ស្រីៗនិងប្រុសៗមានអារម្មណ៍ផ្លូវភេទខ្លាំង​បំផុតពេលណា?

    ស្រីៗនិងប្រុសៗមានអារម្មណ៍ផ្លូវភេទខ្លាំង​បំផុតពេលណា?

    គូ​ស្នេហ៍​ជា​ច្រើន​ហាក់​ដូច​ជា​មាន​បញ្ហា​ខុស​គ្នា​នៅ​ពេល​ដែល​និយាយ​ទាក់​ទង​នឹងរឿង​រួម​សង្វាស់​ក្នុង​​ទំនាក់​ទំនង​ស្នេហា។ នៅ​ពេល​ដែល​យើង​​និង​ដៃ​គូ​មិន​អាច​ស្រប​គ្នា​បាន នោះ​វា​មិន​ត្រឹម​តែជា​​បញ្ហា​នៅ​ក្នុង​ចិត្ត​ប៉ុណ្ណោះ​ទេ។ ការ​ស្រាវជ្រាវ​បង្ហាញ​ថា បុរស​និង​ស្ត្រី មាន​ចំណង់​ផ្លូវភេទ​នៅ​ម៉ោង​​ខុស​គ្នា គឺ​ថា​មនុស្ស​ស្រី​ច្រើន​មាន​អារម្មណ៍​ភេទ​នៅ​ពេល​យប់ ខណៈ​​មនុស្ស​ប្រុស​ច្រើន​មាន​នៅ​ពេល​ព្រឹក​ទៅ​វិញ។

    ១- បុរស​មាន​អារម្មណ៍​ភេទ​ម៉ោងណា? ស្រីម៉ោងណា?

    ការ​សិក្សា​ដែល​បាន​រៀប​រាប់​ខាង​លើ មិន​ត្រឹម​តែ​រក​ឃើញ​ពេល​ដែល​បុរស​ និង​ស្ត្រី​មាន​អារម្មណ៍ផ្លូវ​​ភេទ​នោះ​ទេ ប៉ុន្តែ​ថែម​ទាំង​កាត់​បន្ថយ​ការ​កំណត់​ម៉ោង​ជាក់លាក់​ដែរ ដែល​នោះ​គឺ ស្ត្រី​ច្រើន​មាន​អារម្មណ៍​នៅ​ម៉ោង១១ៈ២១នាទីយប់​ឯ​បុរសវិញ​ បែរជានៅ​ម៉ោង៧ៈ៤៥នាទីព្រឹកទៅវិញ​។ អ្នក​ស្រាវជ្រាវ​ជឿ​ថា ពេល​ទាំង​នោះ​គឺ​ជា​វេលា​មាស ដែល​ទាក់​ទាញ​ផ្លូវ​ភេទ​សម្រាប់​មនុស្ស​គ្រប់​ប្រភេទ។

    គណនាថ្ងៃមេជីវិតញីទុំធ្លាក់ ចុចទីនេះ!

    ចង់គណនាថ្ងៃសម្រាលកូន ចុចទីនេះ!

    ចង់គណនាទម្ងន់ស្រ្តីពពោះ ចុចទីនេះ!

    ក្រុមហ៊ុនផលិត​តុក្កតា​សិច (Sex toy) Lovehoney របស់​ចក្រភព​អង់គ្លេស បាន​ធ្វើការ​សិក្សា​មួយ​ទៅ​លើ​មនុស្ស ២ ៣០០នាក់ បាន​រក​ឃើញ​ថា មនុស្ស​ភាគ​ច្រើន គឺ​មាន​បញ្ហា​អសមត្ថភាព​ផ្លូវភេទ​នៅ​ក្នុង​ទំនាក់​ទំនង​របស់​ស្នេហារបស់អ្នកទាំងនោះ។ ការ​ស្រាវជ្រាវ​នេះ​បង្ហាញ​ថា ៦៨%​នៃ​មនុស្ស​ស្រី និង ៦៣%​នៃ​មនុស្ស​ប្រុស ដែល​ស្ថិត​ក្នុង​ទំនាក់​ទំនង​ស្នេហា គឺ​មាន​បញ្ហា​ជាមួយ​ដៃ​គូ​ដោយ​សារ​តែ​ភាព​មិន​ចុះ​សម្រុង​ពី​តម្រូវ​ការ​ផ្លូវភេទ​នេះ​ឯង។

    រួមភេទ

    អត្ថបទពាក់ព័ន្ធ៖ ៧ សំណួរពីរឿងរួមភេទ ទាំងប្រុសទាំងស្រីឆ្ងល់ខ្លាំង តែខ្មាសអត់ហ៊ានសួរ!

    ២- ការគ្រប់គ្រង​ចំណង់​ផ្លូវភេទ​

    បើ​កុំ​ផ្អែក​លើ​របាយ​ការណ៍​នេះ មនុស្ស​ភាគ​ច្រើន​នឹង​ជ្រើស​រើស​ស្ថិត​នៅ​ក្នុង​ទំនាក់​ទំនង​ស្នេហា​ជាមួយ​នឹង​ដៃ​គូ​ដែល​ពួក​គេ​បាន​ពិភាក្សា​ និង​លើក​ឡើង​ពី​ពេល​ញឹក​ញាប់​ដែល​ត្រូវ​រួម​ភេទហើយ​​សម​ស្រប​នឹង​ពួក​គេ​ទាំង​ពីរ។ ភាគ​ច្រើន​នៃ​បុរស​និង​ស្ត្រី គឺ​រីក​រាយ​នឹង​ទំនាក់​ទំនង​ស្នេហា​ ប្រសិន​បើដៃ​គូទាំងពីរ​ មាន​ចំណុច​មួយ​ដែល​តម្រូវ​ការ​ផ្លូវ​ភេទ​គឺ​ដូច​គ្នា។

    ខណៈ​ដែល​មាន​ចន្លោះ​ពេល​រហូត​ដល់​១៥ម៉ោង​ខុស​គ្នា នៃ​ភាព​ដល់​កំពូល​នៃ​តម្រូវ​ការ​រួម​ភេទ នៃ​បុរស​និង​ស្ត្រី​ក៏​ពិត​មែន ប៉ុន្តែ​វា​នៅ​តែ​មាន​សង្ឃឹម​។ ជា​ការ​ពិត​ដែល​បុរស​ភាគ​ច្រើន​ចង់​រួម​ភេទ​នៅ​ចន្លោះ​ម៉ោង ៦ព្រឹក​ដល់​ម៉ោង​៩​ព្រឹក ឯ​ស្ត្រី​មិន​ចង់​មាន​វា​ឡើយ​រហូត​ដល់​ម៉ោង ១១​យប់ ដល់​ម៉ោង​២​ព្រឹក ប៉ុន្តែ​មនុស្ស​ភាគ​ច្រើន គឺ​អាច​មាន​អារម្មណ៍​ចង់រួមភេទ​ នៅ​ចន្លោះ​ម៉ោង ៩យប់ ដល់​ម៉ោង ១១​យប់ ទោះ​បី​ជា​ចំណង់​នេះ​មិន​ខ្លាំង​ដូច​ម៉ោង​ដែល​រៀប​រាប់​ពី​មុន​ក៏​ពិត​មែន។ ដូច​នេះ​ហើយ​ គូស្នេហ៍​ដែល​មាន​ភេទ​ផ្ទុយ​គ្នា ក៏​អាច​មាន​ក្ដី​សុខ​នៅ​អំឡុង​ពេល​នោះ​បាន។

    អត្ថបទពាក់ព័ន្ធ៖ រួមភេទញឹកញាប់ពេក ខ្លាំងៗពេក ប៉ះពាល់សុខភាពអត់?

    ៣- ចៀស​វាង​ពី​តម្រូវ​ការ​ផ្លូវ​ភេទ​ខុស​គ្នា អាច​នឹង​ជួយ​យើង​​បាន

    ជា​ការ​សំខាន់​ដែល​ត្រូវ​និយាយ​ប្រាប់​ដៃ​គូរ​បស់​យើង​​ពី​ចំណង់​ផ្លូវ​ភេទ​ដែល​ធ្លាប់​មាន​ពី​មុន​មក ព្រោះ​ថា​ការ​និយាយ​ប្រាប់​ដោយ​ភាព​ស្មោះ​ត្រង់​នឹង​ជួយ​យើង​ច្រើន​ពេល​មាន​បញ្ហា​លំបាក​អ្វី​មួយ។ បើ​សិនយើង​អាច​រីក​រាយ​ជាមួយ​នឹង​ការ​រួម​ភេទ​ពេញ​លេញ​នៅ​ចន្លោះ​ម៉ោង ២ព្រឹក​និង​ម៉ោង​៦​ព្រឹក យើង​​គួ​តែ​ស្វែង​រក​នរណា​ម្នាក់​ដែល​ចូល​ចិត្ត​ម៉ោង​នោះ​ដូច​គ្នា។ វា​មិន​មាន​ប្រយោជន៍​ទេ​ដែល​ត្រូវ​ពន្យា​ពេល​និយាយ​ពី​បញ្ហា​ផ្លូវភេទ​ ដោយ​សង្ឃឹម​ថាគូស្នេហ៍ទាំង​ពីរ​អាច​នឹង​ខិត​ជិត​ស្និទ្ធនឹងគ្នា។ បើ​សិនយើង​និយាយ​វា​លឿន​ពេក យើង​​អាច​នឹង​ពិបាក​ចូល​ចិត្ត​មនុស្ស​ដែល​មាន​តម្រូវ​ការ​ខុស​ពី​យើង​​បាន។

    អត្ថបទពាក់ព័ន្ធ៖

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ គឹម កាណែល · កែ 15/09/2022

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម