home

រលាកក្រពះពោះវៀន

ជំងឺ​រលាក​ក្រពះ​ពោះវៀន - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​បញ្ហា​ ឬ​ជាជំងឺរលាក​ក្រពះពោះវៀន​ ​​ផលវិបាក ​ការការពារ​ និង​ការ​ព្យាបាល

ចំណេះដឹងទូទៅ

រលាកក្រពះពោះវៀន

រលាក​ក្រពះ​ពោះវៀន ជា​បញ្ហា​នៃ​សុខភាព​ប្រព័ន្ធ​រំលាយ​អាហារ ដែល​គ្នា​យើង​គ្រប់​រូប​សុទ្ធ​តែ​មាន​ភាគរយ​ខ្ពស់​ប្រឈម​នឹង​កើត​ជំងឺ​នេះ។ ជំងឺ​រលាក​ក្រពះ​ពោះវៀន​វិវត្ត​ទៅ​តាម​កម្រិត​របស់​វា ពី​កម្រិត​ស្រាល​រហូត​ដល់​កម្រិត​ធ្ងន់ធ្ងរ បើ​យើង​មិន​ចាប់​អារម្មណ៍ បញ្ហា​នេះ​អាច​បង្ក​ឲ្យ​សុខភាព​​ជួប​នឹង​ជំងឺ​ដទៃ​ទៀត​។ ក្នុង​ករណី​កម្រិត​ស្រាល ​ជំងឺ​រលាក​ក្រពះ​ពោះវៀន​កើត​ឡើង​ដោយសារ​តែ​ការ​ញ៉ាំ​មិន​ទៀង​ពេល ចំណី​អាហារ​សម្បូរគីមី ញ៉ាំ​សាច់​ច្រើន គេង​មិន​លក់ ផឹក​ស្រា ឬ​ជក់​បារី​ជាដើម។ ចំណែក​ការ​វិវត្ត​ទៅ​ជា​ករណី​ធ្ងន់ធ្ងរ ក៏​ព្រោះ​តែ​មិន​ព្យាបាល​រលាក​ក្រពះ​ពោះវៀន​កម្រិត​ស្រាល​ទាន់​ពេល និង​មិន​យក​ចិត្ត​ទុក​ដាក់ ​ហើយ​បញ្ហា​​សុខភាព​ក្រពះ​ពោះវៀននេះ​ ក៏អាច​ធ្វើ​ឲ្យ​ប្រព័ន្ធ​ការពារ​រាងកាយ និង​ប្រព័ន្ធ​រំលាយ​អាហារ​ចុះ​ខ្សោយ។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។ ជំងឺ​វិវត្ត​ឡើង​ដោយ​សារ​រលាក​ក្រពះ​ពោះវៀន​រ៉ាំរ៉ៃ - ចុក​រោយ​ដៃ​ជើង ចង្កេះ ស្មា កញ្ចឹងក ជំងឺ​ស្ត្រេស និង​ឈឺ​ចាប់​តាម​សន្លាក់ - បញ្ហា​ស្បែក អណ្ដាត​ស ការ​ចងចាំ​ចុះ​ខ្សោយ - លើស​ជាតិ​អាស៊ីដ លើស​ខ្លាញ់ និង​លើស​ជាតិ​ពុល - ខ្វះ​ជាតិ​ស្ករ កាល់ស្យូម គ្រាប់​ឈាម​ក្រហម និង​ខ្វះ​អុកស៊ីសែន - បង្ក​ឲ្យ​កើត​ជំងឺ​ទល់​លាមក ស្អិត​ពោះវៀន​ធំ - បង្ក​ឲ្យ​រលាក​ប្លោក​នោម តម្រង​នោម ថ្លើម និង​ជំងឺ​ធាត់ - បណ្ដាល​ឲ្យ​មាន​ជំងឺ​បេះដូង លើស​ឈាម និង​ទឹក​នោម​ផ្អែម - ស្គម​ស្គាំង រហូត​អាច​កើត​ជំងឺ​មហារីក​ក្រពះ ឬ​មហារីក​ពោះវៀន និង​ជំងឺ​ផ្សេង​ៗ​ទៀត។ ចំពោះ​រោគ​សញ្ញា​ដែល​យើង​គួរ​កត់​សម្គាល់​នៃ​ជំងឺ​រលាក​ក្រពះ​ពោះ​វៀន​មាន​ដូច​ជា រាករូស ក្អួត​ចង្អោរ​ញឹកញាប់ វិល​មុខ […]

ស្វែងរក​បន្ថែម​ទៀត រលាកក្រពះពោះវៀន អត្ថបទ

រលាកក្រពះពោះវៀន

ចុក​ឆ្អល់​ក្នុង​ពោះ តឹង​ណែន​ចុង​ដង្ហើម ក្រហាយ ឬ​ក្តៅ​នៅ​ចុង​ដង្ហើម លាមក​ពណ៌ខ្មៅ ឬមាន​ឈាម ជា​សញ្ញា​បញ្ជាក់​ថា យើង​មាន​មេរោគ​នៅ​ក្នុង​ក្រពះ​ហើយ។ បើ​តាម​ការ​ផ្សព្វផ្សាយនៅ​ផេក​ហ្វេសប៊ុក មន្ទីរពេទ្យ​កាល់ម៉ែត មេរោគ​ក្រពះ​មាន​ឈ្មោះ​ថា Helicobacter Pylori មេរោគ​នេះ​អាច​បង្ក​ឲ្យ​កើត​ជា​ជំងឺ​រលាក​ក្រពះ ដំបៅ​ក្រពះ និង​មហារីក​ក្រពះ។ ក្រៅ​ពី​រោគ​សញ្ញា​ទាំង​ប៉ុន្មាន​ខាង​លើ​នេះ ដើម្បី​បាន​ដឹង​កាន់​តែ​ច្បាស់​ថា យើង​មាន​មេរោគក្រពះ​ពិត​មែន ឬ​អត់​នោះ គ្រូពេទ្យ​អាច​នឹង​ធ្វើ​រោគ​វិនិច្ឆ័យ​បន្ថែម​ទៀត តាម​រយៈ​ការ​យក​​ កោសិកា​​ក្រពះ​មក​ពិនិត្យ ធ្វើ​តេស្ត​ផ្លូវដង្ហើម ឬ​ធ្វើ​តេស្ត​លាមក។ ក្នុង​ចំណោម​វិធីសាស្រ្ត​ទាំង៣នេះ​ មាន​ប្រសិទ្ធភាព​ខ្ពស់​ដូចគ្នា​ក្នុង​ការ​រក​មេរោគ​ក្រពះ ប៉ុន្តែ​វាមាន​លក្ខណៈ​ពិសេស​រៀងៗខ្លួន ដូចជា​ការ​យក​រម្អិល​ក្រពះ​មក​ពិនិត្យ វិធី​នេះ​តម្រូវឲ្យ​មានការ​សុង​ក្រពះ ដែល​អ្នក​ជំងឺ​ភាគច្រើនមាន​ការ​ភ័យ​ខ្លាច ប៉ុន្តែ​វា​ក៏​មាន​ផល​ចំណេញ​ជាច្រើន​ទៀត​ដែរ​ដូចជា បន្ថែម​ពី​លើ​ការ​រក​មេរោគ​ក្រពះ គឺ​យើងអាច​ធ្វើ​រោគ​វិនិច្ឆ័យ​បាន​ថា អ្នក​ជំងឺ​មាន​បញ្ហា​នៅ​ក្នុង​ក្រពះ​ផ្សេង​ទៀត​ដូចជា រលាក​ក្រពះ ដំបៅក្រពះ និង​មហារីកក្រពះ​ជាដើម។ ចំណែក​ឯ​ការ​ធ្វើ​តេស្ត​លាមក និង​តេស្ត​ដង្ហើម មិន​តម្រូវ​ឲ្យអ្នក​ជំងឺ​សុង​ក្រពះនោះ​ទេ រីឯ​ការ​ធ្វើ​តេស្ត​ដង្ហើម អ្នក​ជំងឺ​គ្រាន់​តែ​ធ្វើ​តាម​ការ​ណែនាំ​របស់​គ្រូពេទ្យ ដោយផ្លុំ​ខ្យល់​ចូល​ទៅ​ក្នុង​ថង់ រួច​យក​ទៅ​ពិនិត្យ​ជា​ការ​ស្រេច ​ឯ​លទ្ធផលទទួល​បាន​​ភ្លាមៗបន្ទាប់​ពី​ផ្លុំ។ ចំពោះ​ផល​វិបាក​នៃ​ការ​ព្យាបាល​មេរោគ​ក្រពះមិន​​បាន​ត្រឹម​ត្រូវ អ្នក​ជំងឺ​​នឹង​វិវត្ត​ទៅ​ជា​រលាកក្រពះ​រ៉ាំរ៉ៃ ហើយ​អាច​ក្លាយ​ទៅ​ជា​ដំបៅ​ក្រពះ និង​ចុងក្រោយ​មហារីក​ក្រពះ។ អត្ថបទពាក់ព័ន្ធ៖ Peptic Ulcer (ជំងឺ​ដំបៅ​ក្រពះ) ដំបៅក្រពះ មកពីមូលហេតុសំខាន់ៗ២នេះ ចៀស​បាន​ប៉ុន្មាន​រឿង​នេះ មិនព្រួយ​ឈឺ​​ក្រពះ-​ពោះវៀន ដំណឹង​ល្អ! វ៉ាក់សាំង​រលាក​ក្រពះ […]

រលាកក្រពះពោះវៀន

អាហារ​មាន​កាក​សរសៃ ឬ​យើង​និយម​ហៅ “ហ្វៃបឺរ” ​ជា​ពពួក​ស្ករ​ប៉ូលី​សាការាយ​ដែល​មិន​ងាយ​នឹង​រលាយ​ក្នុង​ពោះ​វៀន​ឡើយ។ បាក់តេរី​ជា​ច្រើន​លូត​លាស់​ក្នុង​សារធាតុ​សរសៃ​នេះ​ក្នុង​ពោះ​វៀន​ធំ។ វា​មាន​គុណ​តម្លៃ​ជា​ច្រើន​សម្រាប់​តម្រូវ​ការ​ប្រចាំ​ថ្ងៃ​ដែល​រាងកាយ​ត្រូវការ។ ថ្ងៃ​នេះ​យល់​ពាក្យ​នេះ​ឲ្យ​ច្បាស់ ហើយ​ប្រយោជន៍​អី​ខ្លះ ដែល​បាន​ពី​វា បើ​ញ៉ាំ? ១- អ្វី​ទៅ​ជា​"ហ្វៃបឺរ" ឬជាតិ​កាកសរសៃ? បើ​និយាយ​ពី​សម្បូរ​វិញ គឺ​នៅ​ក្នុង​រុក្ខជាតិ ​ជា​ពិសេស​ដើម​រុក្ខជាតិ​តែ​ម្ដង។ តែ​ក្រពះ​ពោះ​វៀន​យើង​មិន​អាច​បំបែក​សារធាតុ​សរសៃ​នេះ​បាន​ឡើយ។ យើង​អាច​​ញ៉ាំ​​​សារធាតុ​សរសៃ​បាន ​ដោយ​ញ៉ាំ​ផ្លែ​ឈើ បន្លែ និង​គ្រាប់​រុក្ខជាតិ។ យើង​គ្រប់​គ្នា​សុទ្ធ​តែ​ដឹង​ហើយ​ថា ​វា​ជួយ​សម្រួល​បញ្ហា​ទល់​លាមក។ លើស​ពី​នេះ ​វា​អាច​ជួយ​ដល់​ការ​សម្រក​ទម្ងន់ បន្ថយ​​ការ​ប្រឈម​​កើត​ទឹក​នោម​ផ្អែម ​ជំងឺ​សរសៃ​ឈាម ​និងជំងឺ​បេះដូង​ជា​ច្រើន​ទៀត។ ២- ប្រភេទ"ហ្វៃបឺរ" របស់​ដែល​ញ៉ាំ​បាន​មាន​កាក​សរសៃ​នេះ ត្រូវ​បាន​គេ​ចែក​ជា​ពីរ​ប្រភេទ ​គឺរលាយ​ក្នុង​ទឹក និង​មិន​រលាយ​ក្នុង​ទឹក។ តើ​ពីរហ្នឹង​ខុស​គ្នា​យ៉ាង​ម៉េច? - "ហ្វៃបឺរ"រលាយ​ក្នុង​ទឹក៖ ​មាន​សណ្ឋាន​រាង​ខាប់ ធ្វើ​ឲ្យ​យើង​មាន​អារម្មណ៍​ថា​ឆ្អែត​បាន​យូរ ហើយ​ជួយ​បន្ថយ​ជាតិ​កូលេស្តេរ៉ុល​ក្នុង​ឈាម និង​ជាតិ​ស្ករ​ក្នុង​ឈាម​ទៀត​ផង។ ពពួក​សារធាតុ​សរសៃ​ប្រភេទ​នេះ​សម្បូរ​ណាស់​ក្នុងគ្រាប់​សណ្ដែក​បារាំង សណ្ដែក​ក្រហម ផ្លែ​ប៉ោម ការ៉ុត ពពួក​ស្រូវ​សាលី និង​ពពួក​ផ្លែ​ក្រូច។ល។ - "ហ្វៃបឺរ"មិន​រលាយ​ក្នុង​ទឹក៖ ខុស​ពី​ប្រភេទ​ខាង​លើ​ត្រង់​ថា​ ជួយ​សម្រួល​ដល់​ការ​បត់​ជើង (ជុះ​ស្រួល មិន​ក្ដៀន មិន​រាក)។ "ហ្វៃបឺរ" មិន​រលាយ​ក្នុង​ទឹក​សម្បូរ​ណាស់​ក្នុង​គ្រាប់​ធញ្ញជាតិ គ្រាប់​សណ្ដែក​ក្រហម ដំឡូង​ជ្វា ដំឡូង​បារាំង ផ្កា​ខាត់​ណា។ល។ ៣- ប្រយោជន៍​អ្វីខ្លះ? ច្រើន​ប៉ុនណា? - បន្ទោ​បង់​ស្រួល៖ ជួយ​ឲ្យ​លាមក​ទន់ ងាយ​ស្រួល​បញ្ចេញ​ចោល។ ​បើ​សិន​ជា​លាមក​រាវ​វិញ សារធាតុ​សរសៃ​នេះ​ ក៏​អាច​ធ្វើ​វា​រឹង​វិញ​ដែរ។ អត្ថបទពាក់ព័ន្ធ៖ បើ​ទល់​លាមក ញ៉ាំ​របស់​ទាំង​នេះ​អាច​ជួយ​បាន ចំណី​ជាង ១០មុខ​នេះ​ជួយបណ្តេញជាតិ​ពុល ពី​ថ្លើម​បាន​ល្អ​ណាស់ - បត់ជើង​ទៀង៖ ពេល​ញ៉ាំ​អាហារ​សម្បូរ​ជាតិ​សរសៃ យើង​អាច​បន្ថយ​កត្តា​ប្រឈម​នឹង​ជំងឺ​ឫសដូង​បាត និង​ភាព​មិន​ប្រក្រតី​ក្នុង​ពោះ​វៀន​ធំដែល​ធ្វើ​ឲ្យ​យើង​បត់​ជើង​អត់​ទៀង ឬ​មាន​ពេល​ខ្លះ រាប់​ថ្ងៃ​ អត់​ទាន់​បាន​បត់ជើង។ ក៏​មាន​សារធាតុ​សរសៃ​ខ្លះ​ទៀត​កាច់​មេ​ក្នុង​ពោះ​វៀន ដែល​អាច​នឹង​ការពារ​ជំងឺ​ក្នុង​ពោះ​វៀន​ធំ​ជា​ច្រើន។ - បន្ថយ​កូលេស្តេរ៉ុល​ក្នុង​ឈាម៖ វា​ទៅ​បន្ថយ​លីប្រូ​តេអ៊ីន​កំហាប់​ទាប​ដែល​ជា​ខ្លាញ់​អាក្រក់ (LDL)។ វា​ក៏​មាន​គុណ​ប្រយោជន៍​ចំពោះ​សុខ​ភាព​បេះ​ដូង​ ​ដូច​ជា​ គ្រប់​គ្រងសម្ពាធ​ឈាម​ […]

