ខ្លាញ់កកក្រោមស្បែកភ្លៅធ្វើឱ្យស្បែកភ្លៅយើងមើលទៅរដិបរដុបមិនស្រលូនស្អាត ជាពិសេសពេលស្លៀកពាក់ខ្លីៗ។ ហេតុអ្វីបានជាមានខ្លាញ់កកក្រោមស្បែកភ្លៅ? ហើយយើងអាចកម្ចាត់បានដោយវិធីណាខ្លះ?
ជាទូទៅខ្លាញ់កកក្រោមស្បែកភ្លៅកើតឡើងដោយសារ៖
ខាងក្រោមនេះជាវិធីសាស្រ្តមួយចំនួនដែលអាចជួយកាត់បន្ថយអាការៈខ្លាញ់កកក្រោមស្បែកភ្លៅបាន៖
ការខាត់ស្បែកជាមួយកាហ្វេអាចជួយជំរុញចលនាឈាមរត់នៅភ្លៅ បន្តឹងស្បែកភ្លៅ និងកម្ចាត់កោសិកាស្បែកងាប់ៗចេញពីស្បែកភ្លៅ។
យើងអាចលាយម្សៅកាហ្វេ មួយភាគបួនពែង ជាមួយស្ករត្នោត ៣ ស្លាបព្រាបាយ និងប្រេងដូងរលាយ ២ ស្លាបព្រាបាយ (អាចជំនួសដោយប្រេងអូលីវសុទ្ធ) ឱ្យសព្វចូលគ្នា រួចយកមកម៉ាស្សាលើស្បែកភ្លៅកន្លែងដែលមានខ្លាញ់កកក្រោមស្បែក ៤ ទៅ ៥ នាទី បន្ទាប់មកលាងសម្អាតចេញ។ យើងអាចខាត់ស្បែកភ្លៅជាមួយស្រ្កាប់កាហ្វេ ២ ដងក្នុងមួយសប្តាហ៍។
ទឹកខ្មេះមានផ្ទុកប៉ូតាស្យូម ម៉ាញ៉េស្យូម សារធាតុរ៉ែ និងកាល់ស្យូមដែលជាសមាសធាតុអាចជួយបន្ថយអាការៈខ្លាញ់កកក្រោមស្បែក បណ្តេញជាតិពុលចេញពីស្បែក និងគ្រប់គ្រងការចាល់ជាតិទឹកនៅជុំវិញភ្លៅ។
យើងអាចលាយទឹកខ្មេះផ្លែប៉ោម ១ ភាគ ជាមួយទឹក ២ ភាគ និងទឹកឃ្មុំពីរបីដំណក់ឱ្យសព្វចូលគ្នា រួចម៉ាស្សាល្បាយនេះលើស្បែកភ្លៅដែលមានខ្លាញ់កកក្រោមស្បែក ទុកចោល ៣០ នាទី បន្ទាប់មកលាងសម្អាតចេញជាមួយទឹកក្ដៅឧណ្ហៗ។ យើងអាចធ្វើបែបនេះពីរដងក្នុងមួយថ្ងៃរហូតដល់ទទួលបានលទ្ធផល។
ការម៉ាស្សាប្រេងដូងពីរបីដំណក់លើស្បែកភ្លៅជាប្រចាំ ក្រោយពេលងូតទឹកហើយដើម្បីផ្តល់សំណើមដល់ស្បែកភ្លៅអាចជួយកម្ចាត់ខ្លាញ់កកក្រោមស្បែក ជួយឱ្យស្បែកភ្លៅទន់ និងរលោងជាងមុន ព្រោះប្រេងដូងមានជាតិប្រេង អាចប្រឆាំងនឹងមេរោគផ្សិត និងបាក់តេរីបាន។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ខ្លាញ់កកក្រោមស្បែកបណ្តាលមកពីការផ្តុំជាតិពុល និងខ្លាញ់នៅក្នុងស្បែក។ ការញុំាទឹក ២ លីត្រ ឬ ៨ កែវក្នុងមួយថ្ងៃអាចជួយណ្តេញជាតិពុលចេញពីរាងកាយ ជួយឱ្យស្បែកយើងភ្លឺថ្លានិងមានសុខភាពល្អ។
ការញុំារបបអាហារល្អអាចជួយឱ្យយើងមានសុខភាពល្អ និងធ្វើឱ្យអ័រម៉ូនមានតុល្យភាព។ យើងគួរកាត់បន្ថយការញុំាគ្រឿងស្រវឹង ជាតិកាហ្វេអ៊ីន អាហារកែច្នៃ កាបូអ៊ីដ្រាត អាហារមានជាតិខ្លាញ់ ស្ករ និងអំបិលខ្ពស់ រួមទាំងចៀសវាងការជក់បារី។ លើសពីនេះទៅទៀត យើងគួរញុំាបន្លែ ផ្លែឈើស្រស់ គ្រាប់ធញ្ញជាតិ អាហារសម្បូរជាតិសរសៃ និងត្រីឱ្យបានច្រើន។
អាហារសម្បូរអាស៊ីដខ្លាញ់អូមេហ្កា-៣ ដូចជាត្រីសាល់ម៉ុន គ្រាប់ឈៀ គ្រាប់វាល់ណាត់ សណ្តែកសៀងជាដើមអាចជួយពង្រឹងប្រព័ន្ធភាពសុំា ជួយឱ្យស្បែករលោង និងអាចកាត់បន្ថយខ្លាញ់កកក្រោមស្បែក។
ការហាត់ប្រាណដូចជា យូហ្កា ហែលទឹក ដើរ ជិះកង់ ឡើងជណ្តើរ និងរាំជាដើមឱ្យបានទៀងទាត់អាចជួយជំរុញការរំលាយអាហារ បន្តឹងស្បែកភ្លៅ កម្ចាត់ជាតិខ្លាញ់នៅក្រោមស្បែក ជំរុញចលនាឈាមរត់នៅជើង និងអាចជួយយើងសម្រក់ទម្ងន់ទៀតផង។
ខ្លាញ់កកក្រោមស្បែកភ្លៅអាចបាត់ទៅវិញបន្តិចម្តងៗ ប្រសិនបើយើងកែប្រែរបៀបរស់នៅ របបអាហារ ម៉ាស្សា ឬខាត់ស្បែកឱ្យបានទៀងទាត់ និងសម្រកទម្ងន់។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
