home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

​ថ្នាំ​បន្តក់​ភ្នែក​ អាចប្រើរាល់​ថ្ងៃ​បានអត់​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ថ្នាំ​បន្តក់​ភ្នែក​ អាចប្រើរាល់​ថ្ងៃ​បានអត់​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ជា​ទូ​ទៅ​ ភ្នែក​យើង​អាច​ស្ងួត​ ​ក្រហម​ ​រមាស់​ ឬ​ចេញ​ទឹក​ភ្នែក​មិន​បាត់​ ដោយ​សារ​តែ​កត្តា​ផ្សេង​ៗ​ដូចជា​ធូលី​ដី​ ការ​ប្រើប្រាស់​ថ្នាំ​មួយ​ចំនួន​ ការវិវត្តទៅ​រក​ភាព​ចាស់​តាម​ធម្មជាតិ​ ​ឬ​ការ​ឆ្លង​មេរោគ​​ជាដើម​។ នៅ​ក្នុង​ករណី​ដែល​យើង​មាន​បញ្ហា​ភ្នែក​ទាំង​នេះ​ តើ​យើង​គួរ​ប្រើប្រាស់​ថ្នាំ​បន្តក់​ភ្នែក​ដែរ​ឬ​ទេ? ហើយ​​​ថ្នាំ​​បន្តក់​ភ្នែក​អាច​ផ្ដល់​ផល​ប៉ះពាល់​ឬ​អត់​ ប្រសិនបើ​យើង​ប្រើ​វា​រាល់​ថ្ងៃ​?

​ប្រភេទ​ថ្នាំ​បន្តក់​ភ្នែក​

​​​​​​ថ្នាំ​បន្តក់​ភ្នែក​​​ដែល​មាន​លក់​នៅ​តាម​ឱសថស្ថាន​​នានា​​មាន​ដូចជា​ថ្នាំ​បន្តក់​ភ្នែក​សម្រាប់​ព្យាបាល​ភ្នែក​ក្រហម​ ​ថ្នាំ​បន្តក់​ភ្នែក​សម្រាប់​​ផ្ដល់​សំណើម​ដល់​ភ្នែក​ និង​ថ្នាំ​បន្តក់​ភ្នែក​សម្រាប់​ភ្នែក​អាលែកហ្ស៊ី​។ យ៉ាង​ណា​មិញ ថ្នាំ​បន្តក់​ភ្នែក​ទាំង​នេះ​​មាន​ប្រសិទ្ធភាព​ផ្សេង​ៗ​គ្នា​ ហើយ​​ថ្នាំ​​បន្តក់​ភ្នែក​ខ្លះ​​មាន​សុវត្ថិភាព​​ក្នុង​ការ​ប្រើប្រាស់​រយៈពេល​វែង​ ខណៈ​ពេល​ដែល​ថ្នាំ​បន្តក់​ភ្នែក​ខ្លះ​ទៀត​​អាច​ប្រើប្រាស់​តែ​ក្នុង​រយៈ​ពេល​ខ្លី​ប៉ុណ្ណោះ​។

​​ថ្នាំ​បន្តក់​ភ្នែក​សម្រាប់​​ផ្ដល់​សំណើម​ដល់​ភ្នែក​

ប្រសិនបើ​ភ្នែក​របស់​យើង​ប៉ះពាល់​ជាមួយ​នឹង​កញ្ចក់​អេក្រង់​ជា​ប្រចាំ​នោះ​ ​​​យើង​​អាច​ព្រិច​ភ្នែក​​ញឹកញាប់​ជាង​ធម្មតា​។​ ​នៅ​ក្នុង​ករណី​ដែល​​មិន​មាន​​ការ​បន្ថែម​ប្រេង​ទេ​នោះ​ ​​ភ្នែក​​នឹង​ចាប់ផ្ដើម​ស្ងួត​ ព្រម​ទាំង​មាន​អារម្មណ៍​មិន​ស្រួល​។ ជាក់​ស្ដែង​ ថ្នាំ​បន្តក់​ភ្នែក​ប្រភេទ​​(Artificial tears) ត្រូវ​បាន​ប្រើប្រាស់​ដើម្បី​ផ្ដល់​សំណើម​ដល់​ភ្នែក​ នៅ​ពេលភ្នែក​ស្ងួត​ ហត់​នឿយ​ ឬ​ក្រហាយ​។ មូលហេតុ​ដទៃ​ទៀត​​ដែល​បណ្ដាល​ឲ្យ​ភ្នែក​ស្ងួត​រួម​មាន​​ការ​បំពុល​ ​សារធាតុ​ដែល​ធ្វើ​ឲ្យ​​អាលែកហ្ស៊ី​នៅ​ក្នុង​ខ្យល់​ ថ្នាំ​ជាក់លាក់​មួយ​ចំនួន​ និង​ការ​ប្រែប្រួល​អ័រម៉ូន​។​ តើ​យើង​អាច​ប្រើប្រាស់​ថ្នាំ​បន្តក់​ភ្នែក​ប្រភេទ​​Artificial tears​រាល់​ថ្ងៃ​បាន​ទេ?

សម្រាប់​ថ្នាំ​បន្តក់​ភ្នែក​ប្រភេទ​​Artificial tears​ គ្នា​យើង​អាច​ប្រើប្រាស់​រាល់​ថ្ងៃ​បាន​ ដោយ​ពុំ​មាន​ផល​ប៉ះពាល់​ណា​មួយ​ចំពោះ​ភ្នែក​​យើង​ឡើយ​​។​ ប្រសិនបើ​យើង​ប្រើប្រាស់​ថ្នាំ​បន្តក់​ភ្នែក​ដែល​មាន​សារធាតុ​​រក្សា​ទុក​ឬ​ភ្នែក​របស់​យើង​ងាយ​ប្រតិកម្ម​ ឬ​ត្រូវ​​ប្រើប្រាស់​វា​ញឹកញាប់​ ​​

​​​គ្នា​យើង​គប្បី​ជ្រើសរើស​ថ្នាំ​បន្តក់​ភ្នែក​ប្រភេទ​​Artificial tears​ ដែល​គ្មាន​ជាតិ​រក្សា​ទុក​ទើប​ជា​ការ​ប្រសើរ​។ ដើម្បី​កាន់​តែ​ច្បាស់​គ្នា​យើង​ត្រូវ​សាក​សួរ​ព័ត៌មាន​បន្ថែម​ពីឱសថការី​។​

​​ថ្នាំ​បន្តក់​ភ្នែក​សម្រាប់​ព្យាបាល​ភ្នែក​ក្រហម

ពិត​ណាស់​ ថ្នាំ​បន្តក់​ភ្នែក​ប្រភេទ​នេះ​មាន​សារធាតុ​ផ្សំ​ដែល​​អាច​បណ្ដាល​ឲ្យ​​​ភ្នែក​ក្រហម​ឡើង​វិញ​ នៅ​ពេល​ឈប់​ប្រើ​វា​ ហើយ​វា​មិន​មាន​សុវត្ថិភាព​ក្នុង​ការ​ប្រើប្រាស់​រយៈ​ពេល​វែង​ឡើយ​។​ ​យ៉ាង​ណា​មិញ​ មាន​មូលហេតុ​ជា​ច្រើន​ដែល​ធ្វើ​ឲ្យ​ភ្នែក​របស់​យើង​ក្រហម​ ដូចជា​ភ្នែក​ស្ងួត​ ក្រហាយ​ ឬ​អាលែកហ្ស៊ី​។​ ជំនួស​ឲ្យ​ការ​ប្រើប្រាស់​ថ្នាំ​បន្តក់​ភ្នែក​សម្រាប់​ព្យាបាល​ភ្នែក​ក្រហម ​គ្នា​យើង​គួរ​ងាក​មក​ប្រើប្រាស់​ថ្នាំ​បន្តក់​ភ្នែក​ប្រភេទ​​Artificial tears​វិញ​។

ថ្នាំភ្នែក២

​​ថ្នាំ​បន្តក់​ភ្នែក​សម្រាប់​ភ្នែក​អាលែកហ្ស៊ី

ថ្នាំ​បន្តក់​ភ្នែក​ទាំង​នេះ​មាន​ផ្ទុក​សារធាតុ​ Antihistamines ដើម្បី​កាត់បន្ថយ​រោគ​សញ្ញា​អាលែកហ្ស៊ី​ពី​សារធាតុ​បង្ក​ពី​ខាង​ក្រៅ​ ដូចជា​រោម​សត្វ​​ជាដើម​។​ ថ្នាំ​បន្តក់​ភ្នែក​Antihistamines អាច​ប្រើប្រាស់​បាន​រយៈ​ពេល​ខ្លី​ ជា​ជាង​ការ​ប្រើ​វា​រយៈ​ពេល​វែង​។​ ប៉ុន្តែ​ នៅ​ក្នុង​ករណី​ដែល​យើង​ចាំបាច់​ប្រើប្រាស់​វា​ញឹកញាប់​ ឬ​ជា​រៀង​រាល់​ថ្ងៃ​ ចូរ​ពិគ្រោះ​យោបល់​ជាមួយ​​នឹង​គ្រូពេទ្យ​ខាង​អាលែកហ្ស៊ី​​អំពី​ការ​គ្រប់គ្រង​រោគ​សញ្ញា​ឲ្យ​បាន​ល្អ​ តាម​រយៈ​ការ​ប្រើប្រាស់​ថ្នាំ​ និង​​ការ​ថែទាំ​ដោយ​ខ្លួន​ឯង​សម្រាប់​ដោះស្រាយ​បញ្ហា​អាលែកហ្ស៊ី​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
អត្ថបទដោយ នូ សោភ័ណ្ឌ នៅ a week ago
ត្រួតពិនិត្យ​ដោយ វេជ្ជ. ចាន់ ស៊ីណេត
x