ជំងឺរលាកតម្រងនោមស្រួចស្រាវ ភាគច្រើនកើតលើស្ត្រីជាងបុរស ហើយក្នុងចំណោមអ្នកជំងឺ៥នាក់ មាន ៤នាក់ជាស្ត្រី នេះបើតាមការបកស្រាយនៅលើផេកផ្លូវការរបស់មន្ទីរពេទ្យ កាល់ម៉ែត។ អ្នកដែលប្រឈមនឹងជំងឺរលាកតម្រងនោមស្រួចស្រាវ មានដូចជា អ្នកមានក្រួសតម្រងនោម អ្នកជំងឺទឹកនោមផ្អែម ស្ត្រីមានផ្ទៃពោះ និងអ្នកប្តូរតម្រងនោម ហើយក្នុងមួយជីវិតនៃការរស់នៅ ៣០% នៃស្ត្រីអាចប្រឈមមុខនឹងជំងឺនេះ។
ក្នុងអ្នកជំងឺ៥នាក់ មានស្រីៗ៤នាក់ រលាកតម្រងនោមស្រួចស្រាវ មកអីទៅ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. រោគសញ្ញាជំងឺរលាកតម្រងនោមស្រួចស្រាវ
– នោមទាស់
– នោមញឹក
– នោមក្រហាយ
– ក្តៅខ្លួនខ្លាំង
– រងាញាក់
– រណ្តំថ្គាម
– ឈឺចង្កេះ (ភាគច្រើនឈឺតែម្ខាង)។
២. មូលហេតុនាំឲ្យមានជំងឺរលាកតម្រងនោមស្រួចស្រាវ
ជាធម្មតាបាក់តេរីរស់នៅលើស្បែក និងពោះវៀនរបស់យើង ហើយវាមិនបង្កបញ្ហានោះទេ។ ប៉ុន្តែបើបាក់តេរីទាំងនោះចូលទៅក្នុងបង្ហួរនោមដែលជាបំពង់បញ្ចេញទឹកនោមចេញពីរាងកាយយើង ហើយនៅត្រឹមប្លោកនោម បង្កទៅជារលាកតម្រងនោមស្រួចស្រាវ។ ក្នុងនោះមូលហេតុនាំឲ្យមានជំងឺរលាកតម្រងនោមស្រួចស្រាវមាន៖
– សារធាតុគីមីនៅក្នុងផលិតផលសម្អាតខ្លួន ដូចជាទឹកសាប៊ូ ឬសាប៊ូដុំ
– ការព្យាបាលដោយប្រើថ្នាំគីមី
– ផលប៉ះពាល់ពីការវះកាត់ប្លោកនោម ឬបំពង់បង្ហួរនោម
– ការថតកាំរស្មីដើម្បីព្យាបាលជំងឺមហារីកនៅជុំវិញអាងត្រគាក។
អត្ថបទពាក់ព័ន្ធ៖
- វិធីងាយៗ អាចថែរក្សាតម្រងនោមឲ្យមានសុខភាពល្អ
- មានបញ្ហាតម្រងនោម មិនចង់ឲ្យកាន់តែធ្ងន់ធ្ងរ ប្រយ័ត្នអាហារទាំងនេះ!
៣. វិធីបង្ការជំងឺរលាកតម្រងនោមស្រួចស្រាវ
ជំងឺរលាកតម្រងនោមស្រួចស្រាវ មិនមានអ្វីបង្ការជាក់លាក់១០០% នោះទេ ប៉ុន្តែគ្រូពេទ្យនឹងណែនាំនូវដំបូន្មានមួយចំនួនខាងក្រោមនេះ។
– ចៀសវាងការប្រើសាប៊ូទឹក ឬសាប៊ូក្រអូប យកមកលាងសម្អាតទ្វារមាស
– កុំប្រើម្សៅ ឬស្ព្រៃក្រអូបមកបាញ់ទ្វារមាស
– កុំទប់នោម
– ញ៉ាំទឹកឲ្យបានច្រើន
– នោមពេលរួមភេទរួច
– ចំពោះស្រ្តីត្រូវលាងសម្អាតពីមុខទៅក្រោយ រាល់ពេលចូលបន្ទប់ទឹក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម