ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការពាក់ប្រេសពត់ធ្មេញគឺជាវិធីម្យ៉ាងដែលជួយតម្រង់ធ្មេញឲ្យរត់ត្រង់ជួរ រឹងមាំល្អ មិនតែប៉ុណ្ណោះក៏ជាផ្នែកមួយជួយលើកសម្រស់មាត់ធ្មេញមើល ទៅស្រស់ស្អាតផងដែរ។ ថ្វីដ្បិតតែការពាក់ប្រេសផ្ដល់អត្ថប្រយោជន៍ដល់យើងមែន តែវាក៏ជាមូលហេតុធ្វើឲ្យប៉ះពាល់ធ្មេញយើងវិញ ប្រសិនយើងមិនបានយល់ច្បាស់ពីវិធីសម្អាត។ ខាងក្រោមគឺជាបញ្ហាដែលងាយប្រឈម ក្រោយពេលពាក់ប្រេសធ្មេញបើយើងអនុវត្តតាមការណែនាំមិនបានត្រឹមត្រូវ។
ការពាក់ប្រេសពត់ធ្មេញអាចប្រឈមកើតជំងឺអញ្ចាញធ្មេញ ប្រសិនបើមិនបានដឹងពីវិធីសម្អាតធ្មេញឲ្យបានស្អាត។ ពពួកបាក់តេរីអាចតោងជាប់នឹងប្រេស ពេលយើងសម្អាតមិនបានស្អាតល្អបន្ទាប់ពីញ៉ាំអាហារ។ បញ្ហានេះអាចធ្វើឲ្យអញ្ចាញធ្មេញ ហូរឈាម និងរលាកជាដើម។ ក្នុងករណីដែលអញ្ចាញធ្មេញមានជំងឺ ហើយមិនបានព្យាលបាលឲ្យបានត្រឹមត្រូវទេនឹងនាំឲ្យប៉ះពាល់ដល់សុខភាពផ្នែកផ្សេងៗទៀតនៃរាងកាយផងដែរ។
ចំណុចនេះក៏ស្រដៀងនឹងផ្នែកខាងលើដែរ ប្រសិនបើការសម្អាតធ្មេញមិនបានល្អទេ ពពួកបាក់តេរីដែលតោងជាប់នឹងប្រេសអាចបង្កឲ្យធ្មេញពុកបាន។
ការពាក់ប្រេសពត់ធ្មេញធ្វើឲ្យយើងពិបាកក្នុងសម្អាតធ្មេញឲ្យសព្វកន្លែង ដូច្នេះកន្លែងដែលយើងមិនអាចរុញច្រាស់ទៅដល់ គឺមិនអាចសម្អាតបានល្អនោះទេ ហេតុនេះហើយធ្មេញរបស់យើងនឹងប្រឈមប្រែទៅជាពណ៌លឿងបាន។
ក្លិនមាត់អាចកើតមានជាទូទៅ ប្រសិនបើមិនបានសម្អាត ឬ អនាម័យមាត់ធ្មេញមិនបានល្អ។ ដូចគ្នាដែរចំពោះអ្នកពាក់ប្រេសពត់ធ្មេញ ដែលមានការលំបាកក្នុងការសម្អាតធ្មេញ គឺងាយនឹងមានក្លិនមាត់មិនល្អបើសម្អាតមិនបានត្រឹមត្រូវទេនោះ។
ការរបូតប្រេសពត់ធ្មេញអាចកើតឡើងបាន ពិសេសសម្រាប់អ្នកទើបពាក់ដំបូងៗ មិនសូវគ្រប់គ្រងការហូមចុកបានល្អ។ របបអាហារដែលគួរចៀសវាង មានពពួកអាហាររឹង អាហារស្អិត និង ពពួកអាហារស្វិតជាដើម។ បញ្ហាស្រដៀងគ្នាដែរ ដូចជាការសណ្ដកប្រេស ឬក៏វៀចប្រេសជាដើម។
ការពាក់ប្រេសពត់ធ្មេញ ក៏អាចប្រឈមកើតស្នាមសៗនៅលើធ្មេញបានដែរ ប្រសិនមិនបានសម្អាតឲ្យបានស្អាតល្អ។ ស្នាមសលើធ្មេញ គឺជាដំណាក់ដំបូងនៃការខូចខាត ផ្នែករឹងនៅខាងក្រៅធ្មេញរបស់យើង វាបង្កឡើងដោយសារពពួកបាក់តេរី ដែលតោងជាប់នឹងធ្មេញ ក្រោយពេលយើងញ៉ាំអាហារ ហើយសម្អាតមិនបានស្អាត។ ដូច្នេះគួរពិភាក្សាជាមួយគ្រូពេទ្យឲ្យច្បាស់លាស់អំពីវិធីនៃការសម្អាតធ្មេញឲ្យបានស្អាតពេលយើងពត់ធ្មេញ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
