backup og meta

សញ្ញាខ្សោយបេះដូង យើងគួរចំណាំហើយដឹងវិធីដោះស្រាយ

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Leng Pechsovatey · កែ Jan 12, 2022

    សញ្ញាខ្សោយបេះដូង យើងគួរចំណាំហើយដឹងវិធីដោះស្រាយ

    ធ្លាប់អត់ នៅសុខៗ ស្រាប់តែចុកទ្រូង ញ័រទ្រូង ថប់ដង្ហើម វិលមុខ បេះដូងលោតញាប់ខុសធម្មតា? វាអាចបង្កគ្រោះថ្នាក់ដល់ជីវិតបាន។ ថ្ងៃនេះ “Hello គ្រូពេទ្យ” នឹងលម្អិតពាក់ព័ន្ធជំងឺខ្សោយបេះដូង និងវិធីបង្ការក្រោយកើតជំងឺ។ វាជាជំងឺបង្កឡើង ពេលបេះដូងមិនអាចច្របាច់ឈាម ឬឈាមមិនអាចបំពេញឲ្យបេះដូងគ្រប់គ្រាន់ ធ្វើឲ្យបេះដូងធ្វើការកាន់តែញាប់ ដើម្បីនាំឈាមទៅសារពាង្គកាយ។ រោគសញ្ញានេះមានខុសៗគ្នា ចាប់ពីខ្សោយទៅធ្ងន់ ឬអាចឈានដល់បាត់បង់ជីវិតទៀត។

    ១- រោគសញ្ញាខ្សោយបេះដូង

    ដំបូង អាចគ្មានរោគសញ្ញា តែយូរៗទៅ បេះដូងមិនច្របាច់យកឈាមបានល្អ នាំឲ្យស្ថានភាពកាន់តែធ្ងន់ទៅៗ នឹងបណ្តាលឲ្យ៖

    – ហត់ វិលមុខ

    – ហើមជើង កជើង ឬក្បាលពោះ

    ចង្វាក់បេះដូងលោតញាប់ទាំងពេលកំពុងគេង

    ពិបាកដកដង្ហើម នាំឲ្យពេលគេងត្រូវកើយខ្នើយច្រើនជាន់។

    ស្ទះសរសៃឈាមបេះដូង

    ២- តេស្តរកជំងឺខ្សោយបេះដូង

    មានវិធីជាច្រើនសម្រាប់ធ្វើតេស្តរកមើលជំងឺនេះ ដោយធ្វើតាមការណែនាំពីពេទ្យ ពេលសង្ស័យមានជំងឺខ្សោយបេះដូង៖

    – វាស់ចង្វាក់បេះដូង

    – អេកូបេះដូង

    – វាស់ចង្វាក់បេះដូងពេលហាត់ប្រាណ

    – ថតកាំរស្មី X លើទ្រូង

    – ធ្វើតេស្តឈាម

    – ឆ្លុះសរសៃឈាមបេះដូង និងដាក់ឧបករណ៍ចូលសរសៃឈាមបេះដូងដើម្បីពិនិត្យ។

    ៣- ផលវិបាក

    បើមិនព្យាបាល វានឹងវិវត្តធ្ងន់ទៅៗ អាចបណ្តាលឲ្យគ្រោះថ្នាក់ដល់ជីវិត ហើយការព្យាបាល អាចកាត់បន្ថយរោគសញ្ញា បន្ថយផលវិបាក ពន្យារ ឬបញ្ឈប់ការវិវត្ដរបស់ជំងឺ។ ផលវិបាកបង្កដោយខ្សោយបេះដូង អាចវិវត្តទៅជា៖

    – ចង្វាក់បេះដូងដើរមិនទៀងទាត់

    – ជំងឺតម្រងនោម

    – ជំងឺថ្លើម។

    ស្វែងយល់ពី​ជំងឺបេះដូងច្រើនទៀត​ចុចទីនេះ

    ចង់ដឹងពី​កម្រតិចង្វាក់បេះដូងលោតចុចទីនេះ

    ៤- វិធីការពារបេះដូង ក្រោយកើតជំងឺខ្សោយបេះដូង

    ខ្សោយបេះដូងមានវិធីសាស្ត្រដើម្បីការពារ ធ្វើឲ្យសុខភាពធូរស្រាល មិនចាំបាច់ទៅមន្ទីរពេទ្យញឹកញាប់​ក៏​បាន គ្រាន់តែ៖

    – លេបថ្នាំតាមការកំណត់ ទោះមានអារម្មណ៍ធូរស្រាល ឬធម្មតាក៏ដោយ

    – សម្គាល់រោគសញ្ញាខ្លួនឯង និងអនុវត្តតាមវេជ្ជបញ្ជា

    – ឡើងទម្ងន់ ត្រូវប្រាប់គ្រូពេទ្យ

    – ហាមញ៉ាំប្រៃពេក

    – បញ្ចុះគីឡូ បើលើសទម្ងន់

    – ឈប់ជក់បារី

    – បន្ថយផឹកស្រា

    – ហាត់ប្រាណ ឬធ្វើឲ្យរាងកាយសកម្ម

    – ពិគ្រោះជាមួយពេទ្យ មុនលេបថ្នាំណាមួយ។

    ខ្សោយបេះដូង ជាជំងឺឧស្សាហ៍ឃើញលើមនុស្សចាស់ ប៉ុន្តែមិនមានន័យថាក្មេងមិនមានទេ។ ទោះមិនអាចព្យាបាលជាទាំងស្រុង តែកុំអស់សង្ឃឹម នៅតែអាចព្យាបាល ឬជួយបន្ធូររោគសញ្ញាបាន។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Leng Pechsovatey · កែ Jan 12, 2022

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម