វិធីមានប្រសិទ្ធភាពបំផុតការពារលើសឈាមពេលពពោះ
ត្រួតពិនិត្យដោយ គឹម កាណែល
ស្រីៗគ្នាយើងធ្លាប់ពពោះ យល់អារម្មណ៍នេះច្បាស់ជាងគេ ព្រោះកំពុងពពោះថាវាពិបាកម្យ៉ាងហើយ ស្រាប់តែសុខៗសម្ពាធឈាមឡើងខ្ពស់ថែមទៀត កាន់តែពិបាកមួយកម្រិតទៀត មិនអ៊ីចឹង? ឈប់បារម្ភទៅគ្នាយើង “Hello គ្រូពេទ្យ” មានវិធីការពារពិសេសចង់ណែនាំ។
លើសឈាមពេលពពោះ (Gestational hypertension) សំដៅលើស្ថានភាពស្រីៗគ្នាយើងកំពុងពពោះស្រាប់តែឡើងសម្ពាធឈាម បន្ទាប់ពីបេប៊ីក្នុងផ្ទៃមានអាយុ ២០ សប្ដាហ៍ឡើង។ ទោះបី ស្ថានភាពនេះតែកើតជាទូទៅក៏ពិតមែន ប៉ុន្តែស្រីៗមានផ្ទៃពោះភាគច្រើន កើតជំងឹនេះ អាចរងផលវិបាកធ្ងន់ធ្ងរជាច្រើន។
កត្តាហានិភ័យខ្ពស់លើស្រីៗកំពុងពពោះ
– ទើបពពោះដំបូង
– អាយុក្រោម ២០ឆ្នាំ ឬចាស់ជាង ៤០ឆ្នាំ
– ពពោះកូនច្រើន
– បងស្រី ឬម៉ាក់ធ្លាប់មានជំងឺលើសឈាមពេលពពោះ
– ធាត់លើសគីឡូ មានជំងឺលើសឈាម ឬជំងឺតម្រងនោម មុនមានទៃពោះ។
ទោះគ្មានវិធីបង្ការពិតប្រាកដក៏ដោយ តែអាចព្យាយាមសាកល្បងវិធីនេះបាន
១- តាមដានជាមួយពេទ្យ
អំឡុងមានផ្ទៃពោះ ហើយសង្ស័យមានជំងឺនេះ សូមប្រញាប់ទៅជួបពេទ្យរាល់ការណាត់ ព្រោះបើពេទ្យពិនិត្យឃើញថា សុខភាពមានបញ្ហាកាន់តែលឿន នោះការព្យាបាលកាន់តែមានប្រសិទ្ធភាព និងងាយជោគជ័យ។ សូមពិគ្រោះជាមួយពេទ្យពីវិធីគ្រប់គ្រងសម្ពាធឈាម។
២- ញ៉ាំវីតាមីន
ទទួលបានវីតាមីនគ្រប់គ្រាន់ជួយឲ្យបេប៊ីក្នុងផ្ទៃលូតលាស់ល្អ ហើយសុខភាពទាំងម៉ាក់ៗ និងអូនៗក៏ល្អដូចគ្នា។ អាស៊ីដហ្វូលីក (Folic acid) និងកាល់ស្យូម អាចជួយកាត់បន្ថយហានិភ័យនាំឲ្យលើស សម្ពាធឈាមពេលពពោះបាន។
៣- របបអាហារល្អ
ពិភាក្សាជាមួយពេទ្យពីទម្ងន់ដែលសក្តិសមសម្រាប់យើង និងកម្រិតអំបិល (ជាតិប្រៃ) គួរញុំា។ ញុំាអាហារមានជីវជាតិគ្រប់មុខ ដូចជា ផ្លែឈើ បន្លែ សាច់សុទ្ធ នំប៉័ងស្រូវសាលី និងផលិតផលមានខ្លាញ់ទាប ព្រមទាំងកុំជក់បារី និងផឹកស្រា។
៤- ហាត់ប្រាណឲ្យទៀងទាត់
ហាត់ប្រាណសំខាន់ណាស់សម្រាប់សុខភាពម៉ាក់ៗ និងអូនៗក្នុងផ្ទៃ។ គ្នាយើងធាត់លើសគីឡូ ដើររាល់ថ្ងៃអាចជួយសម្ពាធឈាមធ្លាក់ចុះ។ ប៉ុន្តែ គួរពិគ្រោះជាមួយពេទ្យជាមុន ថាត្រូវហាត់ប្រាណបែបណាទើបល្អ។
ទោះបីជាស្ថិតក្នុងស្ថានភាពបែបណា ត្រូវចាំថា ញុំាអាហារមានជីវជាតិគ្រប់គ្រាន់ និងហាត់ប្រាណឲ្យទៀងទាត់ អាចជួយបានច្រើនអំឡុងពេលពពោះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម