home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

បាក់ឆ្អឹងថ្គាម មានអាការៈអីខ្លះ ហើយគួរឲ្យបារម្ភកម្រិតណា?

បាក់ឆ្អឹងថ្គាម មានអាការៈអីខ្លះ ហើយគួរឲ្យបារម្ភកម្រិតណា?

បាក់ឆ្អឹងថ្គាម ជាករណីឧស្សាហ៍ជួបបំផុត ដូច្នេះ “Hello គ្រូពេទ្យ” នឹង​លម្អិតពី​មូល​ហេតុ ផល​ប៉ះ​ពាល់ និង​វិធី​ព្យាបាល​បញ្ហាបាក់​ឆ្អឹង​ថ្គាម​ឲ្យយើងបាន​ដឹង។

១- បាក់​ឆ្អឹង​ថ្គាម​ដោយ​សារ​​មូលហេតុ​អ្វី?

មាន​មូល​ហេតុ​ច្រើន​ជាប់​ពាក់ព័ន្ធ​បាក់​ឆ្អឹង​ថ្គាម ប៉ុន្តែ​ករណី​ឧស្សាហ៍​ជួប​ប្រទះ​បំផុត​មាន​ដូច​ជា៖

– គ្រោះ​ថ្នាក់​ចរាចរណ៍ (ជិះ​ម៉ូតូ)
– ការ​វាយ​តប់
– ហាត់​កីឡា
– ធ្លាក់​ពី​ទី​ខ្ពស់

២- ធ្វើម៉េច​ទើប​​ដឹង​ថា ​បាក់​ឆ្អឹង​ថ្គាម?

បាក់​ឆ្អឹង​ថ្គាម នឹង​ធ្វើ​ឲ្យ​ឈឺ​ចាប់​ខ្លាំង ថែម​ទាំង​ធ្មេញ​លែង​ត្រូវ​ជួរ​គ្នា​ដូច​មុន ពិបាក​បើក​ចំហ​មាត់។ ក្រៅ​ពី​នេះ ​គឺ​ពិបាក​និយាយ និង​កន្លែង​ឆ្អឹង​ថ្គាម​បាក់​មាន​សភាព​ហើម។ ផល​ប៉ះពាល់​ដោយ​សារ​បាក់​ឆ្អឹង​ថ្គាម អាច​បង្ក​ឲ្យ​ខូចខាត​ទៅ​ដល់​សរសៃ​ប្រសាទ​មាត់​ធ្មេញ ធ្វើ​ឲ្យ​ស្ពឹក​ចង្កា និង​បបូរ​មាត់​ខាង​ក្រោម ហើយ​យើង​នឹង​ឃើញ​មាន​ឈាម​នៅ​ក្នុង​មាត់ ធ្មេញ​លែង​រត់​ត្រង់​ជួរ ឬ​មាន​របួស​នៅ​ក្រោម​អណ្ដាត ឬ​អាច​ដាច់​រន្ធ​ត្រចៀក​ថែម​ទៀត​ផង។

បើមាន​រោគ​សញ្ញា​ដូច​ខាង​លើ​បន្ទាប់​ពី​មាន​គ្រោះថ្នាក់ សូម​ប្រញាប់​ទៅ​មន្ទីរ​ពេទ្យ​ជា​បន្ទាន់ ​ព្រោះបាក់​ឆ្អឹង​ថ្គាម​អាច​បណ្ដាល​ឲ្យ​បាត់​ដង្ហើម ដោយ​សារ​តែ​បាត់បង់​ការ​គ្រប់គ្រង​ពី​អណ្ដាត​ដែល​ចាត់​ទុក​ជា​បញ្ហា​ធ្ងន់ធ្ងរ ត្រូវ​ការ​ព្យាបាល​ជា​បន្ទាន់។

បាក់ឆ្អឹងថ្គាម Hello គ្រូពេទ្យ

អត្ថបទពាក់ព័ន្ធ៖

៣- រោគ​វិនិច្ឆ័យ​បាក់​ឆ្អឹង​ថ្គាម

គ្រូ​ពេទ្យ​នឹង​​ពិនិត្យ ​ដោយ​ស្ទាប​លើ​រាងកាយ​សិន បន្ទាប់​មក​ទើប​ពិនិត្យ​ទៅ​លើ​ផ្នែក​មុខ​ដើម្បី​កំណត់​ទៅ​លើ​ភាព​ខុស​ទ្រង់ទ្រាយ និង​លក្ខណៈ​ហើម បន្ទាប់​មក​ទើប​គ្រូពេទ្យ​ពិនិត្យ​ទៅ​លើ​សន្លាក់ ​TMJ សរសៃ​ប្រសាទ​ និង​សរសៃ​ឈាម ទើប​ចាប់​ផ្ដើម​ពិនិត្យ​ឆ្អឹង​ថ្គាម តាម​រយៈ​ការ​ស្ទាប​ប៉ះ​ពី​សាច់​ខាង​ក្រៅ។

គ្រូពេទ្យនឹង​​វិភាគ​លើ​ចលនា​ឆ្អឹង​ថ្គាម ដោយ​តម្រូវ​ឲ្យ​យើង​ខាំ​អ្វី​មួយ និង​ឆែក​មើល​ស្នាមធ្មេញខាំ។ សម្រាប់​ការ​ពិនិត្យ​ទៅ​លើ​ភាព​ជាប់​ល្អ​របស់​ឆ្អឹង​ថ្គាម គ្រូពេទ្យ​នឹង​ឲ្យ​យើង​ខាំ​បន្ទះ​ឈើ ថា​តើ​​អាច​ខាំ​ជាប់​បាន​យូរ​ដែរ​អត់។ លើស​ពី​នេះ ពេទ្យ​អាច​ត្រូវ​កាំរស្មី​អ៊ិច និង​ថត ​CT scan ដើម្បី​បញ្ជាក់​ពី​ការ​ធ្វើ​រោគ​វិនិច្ឆ័យ​ឲ្យ​កាន់​តែ​ច្បាស់។

៤- ព្យាបាល​បាក់​ឆ្អឹង​ថ្គាម

ការ​ឈឺ​ចាប់​នៅ​តំបន់​ឆ្អឹង​ថ្គាម មិន​មាន​ន័យ​ថា​ យើង​បាក់​ឆ្អឹង​ថ្គាម​នោះ​ទេ ព្រោះ​ក្រោយ​ការ​ពិនិត្យ​ បើ​មិន​មាន​បាក់​ឆ្អឹង​ថ្គាម​ទេ​នោះ ពេទ្យ​នឹង​ឲ្យ​ប្រើ​ថ្នាំ​បំបាត់​ការ​ឈឺ​ចាប់ ឬ​ញ៉ាំ​អាហារ​ទន់​មួយ​រយៈ​ពេល​សិន រួច​ចាំ​មក​ពិនិត្យ​ម្ដង​ទៀត។

បើ​ក្នុង​ករណី​មាន​ការ​បាក់​ឆ្អឹង​ថ្គាម​វិញ​ ការ​ព្យាបាល​ អាស្រ័យ​ទៅ​លើ​កម្រិត​បាក់​ឆ្អឹង ដូចជា​ក្នុង​ករណី​បាក់​ឆ្អឹង​ថ្គាម​ធ្ងន់ធ្ងរ និង​របូត​សន្លាក់​ឆ្អឹង ត្រូវ​ធ្វើ​ការ​វះកាត់។ ក្រោយ​ពេល​វះកាត់​រួច ឆ្អឹង​ថ្គាម​តែង​​ចង​ភ្ជាប់​គ្នា​​ និងរុំ​បង់​ជុំវិញ​ចង្កាក្បាល​យើង និង​មិន​អាច​ហា​មាត់​ធំ​បាន​ឡើយ។ អាការៈ​ឈឺ​ចាប់ និង​សភាព​ហើម អាច​គ្រប់គ្រង​បាន​ដោយ​ប្រើ​ថ្នាំ​ប្រឆាំង​ការ​រលាក ដូចជា Ibuprofen (Advil, Motrin) និង Naproxen (Aleve)។

ព្យាបាល​បាក់​ឆ្អឹង​ថ្គាម ត្រូវ​ចំណាយ​ពេល​យូរ​ដើម្បី​ជា​សះ​ស្បើយ​ យើង​នឹង​មិន​អាច​ហា​មាត់​បាន​ហោច​ណាស់ ៦ ​សប្ដាហ៍។ អាហារ​អាច​ញ៉ាំ​បាន ជា​សារធាតុ​រាវ​ដើម្បី​ផ្គត់ផ្គង់​សារធាតុ​ចិញ្ចឹម​អំឡុង​ពេល​ព្យាបាល​ក្រោយ​វះកាត់។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Broken or Dislocated Jaw. http://www.healthline.com/health/broken-or-dislocated-jaw#overview1. Accessed May 22, 2017.

Broken Jaw. http://www.webmd.com/oral-health/guide/broken-jaw#1. Accessed May 22, 2017.

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ យ៉ានណែត​ នីគែល
កែ 31/05/2019
x