រលាកក្រពះពោះវៀន

ជំងឺ​ក្រពះ-ពោះវៀន ភាគ​ច្រើន​បណ្តាល​មក​ពី​កត្តា​ច្រើន​យ៉ាង ​ក្នុង​នោះរបប​អាហារ​របស់​យើង​ប្រចាំ​ថ្ងៃ​ជា​មូលហេតុ​ចម្បង​ឈាន​ទៅ​មាន​បញ្ហា​នេះ។ ចាប់ផ្តើម​ពី​ការ​ធ្វេស​ប្រហែស​បន្តិច​បន្តួច​របស់​យើង​ពីមួយ​ថ្ងៃ​ទៅ​មួយ​ថ្ងៃ​លើ​របៀបរបប និង​ការ​ជ្រើស​រើស​ចំណី​អាហារ និ​ងភេសជ្ជៈ​មកញ៉ាំ អាច​ជំរុញ​ឲ្យ​មាន​បញ្ហា​ក្រពះ​​ពោះវៀន ហើយ​ប្រសិន​នៅ​តែ​បណ្តែត​បណ្តោយ​ជំងឺ​នេះ​នឹង​វិវត្ត​ទៅ​ជា រលាក  ដំបៅ ​ក្រពះ​ពោះវៀន ឬ​មហារីក។ នេះ​​​បើតាមការ​រៀបរាប់​របស់​លោក​វេជ្ជបណ្ឌិត ចាន់ ស៊ីណេត ឯកទេសជំងឺ​ទូទៅ។ តើ​ត្រូវ​ធ្វើ​ដូចម្តេច​ដើម្បី​កុំ​ឲ្យ​មាន​បញ្ហា​ក្រពះ-ពោះវៀន? មិនមាន​អ្វី​ពិបាក​សាំញ៉ាំ​នោះ​ទេ គ្រាន់​តែ​យើង​ធ្វើ​តាម ឬ​កែប្រែ​​ទម្លាប់​មួយ​ចំនួន​ដែល​ជះ​ផល​អាក្រក់​​ដល់​ក្រពះ ពោះវៀន​យើង​ប៉ុណ្ណោះ។ - ញ៉ាំបាយឲ្យបានទៀងទាត់ - ចៀស​វាង​អាហារ​មាន​ជាតិ​ខ្លាញ់ច្រើន - កុំជក់បារី - កាត់បន្ថយការញ៉ាំស្រា និងជាតិកាហ្វេអ៊ីន - កុំញ៉ាំអាហារជូរ និងហឹរខ្លាំងញឹកញាប់ - ធ្វើចិត្តឲ្យរីករាយ កុំតានតឹងអារម្មណ៍ពេក - កំុប្រើពពួកថ្នាំបំបាត់ការឈឺចាប់ NSAID (Aspirin Ibuprofen...) ច្រើនពេក - រក្សាទម្ងន់ឲ្យល្អ - ហាត់ប្រាណឲ្យទៀងទាត់។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

x