ការធ្លាក់ទឹករម្អិលទ្វារមាស អាចបណ្តាលមកពីកត្តាផ្សេងៗ ហើយករណីដែលគ្នាយើងធ្លាក់ទឹករម្អិលទ្វារមាសមានពណ៌លឿងមុនមករដូវ អាចកើតឡើងជាទូទៅ និងមិនបង្កជាបញ្ហាអ្វីឡើយ។ ប៉ុន្តែ ការធ្លាក់ទឹករម្អិលប្រភេទនេះ ក៏អាចជាសញ្ញានៃការមានផ្ទៃពោះថ្មីថ្មោង និងការឆ្លងមេរោគដូចគ្នា។

១. ធ្លាក់ទឹករម្អិលមានពណ៌លឿងរាវ

ពិតណាស់ ការធ្លាក់ទឹករម្អិលទ្វារមាស មានការប្រែប្រួលទៅតាមវដ្ដរដូវរបស់យើង និងអាចកើនឡើងអំឡុងពេលធ្លាក់មេជីវិតញី នៅចន្លោះថ្ងៃទី១៥ ទៅថ្ងៃទី១៦មុនពេលមករដូវ ដោយមានសភាពថ្លា និងអន្ធិលៗ។

ចំណែកឯការធ្លាក់ទឹករម្អិលដែលមានពណ៌លឿងរាវ អាចបញ្ជាក់ថាយើងកំពុងតែជិតដល់ពេលមករដូវ។ សញ្ញាផ្សេងទៀត ដែលបង្ហាញថាយើងជិតមករដូវ មានដូចជា៖

ហើមពោះ
ឈឺសុដន់
ប្រែប្រួលអារម្មណ៍
សក់ឡើងប្រេង
ចំណង់ផ្លូវភេទថយចុះ។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

២. ធ្លាក់ទឹករម្អិលទ្វារមាសមានពណ៌លឿងខាប់

ទន្ទឹមនឹងនេះដែរ ការធ្លាក់ទឹករម្អិលទ្វារមាសដែលមានពណ៌លឿងខាប់ដូចឈីស អាចជាសញ្ញានៃការឆ្លងមេរោគផ្សិត ហើយរោគសញ្ញាផ្សេងទៀតនៃការឆ្លងមេរោគផ្សិតនេះដែរ អាចរួមមាន៖

រមាស់ និងឈឺនៅបរិវេណទ្វារមាស
ឈឺចាប់អំឡុងពេលរួមភេទ
នោមឈឺ

ប្រសិនបើស្រីៗយើងមានរោគសញ្ញាណាមួយទាំងនេះ គួរទៅពិគ្រោះយោបល់ជាមួយនឹងគ្រូពេទ្យជំនាញ ដើម្បីទទួលបានការព្យាបាលភ្លាមៗ។

៣. ធ្លាក់ទឹករម្អិលទ្វារមាសដែលមានពណ៌លឿង និងមានធុំក្លិន

ជាធម្មតា ការធ្លាក់ទឹករម្អិលទ្វារមាសមិនមានក្លិនខ្លាំងឡើយ។ ប៉ុន្តែ ប្រសិនបើយើងសង្កេតឃើញថា ទឹករម្អិលទ្វារមាសមានក្លិនឆ្អាប ឬក្លិនមិនល្អ នោះអាចជាសញ្ញានៃជំងឺកាមរោគ និងមានសញ្ញាផ្សេងទៀត៖

ទឹករម្អិលទ្វារមាសមានពណ៌លឿង ឬបៃតង មានសភាពថ្លា ឬពណ៌ស

ទោះជាយ៉ាងនេះក្តី មិនមែនជំងឺកាមរោគទាំងអស់ សុទ្ធតែមានធ្លាក់ទឹករម្អិល ឬ មានក្លិនមិនល្អឡើយ។ រោគសញ្ញានៃជំងឺកាមរោគមួយចំនួនទៀត ដូចជាបាក់តេរីទ្វារមាស ឬជំងឺរលាកអាងត្រគាក មានរោគសញ្ញាដូចជា៖

រមាស់ ក្រហាយ ឬឈឺចាប់នៅបរិវេណទ្វារមាស
នោមឈឺ
ឈឺចាប់នៅពេលរួមភេទ
ធ្លាក់ឈាមចន្លោះពេលមករដូវ
ឈឺចាប់នៅបរិវេណពោះផ្នែកខាងក្រោម
គ្រុនក្តៅ។

អត្ថបទគួរអាន៖

១. ធ្លាក់​ទឹក​រម្អិល​មាន​ពណ៌​លឿង​រាវ

២. ធ្លាក់​ទឹក​រម្អិល​ទ្វារ​មាស​មាន​ពណ៌​លឿង​ខាប់

៣. ធ្លាក់​ទឹក​រម្អិល​ទ្វារ​មាស​ដែល​មាន​ពណ៌​លឿង និង​មាន​ធុំ​ក្លិន

១. ធ្លាក់ទឹករម្អិលមានពណ៌លឿងរាវ

២. ធ្លាក់ទឹករម្អិលទ្វារមាសមានពណ៌លឿងខាប់

៣. ធ្លាក់ទឹករម្អិលទ្វារមាសដែលមានពណ៌លឿង និងមានធុំក្លិន