពាល់ក្នុងទម្លាប់រស់នៅ ការចំណាយសេវាសុខាភិបាលជាតិ និងកំណើនអ្នកស្លាប់នៅអង់គ្លេស ខណៈសិក្សាបន្ទាប់ផ្តោតសំខាន់លើក្រុមមនុស្សធ្វើការ ចាំបាច់ត្រូវហាត់ប្រាណ ១ ម៉ោង ដូចជា ដើរ ដើម្បីទប់ទល់នឹងផលប៉ះពាល់រយៈពេល ១ ថ្ងៃ នៅក្នុងការិយាល័យ។
អ្នកស្រាវជ្រាវបញ្ជាក់ថា ៣០% ក្នុងចំណោមមនុស្សពេញវ័យនៅអង់គ្លេស បានចំណាយពេលយ៉ាងតិច ៦ ម៉ោង/ថ្ងៃ ជាមួយការធ្វើសកម្មភាពតិចតួចប៉ុណ្ណោះអំឡុងថ្ងៃធ្វើការ និងកើនឡើងដល់ ៣៧% នៅថ្ងៃចុងសប្ដាហ៍។
ការសិក្សានេះ រួមមានទិន្នន័យពីការសិក្សាជាច្រើន ពិនិត្យភាពជំពាក់ជំពិនរវាងការអង្គុយយូរ និងហានិភ័យនៃជំងឺផ្សេងៗ។ គំរូសិក្សាដោយសាកលវិទ្យាល័យ Queen’s University បង្ហាញថា ពលរដ្ឋអង់គ្លេសជាង ៦.៩០០០នាក់ បានស្លាប់ក្នុងមួយឆ្នាំ ពាក់ព័ន្ធជាមួយនឹងការធ្វើសកម្មភាពតិចតួច។
អ្នកស្រាវជ្រាវបន្ថែមថា ផលប៉ះពាល់ក្នុងទម្លាប់រស់នៅ កាន់តែបង្កការប្រឈមខ្ពស់ជាមួយជំងឺជាច្រើន ដូចជា ជំងឺបេះដូង ទឹកនោមផ្អែម និងមហារីក សរុបទៅស្មើប្រមាណជិត ១ ប៊ីលានដុល្លារក្នុងការចំណាយសេវាសុខាភិបាលជាតិប្រចាំឆ្នាំ។
ការសិក្សាពីមុនបានបង្ហាញថា ការចំណាយពេលអង្គុយនៅតុធ្វើការ ដោយគ្មានសកម្មភាពរាងកាយ អាចបង្កើនហានិភ័យ នៃអត្រាស្លាប់រហូតដល់ ៦០ ភាគរយ។
អត្ថបទពាក់ព័ន្ធ៖
- ធ្លាប់សុខៗលែងមានអារម្មណ៍ធ្វើការអត់? នេះហើយជាមូលហេតុ
- តិចនិកលើកទឹកចិត្តខ្លួនឯង ធ្វើម៉េចឲ្យមានសុខភាពល្អ
លោក Leonie Heron សាស្ត្រាចារ្យមជ្ឈមណ្ឌលសុខាភិបាលសាធារណៈនៃសាកលវិទ្យាល័យ Queen’s University បានបញ្ជាក់ថា “បុគ្គលជាច្រើននៅអង់គ្លេសបានចំណាយពេលលំហែដោយអាកប្បកិរិយាស្ងៀមស្ងាត់ ខណៈកន្លែងធ្វើការសម្រាប់មនុស្សភាគច្រើន តែងចំណាយពេលវេលាអង្គុយជាច្រើនម៉ោង”។
ពាក់ព័ន្ធនឹងបញ្ហានេះ លោក Steven Ward នាយកប្រតិបត្តិអង្គការ UKActive លើកឡើងថា មនុស្សគួរធ្វើសកម្មភាពឲ្យច្រើន។ លោកព្រមានថា “ការអង្គុយច្រើន គឺជាសេចក្តីស្លាប់“។ លោកថា វាចាំបាច់ផ្លាស់ប្ដូររបៀបរបបរស់នៅធំដុំអីទេ គ្រាន់តែបង្កើតសកម្មភាពនៅក្នុងជីវិតប្រចាំថ្ងៃ ជាចំណុចអស្ចារ្យមួយ ដើម្បីចាប់ផ្ដើម ដូចជា ការឈរនៅលើរថយន្តក្រុង ជាជាងអង្គុយនៅលើកៅអី ឬការឆ្លើយឆ្លងតាមទូរសព្ទនៅកន្លែងធ្វើការដោយឈរ ជាជាងអង្គុយចុះ ក៏អាចកាច់បន្ថយហានិភ័យជំងឺជាច្រើនបានដូចគ្នា។
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Share