Viagraជាឈ្មោះថ្នាំមួយប្រភេទ ដែលគ្រូពេទ្យចេញវេជ្ជបញ្ជាឲ្យអ្នកមានបញ្ហាខ្សោយលិង្គប្រើប្រាស់។ ថ្នាំ Viagraត្រូវបានគេស្គាល់ជាទូទៅថាជាថ្នាំជួយដោះស្រាយបញ្ហាលិង្គមិនឡើងរឹង។ ប៉ុន្តែថ្នាំប្រភេទនេះមិនមែនចេះតែប្រើតាមចិត្តនឹងឃើញនោះទេ វាត្រូវប្រើទៅតាមលក្ខខណ្ឌច្បាស់លាស់មួយ ព្រោះថាថ្នាំនេះអាចផ្ដល់ផលរំខានបានដែរ។ ផលរំខានរបស់ថ្នាំនេះអាចមានពីកម្រិតស្រាលទៅធ្ងន់ធ្ងរ។ ស្វែងយល់បន្ថែមនៅខាងក្រោមនេះ។
ថ្នាំViagra អាចមានផលរំខានទាំងនេះ ប្រុសៗគួរស្វែងយល់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. អ្វីជាបញ្ហាខ្សោយលិង្គ ឬលិង្គមិនឡើងរឹង?
បញ្ហាខ្សោយលិង្គ ឬលិង្គមិនឡើងរឹង អាចកើតមានរយៈពេលវែង ឬខ្លី ដែលជាស្ថានភាពមួយលិង្គមិនអាចរក្សាភាពរឹងបាន។ ករណីខ្លះ លិង្គអាចឡើងរឹងបានមួយរយៈខ្លី និងមិនអាចនៅយូរបានរហូតបញ្ចប់ប្រតិបត្តិការលើគ្រែ។
ប្រុសៗមួយចំនួនអាចជួបបញ្ហាលិង្គមិនឡើងរឹង បើសិនជា៖
អ្នកជួបបញ្ហាលិង្គមិនឡើងរឹង ហើយទុកមិនព្យាបាល អាចនឹងវិវត្តទៅជាបញ្ហាផ្សេងៗដូចជាមិនអាចបំពេញតម្រូវការផ្លូវភេទបាន កើតជំងឺបាក់ទឹកចិត្ត មិនអាចធ្វើឲ្យដៃគូមានផ្ទៃពោះ បាត់បង់អារម្មណ៍ស្រើបស្រាល និងអាចធ្វើឲ្យទំនាក់ទំនងដៃគូមិនសូវល្អ ជាដើម។
អត្ថបទគួរអាន៖
២. ផលរំខានរបស់ថ្នាំViagra
ផលរំខានរបស់ថ្នាំប្រភេទនេះអាចមានដូចជាឈឺក្បាល ធេងធោង ដោយសារតែសម្ពាធឈាមចុះទាប។ ជាការពិតផលរំខានរបស់ថ្នាំViagra អាចធ្វើឲ្យសម្ពាធឈាមធ្លាក់ចុះដល់កម្រិតគ្រោះថ្នាក់មួយ។ បញ្ហានេះ អាចកើតមានឡើងនៅពេលលេបជាមួយថ្នាំជាក់លាក់មួយចំនួន ពិសេសពពួកថ្នាំមានជាតិនីត្រាត។ នីត្រាត ជាធម្មតាគេប្រើសម្រាប់ព្យាបាលបញ្ហាឈឺទ្រូង។
ផលរំខានផ្សេងទៀតដែលអាចកើតមានដែរនោះគឺ លិង្គឡើងរឹងរយៈពេលយូរពេក។ ជាការណែនាំ បើលិង្គនៅបន្តរឹងលើសពីបួនម៉ោង គួរតែស្វែងរកជំនួយពីគ្រូពេទ្យ។ ការទុកលិង្គឲ្យនៅឡើងរឹងរយៈពេលយូរ មិនទទួលការព្យាបាល អាចធ្វើឲ្យខូចសរីរាង្គបន្តពូជបុរស។
ក្រៅពីនេះក៏មានផលរំខានលើការស្ដាប់ និងគំហើញធ្លាក់ចុះ ក៏ដូចជាឈឺពោះ ហៀរសម្បោរ ឈឺខ្នង និងសាច់ដុំ ចង្អោរ និងរមាស់ស្បែកជាដើម។
បើសិនជាមានជួបផលរំខានដូចបានរៀបរាប់ខាងលើនេះ គ្នាយើងដែលកំពុងប្រើប្រាស់ថ្នាំ Viagra គួរពិភាក្សាជាមួយគ្រូពេទ្យឲ្យបានឆាប់កាន់តែប្រសើរ។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម