ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ខាងក្រោមនេះជាវិធីសាស្រ្តមួយចំនួនដែលយើងអាចសាកល្បងប្រើដើម្បីកាត់បន្ថយបែកញើសក្លៀក៖
យើងគួរងូតទឹកឱ្យស្អាត និងត្រជាក់ខ្លួនយ៉ាងហោចណាស់ពីរដងក្នុងមួយថ្ងៃដើម្បីការពារ និងកាត់បន្ថយការបែកញើសដោយសារភាពស្អុះស្អាប់។ ម្យ៉ាងទៀត យើងគួរប្រើសាប៊ូដែលគ្មានជាតិកាត់ខ្លាំង ឬគ្មានក្លិនប្រអូបក្នុងការសម្អាតក្លៀក។
ការធាត់ ឬលើសគីឡូក៏ធ្វើឱ្យយើងបែកញើសច្រើនដែរ ដូច្នេះយើងគួរហាត់ប្រាណយ៉ាងហោចណាស់ ៣០ នាទីជារៀងរាល់ថ្ងៃ និងកាត់បន្ថយការញុំាអាហារដែលផ្ទុកជាតិម្សៅចម្រាញ់ ខ្លាញ់ និងស្ករខ្ពស់ដើម្បីកាត់បន្ថយកាឡូរីក្នុងខ្លួន និងជួយឱ្យយើងអាចស្រកទម្ងន់។
យើងគួរស្លៀកសម្លៀកបំពាក់ដែលធ្វើពីកប្បាស សូត្រ ឬលីនីនជាដើម ដែលរលុងៗព្រោះក្រណាត់ទាំងនេះអាចឱ្យខ្យល់ចេញចូលបានល្អ កាត់បន្ថយការបែកញើស ការកកើតបាក់តេរី និងការមានក្លិនខ្លួន។
លើសពីនេះទៅទៀតយើងគួរស្លៀកសម្លៀកបំពាក់ដែលមានពណ៌ស្រាលៗ ព្រោះសម្លៀកបំពាក់ដែលមានពណ៌ក្រមៅអាចស្រូបពន្លឺថ្ងៃ និងកម្តៅខ្លាំងដែលធ្វើឱ្យយើងបែកញើសច្រើន។
ការមានភាពតានតឹង ឬស្រេស្តក៏ធ្វើឱ្យយើងបែកញើសច្រើនដែរ ដូច្នេះយើងគួរកាត់បន្ថយភាពតានតឹងតាមរយៈការដកដង្ហើមវែងៗ ហាត់យូហ្កា ដើរលំហែរ ឬស្តាប់តន្ត្រីជាដើម។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
រោមក្លៀក រោមមុខ និងរោមលើរាងកាយយើងអាចជួយបញ្ចេញកម្តៅពីរាងកាយយើងតាមរយៈការបញ្ចេញញើស ដូច្នេះការដក ឬកោររោមក្លៀកអាចជួយកាត់បន្ថយការបែកញើសក្លៀកបាន។
អាហារដែលអាចធ្វើឱ្យយើងបែកញើសច្រើនមានដូចជា អាហារកែច្នៃ គ្រឿងស្រវឹង ខ្ទឹម ខ្ទឹមបារាំង អាហារដែលមានជាតិខ្លាញ់ខ្ពស់ អាហារហឹរ និងជាតិកាហ្វេអ៊ីនជាដើម ព្រោះអាហារទាំងនេះអាចធ្វើឱ្យរាងកាយយើងឡើងកម្តៅ។
ជាងនេះទៅទៀត ការញុំាអាហារដែលប្រៃៗ (មានជាតិសូដ្យូមខ្ពស់) ក៏រួមចំណែកធ្វើឱ្យយើងបែកញើស និងនោមច្រើនដែរ ព្រោះរាងកាយត្រូវបញ្ចេញជាតិសូដ្យូមដែលលើស។
ជាតិនីកូទីននៅក្នុងបារី គឺដូចជាតិកាហ្វេអ៊ីនដែរ ដោយអាចបង្កើនកម្តៅក្នុងរាងកាយយើង ធ្វើឱ្យបេះដូងលោតលឿន និងធ្វើឱ្យក្រពេញញើសសកម្មជាងមុនដែលធ្វើឱ្យបែកញើសច្រើន។
អាហារមួយចំនួនអាចធ្វើឱ្យរាងកាយយើងត្រជាក់ និងកាត់បន្ថយបរិមាណញើសដែលរាងកាយផលិត។ អាហារទាំងនោះមានដូចជា ទឹក តែបៃតង ចេក ប្រេងអូលីវ ស្រូវសាលីអូត ដំឡូងជ្វា អាហារដែលមានជាតិកាល់ស្យូមខ្ពស់ (ផលិតផលធ្វើពីទឹកដោះ) បន្លែ និងផ្លែឈើដែលមានជាតិទឹកខ្ពស់ ដូចជាឪឡឹក ទំពាំងបាយជូរ ត្រសក់ស្រូវផ្អែម ខាត់ណាខៀវ ផ្កាខាត់ណា ម្ទេសហាវៃ និងត្រប់វែងជាដើម។
យើងបែកញើសនៅពេលក្តៅស្អុះស្អាប់ ដូច្នេះយើងគួរនៅក្នុងម្លប់ ចៀសវាងត្រូវកម្តៅថ្ងៃ និងគួរបើកបង្អួច កង្ហារ ឬម៉ាស៊ីនត្រជាក់ដើម្បីការពារការបែកញើស។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
