ករណីជំងឺតម្រងនោមភាគច្រើន គឺមិនត្រូវបានរកឃើញទាន់ពេលវេលា ដោយសារតែពុំមានសញ្ញា ឬរោគសញ្ញាច្បាស់លាស់។ យោងតាមអ្នកជំនាញបានឲ្យដឹងថា រោគសញ្ញានៃជំងឺតម្រងនោម អាចត្រូវបានធ្វើការវិនិច្ឆ័យខុស ដោយភ័ន្តច្រឡំថាបណ្តាលមកពីជំងឺផ្សេងទៅវិញ។ លើសពីនេះ អ្នកជំងឺភាគច្រើន មិនបង្ហាញរោគសញ្ញាឡើយ រហូតដល់ដំណាក់កាលធ្ងន់ធ្ងរ។ ដូច្នេះហើយ ការស្វែងយល់បន្ថែមពីរោគសញ្ញាមួយចំនួនដែលបញ្ជាក់ថា តម្រងនោមយើងមានបញ្ហាឬអត់ គឺមានសារៈសំខាន់ណាស់។