ពេលពពោះគួរឲ្យខ្លាចបំផុត គឺរឿងលើសឈាមនេះឯង មិនថាស្រីៗពពោះមានជំងឺនេះពីមុន ឬទើបចាប់ផ្តើមឡើងសម្ពាធឈាមនៅត្រីមាសទី១ នោះទេ សុទ្ធតែគួរឲ្យបារម្ភ។ ហេតុនេះត្រូវចេះ តាមដាន និងគ្រប់គ្រងសម្ពាធឈាម ព្រោះអាចបង្កជាជំងឺបម្រុងក្រឡាភ្លើង អាចស្លាប់ទាំងម៉ាក់ៗ ទាំងកូន។ “Hello គ្រូពេទ្យ” នឹងណែនាំវិធីតាមដាន គ្រប់គ្រងសម្ពាធឈាមពេលពពោះឲ្យស្រីៗយើងបានដឹង។
លើសឈាមពេលពពោះ មិនល្អទេ! នេះជាវិធីបង្ការ និងតាមដាន
១- ជំងឺលើសឈាម និងផលវិបាកចំពោះស្រីៗមានផ្ទៃពោះ
ជំងឺលើសឈាម បង្កបញ្ហាជាច្រើនចំពោះស្រីៗកំពុងមានផ្ទៃពោះ ដោយអាចបង្កផលវិបាករហូតដល់ទៅ ១០% ក្នុងចំណោមស្រីៗមានផ្ទៃពោះទាំងអស់ទូទាំងពិភពលោក។ ជំងឺនេះអាចលេចចេញជាការលើសឈាមមុនពេលមានផ្ទៃពោះ ឬសម្ពាធឈាមចាប់ផ្តើមឡើងខ្ពស់នៅអំឡុងត្រីមាសទី១ ក្រោយមានផ្ទៃពោះ។
លើសឈាមពេលពពោះ ត្រូវបានចាត់ទុកថាជាជំងឺរុំារ៉ៃ ឬ លើសឈាមពេលពពោះ ក្រឡាភ្លើង ពីលើការលើសឈាមរុំារ៉ៃ និងលើសឈាមពេលមានផ្ទៃពោះ។ ជំងឺទាំងនេះធ្វើឲ្យទារកកើតមកមានទម្ងន់មិនគ្រប់ ឬកើតមុនខែ។
បម្រុងក្រឡាភ្លើង នាំធ្វើឲ្យមានការលើសឈាមរុំារ៉ៃ ត្រូវបានកំណត់ដោយការឡើងសម្ពាធឈាម ការលើសជាតិប្រូតេអ៊ីននៅក្នុងទឹកនោម ហើមប្រអប់ជើង ជើង និងដៃ។ ជំងឺអាចកើតឡើងមុនពេលមានផ្ទៃពោះ និងលេចចេញរោគសញ្ញាអំឡុងពេលកំពុងពពោះ។
បើមិនបានព្យាបាលលើសឈាមពេលពពោះឲ្យត្រឹមត្រូវនោះទេ អាចវិវត្តទៅជាជំងឺក្រឡាភ្លើង ធ្វើឲ្យស្ថានភាពការតែធ្ងន់ធ្ងរ អាចប្រកាច់នាំគ្រោះថ្នាក់ទាំងម៉ាក់ និងគភ៌ក្នុងផ្ទៃ និងឈានដល់ស្លាប់ទៀតផង។
ព្យាបាលក្រឡាភ្លើង មានតែវិធីមួយគត់ គឺត្រូវបង្កើតកូនឲ្យបានលឿនបំផុត ទោះជាអាចធ្វើឲ្យទារកស្លាប់ក៏ដោយ។ ហេតុនេះ ស្រីៗគ្រប់រូបគួរតែបង្ការកុំឲ្យលើសឈាម និងគ្រប់គ្រងសម្ពាធឈាមឲ្យបានល្អ។
២- បង្ការ និងគ្រប់គ្រងសម្ពាធឈាមពេលពពោះ
ពិនិត្យឲ្យបានទៀងទាត់
ត្រូវទៅពិនិត្យទឹកនោម និងសម្ពាធឈាមឲ្យបានទៀងទាត់ មុនពេលសម្រាលចូលមកដល់។ បើសិនជាយើងមានជំងឺលើសឈាមរួចហើយនេះ រឹតតែត្រូវពិនិត្យឲ្យបានទៀងទាត់ ដើម្បីកុំឲ្យមានការប៉ះពាល់ដល់ការលូតលាស់គភ៌ក្នុងផ្ទៃ និងបង្ការកុំឲ្យវិវត្តទៅជាជំងឺបម្រុងក្រឡាភ្លើង។
រោគសញ្ញាចម្បងនៃជំងឺបម្រុងក្រឡាភ្លើង គឺកម្រិតមិនប្រក្រតីរបស់ប្រូតេអ៊ីនក្នុងទឹកនោម។ បម្រុងក្រឡាភ្លើង អាចមានលើស្រីៗមានផ្ទៃពោះជាយូរហើយ ប៉ុន្តែមិនទាន់ចេញជារោគសញ្ញា ខណៈរោគសញ្ញាអាចចេញនៅចន្លោះពេលទៅពិនិត្យ ហេតុនេះទើបត្រូវធ្វើការតាមដាននៅផ្ទះបន្ថែម។
ប្រើប្រាស់ថ្នាំ
បើយើងប្រើថ្នាំលើសឈាម ត្រូវប្រាប់គ្រូពេទ្យ ពេលចង់ធ្វើការពន្យារកំណើត ឬមានកូន។ គ្រូពេទ្យអាចនឹងប្តូរថ្នាំឲ្យយើងប្រើប្រាស់ ព្រោះថ្នាំលើសឈាមខ្លះ អាចមានគ្រោះថ្នាក់ដល់គភ៌ក្នុងផ្ទៃ ដោយសារឈាមហូរទៅចិញ្ចឹមសុក និងទារកមិនគ្រប់គ្រាន់។
នៅពាក់កណ្តាលនៃការផ្ទៃពោះដំបូង សម្ពាធឈាមយើងអាចធ្លាក់ចុះ ជាហេតុយើងមិនអាចប្រើថ្នាំលើសឈាមមួយរយៈ ប៉ុន្តែត្រូវស្ថិតនៅក្រោមការគ្រប់គ្រងរបស់គ្រូពេទ្យ។ បើសិនយើងលេបថ្នាំរហូតពេលមានផ្ទៃពោះ យើងត្រូវផឹករហូតដល់ពេលសម្រាលដូចគ្នា។ ត្រូវលេបថ្នាំឲ្យបានត្រឹមត្រូវតាមវេជ្ជបញ្ជា ព្រោះថ្នាំមានសុវត្ថិភាព ត្រូវតែជាថ្នាំមានការណែនាំដោយគ្រូពេទ្យ និងមានកម្រិតថ្នាំត្រឹមត្រូវ។
អត្ថបទពាក់ព័ន្ធ៖
- ស្រីកំពុងពពោះ ប្រើថ្នាំពេទ្យ ថ្នាំបុរាណ ប៉ះពាល់អត់?
- ប្រយ័ត្នបំផុត! ស្ត្រីពពោះ អាចប្រឈមជំងឺដាច់សរសៃឈាមខួរក្បាល
បញ្ចេញសកម្មភាពរាងកាយ
ធ្វើឲ្យខ្លួនសកម្ម ឬធ្វើលំហាត់ប្រាណ ដូចជា ដើរ ឬហែលទឹក អាចជួយឲ្យសម្ពាធឈាមស្ថិតនូវកម្រិតមួយធម្មតា។ ពិភាក្សាជាមួយគ្រូពេទ្យសម្រាប់លំហាត់ប្រាណល្អសម្រាប់យើងអំឡុងពេលកំពុងពពោះ។ បញ្ចេញសកម្មភាពផ្សេងៗ គឺគ្មានគ្រោះថ្នាក់ចំពោះស្រីៗមានផ្ទៃពោះ និងមានជំងឺលើសឈាមនោះទេ។ តាមពិតទៅ ធ្វើការឲ្យបានច្រើនអំឡុងពេលមានផ្ទៃពោះ អាចបន្ថយហានិភ័យជំងឺបម្រុងក្រឡាភ្លើង។
បើយើងមិនមានបញ្ហា ឬមានជំងឺទាមទារឲ្យសម្រាកលើគ្រែ អាចចាប់ផ្តើមធ្វើលំហាត់ប្រាណស្រាលៗ ហើយបង្កើនវាបន្តិចម្តងៗ។ គួរចៀសវាងសកម្មភាពណាដែលធ្វើឲ្យងាយធ្លាក់ ដួល ដូចជា ជិះសេះ លេងបាល់ទាត់ ឬវាយតេន្នីសជាដើម។
ត្រួតពិនិត្យទម្ងន់
វាជារឿងសំខាន់ណាស់ក្នុងការតាមដានទម្ងន់អំឡុងពេលមានផ្ទៃពោះ។ គ្រូពេទ្យនឹងប្រាប់យើងពីទម្ងន់សមស្របដែលបញ្ជាក់ថាយើងមានសុខភាពល្អ ទៅតាមតម្រូវការលូតលាស់គភ៌ក្នុងផ្ទៃ និងទម្ងន់យើងមុនពេលមានផ្ទៃពោះ។ ធាត់លើសទម្ងន់អាចជាសញ្ញាមួយ មានផលប៉ះពាល់ដល់សម្ពាធឈាម អាចធ្វើឲ្យរមួលក្រពើ ទឹកនោមផ្អែម ឈឺសន្លាក់ ក្រហាយចុងដង្ហើម ឈឺខ្នង និងហត់អំឡុងពេលមានផ្ទៃពោះ។ កែប្រែទម្លាប់រស់នៅប្រចាំថ្ងៃ ដើម្បីកុំឲ្យឡើងទម្ងន់ចាប់ពីពេលមានផ្ទៃពោះខែដំបូងទៅ បែបនេះអាចកាត់បន្ថយលើសឈាមពេលពពោះបាន។
គ្រប់គ្រងរបបអាហារឲ្យមានតុល្យភាព
ញុំាអាហារមានតុល្យភាព និងញ៉ាំអាហារមានជាតិប្រៃតិច អាចជួយបន្ថយការលើសសម្ពាធឈាម។ ញ៉ាំអាហារមានតុល្យភាព ក៏អាចជួយឡើងទម្ងន់ដែលស្ថិតក្នុងស្ថានភាពសុខភាពល្អ។ ស្រីៗគួរញុំាអាហារមានជាតិប្រូតេអ៊ីន ដូចជា បន្លែ ផ្លែឈើ គ្រាប់ធញ្ញជាតិ និងផលិតផលមានជាតិខ្លាញ់ទាប។ គ្រាប់ធុញ្ញជាតិសម្បូរទៅដោយសារធាតុសរសៃ អាចជួយបន្ថយសម្ពាធឈាមបាន។ ក្នុងពេលមានផ្ទៃពោះ ស្រីៗគួរញ៉ាំអង្ករសម្រូប ហើយត្រូវប្រាកដថា យើងបានញ៉ាំអាហារគ្រប់ ៨ មុខយ៉ាងតិចក្នុងមួយថ្ងៃ។ ពិភាក្សាជាមួយអ្នកជំនាញអាហារូបត្ថម្ភ ដើម្បីទទួលបានជំនួយ។
ដឹងពីអ្វីដែលហួសកម្រិត
គួរចៀសវាងរឿងជក់បារី ផឹកស្រា ឬអាហារមានជាតិកាហ្វេអ៊ីន។ គួរពិភាក្សាជាមួយគ្រូពេទ្យប្រសិនបើយើងប្រើប្រាស់ថ្នាំលក់តាមទីផ្សារ ហើយបើកំពុងប្រើថ្នាំណាមួយ ត្រូវប្រាកដថា មានការណែនាំពីគ្រូពេទ្យឲ្យបានត្រឹមត្រូវ។ ថ្នាំមួយចំនួនអាចមានផលរំខានធ្វើឲ្យឡើងសម្ពាធឈាម ហេតុនេះមានសារៈសំខាន់ក្នុងការតាមដាន និងរកដំបូន្មានពីជំនាញ។
គួរចៀសវាងការផឹកគ្រឿងជាតិកាហ្វេអ៊ីន ឬផឹកក្នុងកម្រិតសមរម្យបានហើយ ព្រោះក្រៅពីអាចប៉ះពាល់ដល់គភ៌ និងម៉ាក់។ ជាតិកាហ្វេអ៊ីន អាចធ្វើឲ្យមានផលរំខានដល់សម្ពាធឈាម នាំឲ្យមានការថយចុះលំហូរឈាមទៅកាន់ទងសុក បង្កើនហានិភ័យ រលូតកូន។ នេះបើតាមការសិក្សាបញ្ហារោគស្ត្រីនៅអាមេរិក។ ស្រីៗកំពុងពពោះ អាចផឹកជាតិកាហ្វេអ៊ីន ត្រឹមកម្រិតតិចជាង ២០០ មិលី្លក្រាមប៉ុណ្ណោះក្នុងមួយថ្ងៃ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម