home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ងូត​ទឹក​ក្ដៅ ត្រាំទឹកក្ដៅ ឬស្ទីមយូរ អាចងាប់មេជីវិត?

ងូត​ទឹក​ក្ដៅ ត្រាំទឹកក្ដៅ ឬស្ទីមយូរ អាចងាប់មេជីវិត?

គ្នាយើងខ្លះការច្រើនឆ្នាំហើយ នៅតែគ្មានអូនៗប្រឡែងនឹងគេ ក៏មិនដឹងមកពីមូលហេតុអ្វីឲ្យប្រាកដ។ កត្តាចម្បងមួយសម្រាប់ប្រុសៗ ជាហេតុផលនាំឲ្យមិនអាចមានកូន ត្រូវក្រុមអ្នកវិទ្យាសាស្ត្ររកឃើញថា អាចបណ្តាលមកពីការដេកត្រាំទឹកក្តៅ ងូតទឹកក្ដៅ ឬស្ទីមយូរពេក។ នេះ​ជា​ការបកស្រាយ!

១- ហេតុផលគួរដឹង

មេជីវិតឈ្មោលផលិតនៅក្នុងពងស្វាសមានសីតុណ្ហភាពសមស្របមិនក្ដៅពេក និងមិនត្រជាក់ពេក។ ការពិសោធត្រូវគេធ្វើឡើងចំពោះប្រុសៗងូតទឹកក្ដៅ ឬត្រាំទឹកក្ដៅយូរជាង ៣០ នាទី រកឃើញថា ពិតជាមានចោទបញ្ហាមែន ខណៈទស្សនាវដ្ដីសុខភាពប្រេស៊ីលវិញ អះអាងថា មិនត្រឹមតែទឹកក្ដៅប៉ុណ្ណោះទេ កម្ដៅភាយចេញពីការដាក់កុំព្យូទ័រយួរដៃលើភ្លៅ និងការស្លៀកខោរឹបពេក ក៏អាចប៉ះពាល់ដូចគ្នា។ ក្រៅពីនេះ នៅមានកត្តាសុខភាព (ទាំងប្រុសទាំងស្រី) ផ្សេងទៀត ដែលអាចជះឥទ្ធិពលដល់លទ្ធភាពមានកូន។

២- ដំណោះស្រាយ

ប្រុសៗប្រមាណ ៥០% ត្អូញរឿងពិបាកយកកូន តែបន្ទាប់ពីតមងូតទឹកក្ដៅចាប់ពី ៣-៦ ខែ មួយចំនួនសប្បាយចិត្តជាមួយលទ្ធផលគុណភាពមេជីវិត ប៉ុន្តែលទ្ធផលនេះ មិនច្បាស់សម្រាប់ប្រុសៗជក់បារីជាប្រចាំនោះទេ។

៣- បង្កើនលទ្ធភាពយកកូនដូចម្ដេច?

របបអាហារដើរតួសំខាន់ក្នុងការបង្កើនឱកាសយកកូន ដូចជា ញ៉ាំអយស្ទ័រ ស៊ុត ចេក ស្ពៃពួយឡេង ការ៉ុត វ៉លណាត់ (Walnut) ប៊ើរី និងយិនស៊ិន ជាដើម។ ប្រុសៗក៏អាចជ្រើសអាហារបំប៉ន និងវីតាមីន ដូចជា A B C រួមនឹងអាស៊ីដផូលីក ពីព្រោះថាអាហារទាំងនេះអាចជួយបង្កើនការផលិតមេជីវិតប្រុសៗ។ យ៉ាងណា កុំភ្លេចលំហាត់ប្រាណផង។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Hot baths may cut male fertility. http://news.bbc.co.uk/2/hi/health/6418771.stm Accessed: 13 January, 2017

13 Foods That Increase Sperm Volume & Overall Sexual Health. http://www.increasespermvolume.com/ Accessed: 13 January, 2017

Exercise for Fertility, 4 Ways to Enhance Your Fertility. http://www.naturalfertilityandwellness.com/exercise-for-fertility-1/ Accessed: 13 January, 2017

រូបថត​របស់​អ្នក​និពន្ធbadge
ដោយ យ៉ានណែត ដាញែល កែសម្រួល​ចុងក្រោយ 17/06/2019
ត្រួតពិនិត្យដោយ វេជ្ជ. ចាន់ ស៊ីណេត