ជំងឺសរសៃឈាមបេះដូង ជាជំងឺធ្ងន់ធ្ងររហូតដល់ប៉ះពាល់អាយុជីវិត បើយើង ឬសមាជិកក្នុងគ្រួសារ គ្មានរបបអាហារសុខភាព និងរបៀបរស់នៅគ្មានតុល្យភាព។ ជំងឺនេះពាក់ព័ន្ធយ៉ាងខ្លាំងជាមួយទឹកនោមផ្អែម និងលើសឈាម។ ការពាក់ព័ន្ធគ្នានេះ បង្កឲ្យអ្នកជំងឺឈឺម្ដង ៣ មុខនេះបាន។ ចង់ដឹងវាពាក់ព័ន្ធបែបណា “Hello គ្រូពេទ្យ” បកស្រាយខាងក្រោម៖
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
អាចកើតម្ដង៣! លើសឈាម ទឹកនោមផ្អែម និងសរសៃឈាមបេះដូងបើមិនប្រយ័ត្ន
១- ទឹកនោមផ្អែម និងជំងឺសរសៃឈាមបេះដូង
ពេលរាងកាយអសមត្ថភាពគ្រប់គ្រងជាតិស្ករក្នុងឈាមហើយ ទឹកនោមផ្អែមនឹងលេចរូបរាងជាមិនខាន។ បើបណ្ដោយយូរៗទៅ វានឹងបង្កឲ្យមានផលវិបាកផ្សេងៗទៀត ដូចជា កកជាតិខ្លាញ់តាមសរសៃឈាម ប្រតិកម្មសំយោគជាតិស្ករ និងខ្លាញ់ខុសប្រក្រតី ដែលមុន និងក្រោយ នឹងវិវត្តទៅជាជំងឺដាច់សរសៃឈាមខួរក្បាល ជំងឺខ្វះឈាមចិញ្ចឹមបេះដូង និងជំងឺសរសៃឈាមបេះដូង។
២- ទឹកនោមផ្អែម និងលើសឈាម
អ្នកទឹកនោមផ្អែម មានខ្លាញ់ល្អតិចទៅៗ ហើយខ្លាញ់មិនល្អវិញ កើនឡើងក្នុងរាងកាយច្រើន។ ត្រង់នេះធ្វើឲ្យឱកាសមានជំងឺគាំងបេះដូង និងដាច់សរសៃឈាមបេះដូង កាន់តែខ្ពស់។ ផលវិបាកធំបំផុតរបស់ទឹកនោមផ្អែម គឺនាំឲ្យកើតជំងឺលើសឈាម ហើយរឿងលើសឈាមទៀតសោត អាចធ្វើឲ្យអ្នកទឹកនោមផ្អែមស្លាប់មួយរំពេច។
៣- លើសឈាម ទឹកនោមផ្អែម និងជំងឺសរសៃឈាមបេះដូង
កាលណាជាតិស្ករក្នុងឈាមឡើងខ្ពស់ កំហាប់ឈាមកើនឡើងដែលងាយឲ្យមានការកកស្ទះក្នុងសរសៃឈាម និងបង្កឲ្យមានសម្ពាធឈាមកើនឡើងផងដែរ។ បើមិនព្យាបាលទាន់ពេលទេនោះ ជំងឺមួយនឹងបង្កើតជំងឺមួយទៀតជាមិនខាន ពោលគឺលើសឈាមហ្នឹងឯង។
ផលវិបាក គឺមានច្រើន និងចោទជាបញ្ហាសុខភាពយ៉ាងធ្ងន់ធ្ងរ។ សរីរាង្គដែលប៉ះពាល់បន្តទៀត គឺខួរក្បាល តម្រងនោម ភ្នែក ពិសេសគឺបេះដូងផ្ទាល់តែម្ដង។ យូរៗទៅ សាច់ដុំបេះដូងក៏រីកមាឌឡើងក្រាស់ដែលបណ្ដាលឲ្យច្របាច់ឈាមទៅចិញ្ចឹមរាងកាយមិនគ្រប់គ្រាន់។ មូលហេតុនេះហើយដែលធ្វើឲ្យឈាមក្នុងសរសៃវ៉ែនចាល់ ហើយមិនយូរមិនឆាប់មុខតែកើតជំងឺខ្សោយបេះដូង ហើយក៏មានជំងឺកាចសាហាវផ្សេងៗទៀត ដូចជា ស្ទះសរសៃឈាមបេះដូង ហើមដក់សរសៃឈាម និងរហែកស្រទាប់សរសៃអាអក ដែលអាចកើតបានគ្រប់ពេល។
ស្វែងយល់ពីជំងឺបេះដូងច្រើនទៀតចុចទីនេះ
ចង់ដឹងពីកម្រតិចង្វាក់បេះដូងលោតចុចទីនេះ
គួរយកចិត្តទុកដាក់ឲ្យច្រើន ជាពិសេសចំពោះចាស់ៗក្នុងផ្ទះ ព្រោះជំងឺលើសឈាម បញ្ហាបេះដូង ឬទឹកនោមផ្អែមអី សុទ្ធតែអាចកើតបានងាយបំផុតចំពោះមនុស្សចាស់ក្នុងផ្ទះ ដោយសារកត្តាអាយុ របបចំណីចំណុក មិនហាត់កីឡាសោះ ឬធាត់លើសគីឡូ។
រង្វាស់ចង្វាក់បេះដូង
លោកអ្នកអាចគណនាដឹងពី "អត្រាបេះដូងលោតពេលសម្រាក" ធម្មតា និងអតិបរមា ទៅតាមកម្រិតអាយុ របៀបហាត់ប្រាណ និងសកម្មភាពផ្សេងទៀតដែលអាចជះឥទ្ធិពលដល់ ចង្វាក់បេះដូងលោត។
ប្រុស
ស្រី
អ្នកពិនិត្យឲ្យអ្នកណាដែរ?
អត្រាបេះដូងលោតពេលសម្រាក របស់អ្នកចំនួនប៉ុន្មានដែរ? (ដង/នាទី)
60
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Cardiovascular Disease & Diabetes, http://www.heart.org/HEARTORG/Conditions/Diabetes/WhyDiabetesMatters/Cardiovascular-Disease-Diabetes_UCM_313865_Article.jsp/#.V_0rMuV97Dc, Accessed October 6th, 2016.
Diabetes, Hypertension and Cardiovascular Disease, http://hyper.ahajournals.org/content/37/4/1053, Accessed October 6th, 2016.
Share