ជាតិពុលមានវត្តមានគ្រប់ទីកន្លែងជុំវិញខ្លួនយើង មិនថាខ្យល់យើងដកដង្ហើម ទឹក នំចំណីយើងញ៉ាំ ហើយសូម្បីតែ Smartphone កាន់គ្រប់ដៃរាល់ថ្ងៃ ក៏សម្បូរទៅដោយបាក់តេរី ជាប្រភពមេរោគបង្កឲ្យយើងឈឺ។ ពេលជាតិពុលទាំងនោះ ផ្សំផ្តុំគ្នាដល់កម្រិតខ្លាំងនោះ សញ្ញាមួយចំនួននឹងកើតមានឡើងលើរាងកាយ ហើយយើងអាចមើលឃើញជាក់ស្តែង។
សញ្ញាបង្ហាញថាជាតិពុលក្នុងខ្លួន ឡើងដល់កម្រិតគួរឲ្យបារម្ភ
១- ពិបាកបត់ជើងធំ (ទល់លាមក)
ពេលញ៉ាំអាហារមួយពេលៗ រាប់ទាំងចំណីញ៉ាំលេងទៀត ច្បាស់ណាស់ សារធាតុគីមីមិនល្អមួយចំនួនប្រាកដជាចូលក្នុងខ្លួនដែរ នេះរាប់ទាំងធាតុគីមីរក្សាម្ហូបអាហារឲ្យបានយូរ គ្រឿងបន្ថែមរសជាតិ និងពណ៌ឲ្យចំណី។ល។ សារធាតុទាំងនេះច្រើនចូលមក ពោះវៀនតូចរបស់យើងទទួលយកមិនបានទេ មុខជាធ្វើឲ្យពោះវៀនជួបបញ្ហា ជាហេតុឲ្យយើងពិបាកបត់ជើងធំ។ ដំណោះស្រាយចំពោះបញ្ហានេះ គឺព្យាយាមញ៉ាំអាហារបែបធម្មជាតិតាមដែលអាចរកបាន បន្ថយការផឹកស្រា និងញ៉ាំទឹកឲ្យបានសមល្មមតាមរាងកាយ។
២- ពិបាកផ្ចង់អារម្មណ៍
រាល់ពេល បើតែងជួបបញ្ហាវិលមុខ ច្របូកច្របល់ ពិបាកផ្ចង់ស្មារតី មិនស្រស់ស្រាយ ទោះបីរាល់យប់បានគេងឆ្អែតគ្រប់គ្រាន់ក៏ដោយ នេះគឺបណ្តាលមកពីជាតិពុលក្នុងខ្លួនបានបំបាត់សារធាតុរ៉ែ និងវីតាមីនដែលរាងកាយត្រូវការជាចាំបាច់។ ករណីនេះប្រៀបដូចម៉ាស៊ីនត្រូវការប្រេងរម្អិលថ្មី ដែលមានន័យថា ដល់កម្រិតអាសន្នត្រូវយកចិត្តទុកដាក់ហើយ។
កម្មវិធីពិនិត្យសុខភាពក្រពេញប្រូស្តាតអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
កម្មវិធីពិនិត្យបញ្ហាឆាប់ចេញទឹកកាមអនឡាញ
៣- ធុំក្លិនខ្លួនមិនល្អជាប់រហូត ទោះបីប្រើទឹកអប់ក៏ដោយ
ទោះបីងូតទឹករួច ប្រើគ្រឿងបំបាត់ក្លិនខ្លួន តែនៅតែមិនបាត់ នេះក៏ជាសញ្ញាមិនល្អមួយដែរ។ មានន័យថា ជាតិពុលច្រើនបានផលិតក្លិនមិនល្អសព្វរាងកាយ។ មិនតែប៉ុណ្ណោះ វាក៏អាចធ្វើឲ្យយើងផោមច្រើនខុសពីធម្មតា។
៤- ឈឺចាប់តាមសន្លាក់ និងសាច់ដុំ
មិនធ្លាប់ទៅកន្លែងហាត់ប្រាណ មិនធ្លាប់ធ្វើការធ្ងន់ៗ តែបែរជាឧស្សាហ៍ឈឺតាមសន្លាក់ និងសាច់ដុំ។ នេះក៏ជាមូលហេតុមួយបញ្ជាក់ថា ជាតិពុលបានប្រមូលផ្តុំក្នុងកម្រិតមួយបង្កឲ្យយើងឈឺសព្វរាងកាយ។
៥- ឡើងរោល កន្ទួល ឬមុនលើស្បែក
ស្បែកជាសេរីរាង្គធំជាងគេនៃរាងកាយ ហើយក៏ជាកន្លែងបង្ហាញពីអាការៈថាយើងឈឺ ឬសុខភាពល្អផងដែរ។ ផលិតផលខុស ដូចជា សាប៊ូកក់សក់ ឡេលាបស្បែក សាប៊ូដុសខ្លួនមកប្រើលើស្បែក ក៏បង្ហាញសញ្ញាមិនល្អភ្លាមៗ។ ដោយឡែក ជាតិពុលក្នុងខ្លួនឡើងខ្លាំង វាក៏បង្ហាញមកលើស្បែកដែរ ដូចជា ការឡើងមុន រោលកន្ទួល និងរមាស់ ជាដើម។
៦- ពិបាកគេងលក់ដូចសព្វដង
សារធាតុពុលច្រើនក៏ធ្វើឲ្យយើងពិបាកគេងលក់ អស់កម្លាំងល្ហិតល្ហៃជាប្រចាំ ជាពិសេសវាបង្កឲ្យអ័រម៉ូនក័រទីសុល Cortisol (អ័រម៉ូនស្ត្រេស) ដំណើរការមិនប្រក្រតី។ បើបណ្តោយកាន់តែធ្ងន់ធ្ងរជាងនេះគឺ វាធ្វើឲ្យកើតជាជំងឺគេងមិនលក់តែម្តង ដែលជាដំណាក់កាលត្រូវដោះស្រាយ។
៧- ដង្ហើមក្លិនមិនល្អ
ដង្ហើមចេញមកមានក្លិនមិនល្អ បង្ហាញពីប្រព័ន្ធរំលាយអាហារមានបញ្ហា ហើយនេះក៏ជាសញ្ញាបញ្ជាក់ថា ថ្លើមយើងបានព្យាយាមបន្សាបជាតិពុលអស់កម្រិតហើយ ដូចនេះវាជាសញ្ញាព្រមានដល់យើងផងដែរ។
៨- ក្រចកដៃ ក្រចកជើងផុយ និងជាំ
ជាតិពុលឡើងខ្លាំង ក៏បង្ហាញនៅលើក្រចកដៃ និងជើងដែរ ហើយកន្លែងនេះដែរ ក៏ជាកន្លែងដែលពពួកផ្សិត បាក់តេរី ចូលចិត្ត។ ដូចនេះ ក្រចកដៃ ជើងឡើងជាំ ឬផុយខុសពីធម្មតា ក៏គួរប្រុងប្រយ័ត្ន ព្រោះសញ្ញាអស់នេះកំពុងប្រាប់យើងពីបញ្ហាសុខភាពមួយចំនួនក្នុងរាកាយ។
៩- សក់ជ្រុះលឿន
សក់ជ្រុះជារឿងធម្មតា ប៉ុន្តែករណីខ្លះជាសញ្ញាណនៃជាតិពុលក្នុងខ្លួនឡើងដល់កម្រិតខ្ពស់ផងដែរ ជាពិសេសជាតិពុល Arsenic (ជាតិពុលអាសេនិក) ឡើងខ្លាំង ដែលធ្វើឲ្យសក់ជ្រុះលឿន៕
អាន៖
- ចង់ដឹងហេតុអីសក់ជ្រុះ អត្ថបទនេះប្រាប់ទាំងអស់ម៉ង
- ៧ រឿងងាយៗ សុខភាពល្អ មិនបាច់ចំណាយច្រើន
- សញ្ញាទាំងនេះ បញ្ជាក់ថាពោះវៀនមានបញ្ហាហើយ
- លេចចេញអាការៈទាំងនេះ អាចថាមានជំងឺក្រិនថ្លើមហើយ
- ពេលទល់លាមកប្រឹងជុះខ្លាំងពេក ប្រយ័ត្នកើតជំងឺរហែករន្ធទ្វារបាត
- ខំថែសុខភាពថ្លើម បើមិនចង់ឲ្យរាងកាយចុះខ្សោយទ្រុឌទ្រោម
- រឿង ៤យ៉ាង គួរធ្វើ ដើម្បីសុខភាពប្រព័ន្ធរំលាយអាហារ
- ឧស្សាហ៍ទល់លាមក គួរចៀសវាងអាហារទាំង ៥មុខ នេះ
- ជាតិសរសៃល្អ តែបើញ៉ាំច្រើនជ្រុលអាចបង្កផលវិបាកដល់សុខភាព ៤ យ៉ាង
- ស្វែងយល់ច្រើនទៀតពីបញ្ហាប្រព័ន្ធរំលាយអាហារ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម