ផ្តាសាយ គឺជាជំងឺឆ្លងតាមផ្លូវដង្ហើម ដែលបង្កឡើងដោយវីរុសផ្តាសាយ។ អំឡុងរដូវភ្លៀងបែបនេះ ការផ្លាស់ប្តូរសីតុណ្ហភាព និងសំណើម ផ្តល់ភាពងាយស្រួលដល់វីរុសផ្តាសាយ ក្នុងការចម្លង ដែលបង្កឲ្យមានបញ្ហាផ្លូវដង្ហើម គ្រុនក្តៅ ឈឺបំបង់ក និងឈឺរាងកាយ ជាដើម។ ដោយសារតែសីតុណ្ហភាពប្រែប្រួលភ្លាមៗ ឱកាសកើតជំងឺគ្រុនផ្ដាសាយគឺខ្ពស់បំផុត។ ដើម្បីពង្រឹងប្រព័ន្ធភាពស៊ាំ និងបង្ការហានិភ័យនៃការកើតជំងឺគ្រុនផ្ដាសាយ គ្នាយើងគប្បីអនុវត្តតិចនិកខាងក្រោមនេះ។

១. ញ៉ាំអាហារមានសារធាតុចិញ្ចឹម

គន្លឹះដ៏ល្អបំផុតដើម្បីបញ្ចៀសជំងឺគ្រុនផ្ដាសាយ គឺញ៉ាំអាហារដែលសម្បូរទៅដោយសារធាតុចិញ្ចឹម ដើម្បីពង្រឹងប្រព័ន្ធភាពស៊ាំ និងការពាររាងកាយកុំឲ្យធ្លាក់ខ្លួនឈឺ។ អាហារដែលជាប្រភពនៃសារធាតុចិញ្ចឹមមានដូចជាបន្លែ ផ្លែឈើ សាច់គ្មានខ្លាញ់ ត្រី គ្រាប់ធញ្ញជាតិទាំងមូល អាហារដែលធ្វើពីទឹកដោះគោ និងគ្រាប់ផ្លែឈើជាដើម។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

២. វីតាមីន C

ការបញ្ចូល វីតាមីនC ទៅក្នុងរបបអាហារប្រចាំថ្ងៃ ជារឿងដែលមិនអាចខ្វះបានឡើយ ដើម្បីការពាររាងកាយពីជំងឺគ្រុនផ្ដាសាយ។ ការញ៉ាំវីតាមីនCក្នុងបរិមាណសមល្មមអាចប្រយុទ្ធប្រឆាំងនឹងជំងឺគ្រុនផ្ដាសាយយ៉ាងមានប្រសិទ្ធភាព។ ប្រភពដ៏ល្អនៃវីតាមីនCមានដូចជាពពួកផ្លែក្រូច ផ្លែប៊ឺរី ខាត់ណាខៀវ និងដំឡូងជាដើម។

៣. គេងឲ្យបានគ្រប់គ្រាន់

ជាមួយគ្នានេះដែរ ការគេងគ្រប់គ្រាន់អាចប្រឆាំងនឹងការឆ្លងមេរោគគ្រប់ប្រភេទដែលបង្កឡើងនៅរដូវភ្លៀង។ ដូច្នេះហើយគ្នាយើងគប្បីគេងឲ្យបានគ្រប់គ្រាន់ យ៉ាងហោចណាស់ឲ្យបាន៧ទៅ៨ម៉ោងក្នុងមួយថ្ងៃ ដើម្បីឲ្យប្រព័ន្ធភាពស៊ាំរឹងមាំល្អ និងឲ្យរាងកាយអាចជួសជុល ក៏ដូចជាជំនួសកោសិកាចាស់ ជាលិកា និងសាច់ដុំ។

ផ្តាសាយ

៤. រក្សាកម្ដៅក្នុងរាងកាយ

ប្រសិនបើយើងទទឹកភ្លៀងរយៈពេលយូរ សីតុណ្ហភាពរាងកាយនឹងធ្លាក់ចុះ ដែលធ្វើឲ្យយើងងាយកើតជំងឺគ្រុនផ្ដាសាយ។ ហេតុនេះហើយ យើងគប្បីជូតសម្អាតខ្លួន និងផ្លាស់ប្ដូរសំលៀកបំពាក់ភ្លាមៗ។

៥. ថែទាំអនាម័យផ្ទាល់ខ្លួន

ក្រៅពីរក្សាសម្ភារៈឲ្យស្អាតល្អ យើងក៏ចាំបាច់ត្រូវថែទាំអនាម័យផ្ទាល់ខ្លួន ដោយការលាងសម្អាតដៃ នៅពេលត្រលប់មកផ្ទះវិញ និងងូតទឹកសម្អាតខ្លួន ប្រសិនបើយើងប៉ះពាល់នឹងអ្នកដែលមានជំងឺ។ បន្ថែមពីនេះ គ្នាយើងក៏ត្រូវលាងសម្អាត និងជូតខ្លួនឲ្យស្ងួតល្អ ក្នុងករណីដែលយើងប៉ះពាល់ទឹកកខ្វក់នៅតាមផ្លូវ។

អត្ថបទគួរអាន៖

១. ​ញ៉ាំ​អាហារ​មាន​សារធាតុ​ចិញ្ចឹម​​

២. វីតាមីន ​C

៣. គេង​ឲ្យ​បាន​គ្រប់គ្រាន់

៤. រក្សា​កម្ដៅ​ក្នុង​រាងកាយ

៥. ថែទាំ​អនាម័យ​ផ្ទាល់​ខ្លួន​

១. ញ៉ាំអាហារមានសារធាតុចិញ្ចឹម

២. វីតាមីន C

៣. គេងឲ្យបានគ្រប់គ្រាន់

៤. រក្សាកម្ដៅក្នុងរាងកាយ

៥. ថែទាំអនាម័យផ្ទាល់ខ្លួន